Молиер

МИЛОСРДИЕ

-Кражба

Сфатете: давајќи им на сиромашните, вие крадете од нас, а бидејќи човештвото не го претставува толпата туку елитата, вие го поткраднувате човештвото.

Иг Рeбел (Hugues Rebell) списание L'Action française, 2 септември 1905.

МИР

-Едно е сигурно

Желбата на Хитлер да се одржи мирот е неспорна.

Херман Раушнинг (Hermann Rauschning), Нихилистичка револуција (Die Revolution des Nihilismus), 1939.

МОЛИЕР

-Приговорите на Русо

Гледате ли како, со желба да ги намножи своите шеги, тој го нарушува општествениот ред; како само скандалозно ги превртува односите на кои е засновано општеството и ги подложува на потсмев достојните за почит права на таткото над своите деца, мажите над своите жени, господарите над своите слуги!

Жан-Жак Русо (Jean Jacques Rousseau), Писмо до Даламбер за претставите (Lettre à d'Allambert sur les spectacles), 1758.

МАЧЕЊЕ

-Од кого да се почне

Кога станува збор за мачење на криминалците осудени за исто злосторство, законите пропишуваат, според она што го воочува Балд, на тортура најпрво да се изложи најгрдиот меѓу нив.

Ш.Д. де ла Белиер (C.D. de la Bеlliere), Разумна физиономија (La Physionomie raisonée), 1664.

Извор: DICTIONNAIRE DE LA BÊTISE et des erreurs de jugement, Editions Robert Laffont, S.A., Paris, 1965.

Слика: Беја Халифа