1009 hPa
54 %
12 °C
Скопје - Пет, 19.04.2024 21:59
Сè е скриено, покриено,
сè во себе завиено,
во јазлите на јазикот.
Бели лотоси слетаа
на огледало задремано.
И пред нас и зад нас,
и под нас и над нас,
во волуменот набабрен.
Пурпурни лотоси пловат
на огледало заиграно.
Сè истекува и дотекува,
сè се издига и се сронува,
во јаслите на животот.
Сини лотоси одлетаа
од огледало лелеаво.
Наоколу до нас
и длабоко во нас
струните ветрови,
сончевите струни,
смртта ги отплетува.