1018 hPa
43 %
21 °C
Скопје - Пет, 29.03.2024 11:51
Издавачката куќа ТЕМПЛУМ по петти пат го распишува конкурсот „Новите!“, за најдобар годишен прозен дебитантски ракопис на македонски јазик.
Наградата изнесува 1000 евра и објавување на книгата во едицијата „Катапулт“.
Наградата е овозможена од Комерцијална банка.
Целта на наградата е да ги промовира и афирмира новите луѓе, новите тенденции во литературата, новите поетички начела, новиот пристап, новиот начин на организирање во сферата на литературата, новите обиди книжевноста да стане општествено повлијателна во секоја смисла: културно, пред сè, но и економски и медиумски...
Наградата ќе се додели кон крајот на месец декември.
Услови на конкурсот: за наградата можат да конкурираат исклучиво дебитанти кои пишуваат на македонски јазик и кои претходно немаат објавено прозна книга.
Под проза пред сè ги подразбираме кусите или подолгите раскази и кратките романи, но како проза ќе ги третираме и специфичните жанровски експериментални форми.
Важно: ракописот не смее да биде подолг од 160 страници, т.е. 300.000 компјутерски карактери (фонт 12; 1,5 проред)
Ракописите можете да ни ги испраќате до 5 декември 2010 година на следнава адреса:
Булевар Партизански одреди 21 (Порта Буњаковец)
Зграда А2/3, влез 2, стан 4
1000 Скопје
Или на нашата електронска пошта:
nagrada_novite@yahoo.com (каде што можете да се информирате дополнително доколку нешто не ви е јасно во врска со конкурсов).
Важи ли конкурсот и за
Испратено на 23 октомври 2010 од Анонимен3Важи ли конкурсот и за малолетни лица? Имам 17 години.
Важи.
Испратено на 23 октомври 2010 од koljaВажи.
Условот е учесниците
Испратено на 28 октомври 2010 од Анонимен.Условот е учесниците претходно да немаат објавено прозна книга.
Дали ако учесникот веќе објавил една драма (која е прозно дело) има право на учество на овој конкурс (кој опфаќа краток роман, раскази, спец. жанровски експериментални форми)?
Драмата не спаѓа во прозни
Испратено на 29 октомври 2010 од marijana2Драмата не спаѓа во прозни дела, што значи дека учесникот кој објавил драма има право на учество на конкурсот.
Здраво Ѓорѓи, една
Испратено на 30 октомври 2010 од ДигресијаЗдраво Ѓорѓи,
една дигресија. Дали комисијата на минатиот конкурс веќе одлучи кои раскази ќе бидат вклучени во книгата и кога приближно ќе го направи тоа. Овде прашувам бидејќи ова е поактуелно.
И уште нешто, ако велите краток расказ тогаш се прифаќа и нешто слично на она што беше во минатиот конкурс? Или?
Поздрав
Дигресија:)
Имињата на авторите кои ќе се
Испратено на 01 ноември 2010 од marijana2Имињата на авторите кои ќе се најдат во книгата ќе се знаат најдоцна до 15-ти декември.
Што се однесува до актуелниот конкурс „Новите!“, на овој конкурс можат да се праќаат само книги: збирки раскази, романи, екпериментални кратки или долги прози.
Уште една дигресија во насока
Испратено на 01 ноември 2010 од АнонимниУште една дигресија во насока на претходната. Дали наградите остануваат исти како и за првиот дел од конкурсот за краток расказ? И како наградените да си ги подигнат?
a kolku minimum stranici
Испратено на 01 ноември 2010 од Demia kolku minimum stranici treba da imame? :)
ne biva so dve :P
Вистина. Колку е минимумот,
Испратено на 07 ноември 2010 од XXXВистина. Колку е минимумот, ако најмногу треба да има 160 страници?
Поздрав
Онолку за колку не би ти било
Испратено на 10 ноември 2010 од Милован ИлиќОнолку за колку не би ти било срам да дадеш сто денари, ситничару! ;)
Всушност, скрибоманството со многу зборови губи на цена кога ќе се види изданието "Конзервирани импресии" oд Горан Стефановски, кое со малку букви исполнува доволен број страници, поради фината густина на убавата мисла...
Книгата не би требало да биде
Испратено на 22 ноември 2010 од gjorgjiКнигата не би требало да биде помала од 70 страници.
Дефиницијата на УНИЦЕФ за
Испратено на 23 ноември 2010 од од жиритоДефиницијата на УНИЦЕФ за книга подразбира, ако добро памтам: 48 страници. Така што, почитувани потенцијални апликанти, можете да испратите и, минимално, 48 страници. (А ние после, при преломот, ќе ги растегнеме на 70, за книгата да добие каков-таков рбет:)
Чек, ЧЕК,
Испратено на 24 ноември 2010 од Милован ИлиќЧек, ЧЕК, Ч ЕЕЕ К А Ј!
Дебитантска книга не е исто што и книга за деца.
На каков УНИЦЕФ вие од жирито се повикувате?!
Немојте вака, пукаат бруки!
Овде ми кликнува дека морам да ги ценам америте со нивното изразување на должина на делото со број на зборови.
Што е право - право е. Молам.
Леле, уште сум шоксан од УНИЦЕФ-меродавноста, леле!