1007 hPa
100 %
10 °C
Скопје - Сре, 24.04.2024 06:59
Сакам моето тело да биде
пристојно облечено. Во облеките
што тогаш ги сакав.
А во џебовите ставете ги
работите што ги користев,
пенкало, фото апарат, паричник, фасцикла.
И сакам да бидам на бок положен,
со лицето удолу: сонувам лошо
ако лежам на грб.
Кога ќе умрам никој не треба да го види моето лице.
А крај мене нека лежи
моето прасенце од масата
со дупчиња наместо очи.
Сандакот нека биде простран како кош.
Не кутивче
за коски само.
Нека има место глушец да влезе.
А на мојот мачор, ако го имам тогаш,
мојот црн дроб дајте му го.
Тој тоа ќе го сака.
И храна оставете
за седмица и еден ден:
чоколада, месо, грав, сирење.
И сè нека биде тука
на ветер и дожд.
А осмиот ден запалете сè.
Пепелта
да се расфрла како што ќе реши ветрот.
А каменот и металот закопајте ги.
Ова е мојата волја.
Препев: П. В..
Џорџ Макбет (George MacBeth, 1932-1992), исклучително продуктивен шкотски поет, прозаист, уредник, продуцент... Макбет бил контроверзен поет кој се трудел да го поврзе поетскиот експеримент со традиционалниот поетски израз. Бил изненадувачки популарен и присутен во британскиот јавен живот...