1020 hPa
55 %
16 °C
Скопје - Пет, 29.03.2024 09:53
Сè освен јазикот
ја знае смислата на постоењето.
Дрвјата, планетите, реките, времето
не знаат ништо друго. Ја изразуваат
миг по миг, како универзумот.
Дури и ова будалесто тело
живее во тоа семејство
и ќе беше рамноправен дел од него
да не беше слепата слобода
на мојот брблив ум.
Препев: Николина Андова Шопова
Лес Мареј (Les Murray, 1938), австралиски поет, критичар, уредник... Неговата кариера се протега низ повеќе од четириесет години. Објавил околу 30 книги поезија, два романа и неколку збирки со раскази. За својата поезија добил многу награди и се смета за „еден од водечките поети на својата генерација."