Трогателна исповед за голготата на средношколец од Прилеп

Здраво мои соученици,

Поминавме 4 години заедно, поминавме 4 години во кои се дружевме, учевме, се забавувавме, како на часовите така и на одморите. И искрено да ви кажам, баш ми беше мило што учев со соученици како вас. Никогаш нема да се каам за сите тие години поминати заедно со вас. Најпрвин сакам да ви честитам за здобиената диплома, ви посакувам среќа во полагањето на испитите за матура и и посакувам сè најдобро во вашиот понатамошен живот.

Но сега сакам да ви ја раскажам мојата приказна.

Мислам дека сите знаете дека ме турнаа година (замислете, во цела генерација од 220 ученици, само јас), сега ќе си ги подигнам документите.

НО ЗОШТО – затоа што не сум симпатизер на ПАРТИЈАТА на МОЈОТ ТАКАНАРЕЧЕН КЛАСЕН РАКОВОДИТЕЛ И НЕКОИ ПРОФЕСОРИ?

Мислам дека сите знаете кои се моите капацитети и можности, НО ДАЛИ ЈАС ГО ЗАСЛУЖИВ ТОА, САМО ЈАС ОД ЦЕЛА ГЕНЕРАЦИЈА? Сите знаете што се случува со мене, дека животот ми висеше на конец, дека на АПАРАТИ живеев во болниците во Скопје...

Поминаа ученици со 10 единици направо или со 1 испит на полагање, а мене ме оставија со 2 единици и присилно натераната професорка по граѓанско на која не сакам да ѝ го спомнам името, да допишува единица, кај која што имав преодна оценка на полугодие, за да добие за возврат продолжен договор на дело, за да биде професорка и наредната година. За неа ќе речам само едно нешто - ЈА КАЗНИЛ ГОСПОД КАЈ ШТО НАЈМНОГУ БОЛИ.

Сега ќе зборувам малку за мојот ТАКАНАРЕЧЕН КЛАСЕН РАКОВОДИТЕЛ. и неговото име нема да го спомнам. Јас за мојот класен бев најдобар до 24 март, ДЕНОТ НА ЛОКАЛНИТЕ избори. До тој ден мојот класен беше најдобар со мене, ќе ме тргнеше в кабинетче и ќе ми речеше да не зборува нешто в партија за мене, ќе ми ги кажеше прашањата и ќе ми речеше: пази се од тој професор, ќе изгубиш година, не бегај од часови, ми го проверува дневникот.

По 24 март тоа престана, едноставно бев прегазен како со валјак. После тој ден се слушаа зборовите (цитирам) – БЕГАЈ ОД МЕНЕ, НЕКА НЕ МЕ ГЛЕДААТ СО ТЕБЕ, ЌЕ МИ НАПРАВИШ ПРОБЛЕМИ. Замислете, КЛАСЕН РАКОВОДИТЕЛ на кој моите родители ме оставиле да се грижи и да ме третира како втор родител! Потоа СИТЕ ВИДОВТЕ СО СВОИ ОЧИ – МИ ЗАБРАНИ ДА ПРИСУСТВУВАМ НА ГОСТУВАЊЕТО НА МОЈОТ КЛАС ВО ЗГРАДАТА НА ОПШТИНА ПРИЛЕП. Слика која беше направена на шега како за последна година и која сите ја сфатија како шега, а не како потсмев – ТОЈ ТОА ГО НАПРАВИ КАКО ДА СТАНУВА ЗБОР ЗА НЕКОЈА ЈАКА ФАЦА ИЛИ ИНТЕЛЕКТУАЛНА ЛИЧНОСТ.

Aко продолжам да пишувам, на нештово ќе нема крај. Искрено, нема само да плукам, некогаш многу ме ценеше и ми помагаше, но на крајот за НЕГОВИТЕ ЛИЧНИ ИНТЕРЕСИ МЕ УНИШТИ МЕНЕ, А МЕНЕ МИ Е ЈАСНО ДЕКА ТОА Е ПО НАРЕДБА. ТИ БЛАГОДАРАМ МОЈ ТАКАНАРЕЧЕН КЛАСЕН РАКОВОДИТЕЛ – ЗАПАМТИ - ЖИВОТОТ Е ТРКАЛО.

