1009 hPa
54 %
12 °C
Скопје - Пет, 19.04.2024 20:59
ТЕМА: Фестивалот EXIT
Grandmaster Flash е легендарен old school hip hop артист, пионер на т.н. Turntablism, диџејска вештина на манипулирање со грамофоните, која ја демонстрираше во темата "The Adventures of Grandmaster Flash on the Wheels of Steel" уште во далечната 1981. Во тој период, работeше со раперот Melle Mel и групата The Furious Five, позната по славната "The Message". Grandmaster Flash настапи на третата фестивалска вечер на овогодинешниот Exit, одржана на 11 јули. Неговиот сет започна со омаж за Мајкл Џексон, при што беа свртени повеќе познати хитови, вкл. и "I Want You Back" од Jackson 5, која може да се чуе на почетокот. Следуваа и познати хип хоп траки, но не се ограничи стриктно на тоа, сетот содржеше и по малку рок. Додека работеше зад DJ пултот, во настапот го придружуваше и еден своевиден „аниматор“ на публиката, кој во интеракција со неа, навистина успешно ја „запали“.