Стадионот во Битола лежи на неексплодирани бомби од Првата светска војна!

17.03.2017 02:52
Стадионот во Битола лежи на неексплодирани бомби од Првата светска војна!

Пелистер се подготвува за враќање на својот стадион во Битола, но тоа би можело да биде дополнително одложено, откако вчера при градежните работи за изградба на северната трибина, биле откриени бомби во делот под стадионот.

Станува збор за над шеесет експлозивни направи кои датираат уште од Првата светска војна, а кои не се експлодирани.

Првата пријава се однесувала на артилериска граната и мина од минофрлач, но откако стручни лица пристигнале на стадионот, биле пронајдени уште голем број експлозивни направи.

Работата на северната трибина од стадионот ќе продолжи, но официјалните лица истакнаа дека е голема веројатноста и во следниот период да се најдат слични направи, за кои треба веднаш да се повикаат одговорните служби наместо граѓаните сами да доаѓаат во допир со нив.

Извор: ТВ Мега

ОкоБоли главаВицФото