НА СОВЕТИТЕ НА СОУ„Р.Р.Р.“ – Прилеп се случувало сценарио кое предвреме било планирано од некои професори. Кога отидов кај директорот, тој ми рече - зошто не пријави кај мене? ПА КАКО ДА ПРИЈАВАМ, ДИРЕКТОРЕ, КОГА И ТИ СИ ВМЕШАН И ТЕБЕ ТИ Е ДАДЕНА НАРЕДБА ОД ТИЕ ШТО ТЕ НАМЕСТИЈА?!

Потоа поднесов жалба за единицата по Граѓанско образование. Со поднесувањето на таа жалба директорот законски треба да свика наставнички совет со кој треба да се направи гласање од страна на професорите дали да се корегира мојата оценка.

СЕ СВИКА ТОЈ НАСТАВНИЧКИ СОВЕТ на кој ПАРТИСКИТЕ ВОЈНИЦИ, а не ПРОСВЕТНИ РАБОТНИЦИ (ова не важи за сите професори, има многу чесни добри професори), кога дошло ред да се дебатира за мене, распослале мои слики од статуси на мојот фејсбук профил и со тоа наставничкиот совет го направиле како да се суди некој криминалец или некој криминален случај (ПАЈАЖИНА ИЛИ ЗМИСКО ОКО), имало професори кои гласеле ЗА, но сето тоа било бадијала. Партиските војници на некоја партија ГЛАСАЛЕ ПРОТИВ, дури и некои што не ме познаваат, ама така им рекле -втоа е задача. ЈАС ТОЧНО ЗНАМ КОИ ГЛАСАЛЕ и ШТО ГЛАСАЛЕ, И МОЈОТ КЛАСЕН ГЛАСАЛ ПРОТИВ, ШТО Е МНОГУ ЈАСНО.

Епа вака, мои таканаречени бивши професори, ВАШИТЕ КОМАНДАНТИ не можеаа да мавнат на коњот и мавнаа по самарот, што е многу нормално. КОЈ ВИ РЕКОЛ ДЕКА СТЕ ПРОСВЕТНИ РАБОТНИЦИ (пак напоменувам, не сите професори)?! ВИЕ СТЕ ПАРТИСКИ ВОЈНИЦИ КОИ ЗА ВАШИТЕ ЛИЧНИ ИНТЕРЕСИ МЕ УНИШТИВТЕ МЕНЕ! Дали вие како родители би се ставиле на местото на моите родители? Дали знаете кој стрес и нервози ги поминав јас и моите родители? Дали знаете колку чини на денешницава некој да изгуби година на оваа сиромаштија? Дали знаете дека цел град разбра за ова? Дали со истата гордост се шетате по улиците на нашиот град кога сите ве разбраа какво злосторство направивте? МИСЛИТЕ ли да водите родителска пред родители што знаат дека за ваш интерес може да страда нивното дете?

Епа браво, ако се ситите на 18-годишно дете! Браво што сте направиле многу голема добрина. Ама едно да знаете, ГОСПОД ГЛЕДА! И вие имате деца кои навистина не се криви ни најмалку затоа што нивните родители постапиле пограшно во животот. Децата ги спомнав за да се ставите малку на место на моите родители. ВИЕ ВМЕШАВТЕ ДЕТЕ СО ВАШАТА ПОЛИТИКА ВО ОБРАЗОВНА ИНСТИТУЦИЈА. СО КОИ ОЧИ ЌЕ МЕ ПОГЛЕДНЕТЕ НЕКОГАШ НА УЛИЦА?! САМО ЕДНО ЌЕ РЕЧАМ: ЗАСРАМЕТЕ СЕ! АЈДЕ СЕГА, ВЕДНАШ ИСПЕЧАТЕТЕ ГО ОВА И ВЕДНАШ ВО ПАРТИЈА ДА СОБИРАТЕ ПОЕНИ!

Ако не ме запознавте во овие 4 години, еве ви пак шанса:

Здраво. Моето име е Мартин Милкоски. Имам 19 години. Граѓански активист. Мојата цел е да ја бранам мојата демократија во мојата ДИКТАТОРСКА држава. Покрај сите закани и загуби во мојот живот, секогаш ќе стојам на барикадите против оваа ненародна власт. Еве што сум јас.

А што сте вие? – вие сте само едни обични партиски полтрони. Ништо повеќе.

Од мене, за крај, запамтете ја само ова изрека – ЖИВОТОТ Е ТРКАЛО.

ПОЗДРАВ

(Со ова мое обраќање не сакам никого да навредам. Затоа никој не беше спомнат со име и со презиме. Кој си ја има мувата на капата, сам ќе си се пронајде.)

Извор: Centarnews.net