1005 hPa
76 %
11 °C
Скопје - Чет, 25.04.2024 02:59
Во педесеттата си приоѓам сам на себе
осумнаесетгодишник
смуртено седи на бетонските скали
на татковата куќа
и сака да замине оттаму
во мојот сопствен живот;
и му велам на своето младо битие:
Ништо нема да испадне како што треба,
ќе посакаш да се казниш себеси,
посебно поради најблиските,
и тие ќе ја посакаат сопствената смрт
во потресеност и болка. Ќе упаднеш
во спорења облеан со самосожалувачки солзи,
полн со себе, плаховит странец.
Моето осумнаесетгодишно јас стана
од бетонските скали и рече:
Оди по ѓаволите -
и јас си заминав.
Препев: П. В.
Дејвид Игнетов (David Ignatow, 1914-1997), американски поет со типично американска работна биографија: работел како месар, пренесувач на пораки, болнички секретар, ноќен чувар, пазарџија, продавач на хартија, новинар, предавач... Поезијата му е едноставна, популарна, наменета за „обичните луѓе“... Благодарение на дваесетината поетски книги ги добил најголемите американски книжевни награди.