Слика

05.03.2015 18:21

Пајак во бања. Позната слика, дотолку:
Можеби важна но сигурно загадочна.
Неподвижно суштество и надуено малку,
Исправена решетка со изглед чист:
Наместо грижа сожалување и завист.

Утредента изненадувачки го наоѓаш таму.
Како да се мрднал сантим или два, можеби.
Познатиот изглед брзо го добива потаму,
Затвореник кому времето е откорнато поглавје:
Непристојна тетка заборавена во поткровје.

Очигледно дошол низ одводната цевка,
А од рамнодушност или незнаење по тој пат
Не брза да се врати. Ситуацијата му е кревка
Оти чудни натрапници мрдаат безбели
Околу секојдневните познати му мебели.

Човек е зорт пред убиство; така листот хартија
Лизна под помирливите нозе, а пред прогонетиот
Прозорецот на бањата се отвори како партија,
Светли растителни светленца што се ситнат
Врз бакарна бука - е таму беше џитнат.

Пожелно би било сите мачни нешта лесно
Да ги исфрлиме од дома. Но натаженоста и грижата
Спрема сопствениот вид сепак доблесно
живеат во познатата слика, и прочуена:
Полусакано неподвижно суштество со става надуена.

Препев: П. В.

Рој Фулер (Roy Fuller, 1912-1991), англиски поет и писател. Предавал поезија на Оксфорд. Еден период бил раководител на BBC и член на Уметничкиот совет на Велика Британија. Објавил речиси 30 стихозбирки, осум романи, повеќе книги за деца, мемоари...

Оригиналната песна

Слични содржини

Секој ден песна
Секој ден песна
Секој ден песна
Секој ден песна
Секој ден песна
Секој ден песна

ОкоБоли главаВицФото