1007 hPa
42 %
17 °C
Скопје - Саб, 20.04.2024 12:59
Готов сум?
Не, готов сум на сè!
Ништо нема на готово.
***
На Кукловден
ќе ми ја земат власта!
Дерман да се нема.
***
„Сите тие мораат
да си заминат.“
Зар и јас сум сите?
***
Куц ковач,
ја усвитувам свеста
на мојот народ.
***
Јас - држава.
В куќа исечи
врата и прозорци.
***
Го учам Мартин:
со нагиб од 7,5 степени
се руши секоја кегла.
***
Хидроцентрала
со неисплакани солзи
го движи народов.
***
Пес ме лае.
Можеби ми збори?
Сеедно велам - лае.
***
Скршена гранка
во цут. Каков
божествен мирис!
***
Сонив споменик.
Глината свиткана
околу празнина.
***
Петунијата
и монахот се смртни.
Бронзата е Господ.
***
Мрачно пророштво:
жерави го украле
балонот над владата.
***
Од мостот Око
Кон Грција одат
сенките на статуите.
***
Не стига лопатата,
ви зинале триста дупки,
сè од мене барате!
***
Вардар ги подрива
темелите на театарот
и бликнува на сцена!
***
Додека кртот
низ рудник го шетав
ме касна пеперуга.
***
Вистината врти врти
и како шило пробива.
Крај на долгиот пат.
Како врескаат!
Омразата кон мене
расте како врба во вода.
***
Се фаќам за камшикот
и истовремено слушам
фиук на друг.
***
Со сипино мастило
запишувам: иднината
нема иднина.
Сродни прилози
Никола Груевски - 20 хаику
Коска во грло
Слики: Свирачиња
Извор: Пандалф Вулкански: „Никола Груевски: 250 хаику“, Темплум, 2011.