Рабија Ал-Адавија

26.11.2015 04:48
Рабија Ал-Адавија

Еден ден додека седела меѓу другите дервиши и медитирала, на Рабија ѝ пришол Хасан и ѝ рекол:
„Имам способност да чекорам по вода. Ајде, да тргнеме двајцата кон водана и седејќи врз неа да разговараме за духовното.“
Рабија рекла:
„Ако сакаш да се одвоиш од оваа возвишена група следбеници на Патот, зошто не сакаш со мене да полеташ и да разговараме седејќи на облаците?
Хасан рекол:
„Јас тоа не го можам, бидејќи ја немам моќта што ја спомнуваш.“
Рабија рекла:
„Твојата моќ да лебдиш на вода е моќта на рибите. Мојата способност да летам по воздух ја има и мувата. Овие способности не се дел од Вистината ‒ тие можат да станат основа за натпревар и самољубие, а не за совршенство во духовното.“

Рабија Ал-Адавија (починала 801 г.) била муслиманска суфи светица; ја издигнала аскетската традиција до нова димензија преку страствен љубовен мистицизам; нејзината љубов спрема Бога била апсолутна и ексклузивна во однос на сè друго, не допуштајќи место за страв од пекол, ни желба за рај, ни омраза спрема шејтанот.

Слика: Abdur Rahman Chughtai

Слични содржини

Книжевност
Книжевност
Книжевност
Книжевност
Книжевност
Книжевност

ОкоБоли главаВицФото