1007 hPa
100 %
10 °C
Скопје - Сре, 24.04.2024 05:59
Деновиве се погласни се шпекулациите дека ќе се формира посебно судско одделение во рамките на Кривичниот суд, кое ќе ги разгледува предметите кои ги отвора Специјалното јавно обвинителство.
И во тоа нема ништо, ниту незаконско, ниту лошо, ако земеме предвид каква ни е состојбата во судството, колку ни се исполитизирани голем дел од судиите и колку тие судат како што им диктира власта.
ВМРО-ДПМНЕ очигледно се плаши од ваквата идеја и деновиве се погласно, преку своите медиумски мегафони, труби дека странци ќе ни формирале специјален суд. Демек, како странците диктираат така ние сме играле. Е па не е точно. Има нормални луѓе во државава кои и понатаму настојуваат да играат онака како што треба. Онака како што доликува на нормална демократска земја, што Македонија очигледно сега не е.
Ако власта да не го окупираше и не го потчинеше судството, ќе немаше потреба од никакви специјални одделенија и судови. Но, што е тука е. Сега треба да се мисли што и како понатаму, како да се избега од канџите на партиското судење и како правдата повторно да завладее во државата.
А специјалното судско одделение може само да помогне во таа насока, и треба бездруго да се формира. Законите мора да важат за сите, а не само за оние неподобните.
Слика: Свирачиња
Извор: Слободен печат