Што не знаеше Орвел

Фондацијата Институт отворено општество - Македонија (ФИООМ), во рамките на програмата Книги за дебати за отвореното општество ја објави книгата „Што не знаеше Орвел“ збирка есеи од група автори кои ја третираат пропагандата, извртувањето на вистина, пристрасноста, манипулацијата. Како основа за есеите на авторите е земено ремек-делото на Орвел „Политиката и англискиот јазик“. Размислувајќи за Орвел, авторите фрлаат нова светлина врз моќта на политичарите и на медиумите и нивната улога во презентирањето на својата „вистина“ на јавноста.

ФИООМ се одлучи преку дебата, на која ќе се проговори и за есеите, но и за состојбите во македонското општество на овие теми, да ја направи промоцијата на книгата.

Модератор на дебатата беше Билјана Бејкова од НВО Инфоцентар, а учествуваа: Владимир Милчин, ФИООМ; Климе Бабунски, Институт за социолошки и политичко-правни истражувања; Марјан Забрчанец, Младински образовен форум; Роберто Беличанец, Центар за развој на медиуми; Сашо Орданоски, ТВ Алсат – М; Александар Ивановски, психолог; Дамјан Здравев, иницијатива Плоштад Слобода; Газменд Ајдини, Здружение на новинари на Македонија; Тања Милевска, ТВ А1 и Драган Антоновски од ТВ Сител.

Во оваа публикација се вклучени дискусиите на сите учесници во дебатата и нивните текстови се авторизирани и лекторирани.

Бесплатно преземете ја од линкот подолу: