Боли глава

Во Албанија никогаш немало Бугари

Во Албанија никогаш немало Бугари. Станува збор за побугарени Македонци и тоа за пари и за други интереси. Тие кои се декларираат како Бугари во Голо Брдо и Гора знаат дека се Македонци, но тоа се лица кои поради материјални интереси сега шират антимакедонска пропаганда. Сето оваа е поврзано и со состојбите помеѓу Македонија и Бугарија и притисоците на Софија за бугаризирање на Македонците.

Никола Ѓурѓај, политички аналитичар и главен уредник на весникот „Илинден“од Тирана; Слободен печат, 30.08.22.

нема
30.08 11:36
Дали е легитимно да се даваат одобренија по противзаконски ДУП?

Во моментов има важечки но противзаконски Детален урбанистички план. Поради тоа се поставува прашањето дали е легитимно да се даваат одобренија по еден ваков противзаконски ДУП.

Билјана Ивановска, претседателката на антикорупциската комисија; Дојче веле, 25.08.22.

нема
25.08 15:28
Сите знаеле што се случува ама никој ништо не презел

Шемата функционирала така што одредена банка идентификувала компании коишто ги отстапувале своите деловни сметки, на кои банката им исплаќала одредена сума на пари врз основа на фиктивни договори за кредит, а потоа истите компании формално им ги позајмувале тие пари на други компании, исклучиво по избор на банката. Сите знаеле што се случува ама никој ништо не презел.

Трифун Костовски, сопственик на „Еуростандард банка“; 24 вести, 22.08.22.

нема
22.08 19:03
Во Македонијава најтешко е парк да се направи

Стварно ми е фасцинантно како во Македонијава најтешката работа е парк да напраиш, или во најмала рака да го остаиш да си вирее. Толку е килава целата работа, чиниш се работи за бурџ калифа кула од 160 ката, а не за зелен простор за којшто ќе се потепаме уште малце. Кулата, се разбира, досега веќе ќе беше изградена.

Aјде малку и за ова да пораснеме конечно.

Грација Атанасовска, Фејсбук, 19.08.22.

нема
20.08 10:32
Не знаеме од што попрво да се срамиме и запрепастуваме

Ова што Охридскиот пливачки маратон нема да се одржи поради блокирана сметка на пливачката федерација е толку голема брука што во нормални држави ќе беше во топ скандалите на годината.

Кај нас, срамот нешто го снемува, а додуша и конкуренцијата на бруки е преголема.

Не знаеме од што попрво да се срамиме и запрепастуваме.

Дневно, а камоли годишно.

Катерина Синадиновска, Фејсбук, 18.08.22.

нема
18.08 09:41
Фина мерка за штедење се отказни решенија за илјадници паразити вработени по партиска линија

Една од мерките за штедење е да се принтаат само неопходни документи. Говори на премиери, претседатели и слично се опходни или неопходни документи? Еден тон од ракав истресени соопштенија и функционерски лаги се опходни или неопходни документи? 10 страници текст со бирократска стилизација за неплатен данок од 2 денари е опходен или неопходен документ?

Фина мерка за штедење се отказни решенија за илјадници паразити вработени по партиска линија што никогаш не се појавиле на работа, кратење на непотребни функционерски привилегии и така натаму и така натаму, а не варење јајце на евтина струја или туширање со тенок млаз вода.

Владимир Лукаш, Фејсбук, 17.08.22.

нема
17.08 16:49
Напуштените кучиња сѐ повеќе ги загрозуваат дивите предели

Од чувано куче, за кое некој се грижел, тоа одеднаш е оставено само во природа. Постојано е под стрес бидејќи се наоѓа во непозната средина. Може да загине, да се разболи или да го нападнат други животни.

Тие се парат со волците и прават хибридизација. Може да предизвика промена на изгледот и на морфологијата на волкот, а со тоа и да го загрози видот.

Неколку причини се посочуваат како клучни за зголемувањето на популацијата на кучиња во природните средини, и сите се поврзани со луѓето. Домашните миленици треба да бидат чипирани, за службите за заловување да може да го најдат сопственикот чие животно се загубило или кој намерно се ослободил од него на јавен простор. Но, такви служби нема доволно.

Диме Меловски, истражувач на рисовите и на други големи диви цицачи; ПРИЗМА, 10.08.22.

нема
13.08 15:28
Со вадење пиштоли на маса се изнудуваат најблагоугодни привилегии

Со вадење пиштоли на маса, со разни видови закани за одмазда, се изнудуваат најблагоугодни привилегии – чиниш ја живееме добата на најбруталната и најпримитивната првобитна акумулација од историјата на човештвото. Нашиот Левијатан е сосема издишан. Веќе не се знае што е фукција на највисоката држава, што на локалната власт, што е јавен домен, што приватен.

Судовите сé помалку се место на раздавање на правото и правдата. Се претворија во кванташки пазар, каде сѐ зависи од случај до случај, од понудената откупнина за злоделото, каде со пари и позиција може да се добие сѐ, освен да се стигне до правдата. Монополот на примена на сила сѐ повеќе се истргнува од рацете на државата, се пренесува или узурпира од разни поединци и групи од другата страна на законот.

Петар Гошев, Дојче веле, 10.09.22.

нема
10.08 15:33
Јасна е паниката да се пополнат дупки

Ова за прекаријатните хонорарци не ми е баш најјасно.
Ако се уплаќаат придонеси, дали хонорарецот ќе има пристап, и ќе може да го остварува правото на пензиско и здравствено осигурување?

Како? Кога? Во која мера?

Што ако хонорарецот е пензионер?

Што ако има само една хонорарна исплата во годината?

Што ако има 10 хонорарни исплати во месецот од 10 различни нарачатели? Кои, рецимо, би надминале 6000 евра. Годишна плата. Има лимити за пензиско и здравствено. Ако во еден месец хонорарецот, или за него, има уплати колку што редовно вработен, или за него, има за цела година, дали хонорарецот ќе остварува право за целата година, или само за месецот во кој му се уплатени придонесите?

Јасна е паниката да се пополнат дупки, и намерата да се злоупотребат инструментите на репресија, ама немојте. Ќе згрешите.

За права станува збор.

Ќе ви дојде улицата у салите за состаноци, у кабинетите.

Лазар Попов, Фејсбук, 09.08.22.

нема
09.08 13:57
Да се твори во духот кон тоа што ќе ги расположи народот и публиката

Слободно нека творат. Но, да се твори во духот кон тоа што ќе ги расположи народот и публиката. Не нешто што повторно ќе го врати народот назад, кон едни мрачни времиња каде што навистина не видовме ништо добро.

Бисера Костадиновска-Стојчевска, Министерка за култура; VOA, 04.08.22.

нема
05.08 10:45
Не честитам Илинден на народ кој се храни од национализам

Не честитам Илинден на народ кој се храни од национализам, кому не му пречат корупција и крадење, кој ја загадува секојдневно земјата што ја величи и божем ја сака, кој полни концерти на Цеци анд ко., кој слави мртви повеќе одошто цени и сака живи луѓе. Ништо од ова нема врска со патриотизам. Спротивно, сето значи лични его, фрустрации, неукост и лековерност спакувани во македонска мелодраматичност од која ми е смачено. На сите други, честит празник!

Герман Филков, Фејсбук, 02.08.22.

нема
03.08 10:02
Црешово топче сладолед

Црешово топче сладолед

и

честит Илинден Македонци!

Трајко Џиков, 02.08.22.

нема
02.08 10:46
МАНУ лета без навигација

МАНУ троши огромни пари за симболични резултати. Таа не само што ја храни државата со празна лажичка, туку живее со евтин популизам. Нејзиниот статус треба да се смени. Во развиените земји такви структури веќе се демоде. Обично постојат институции кои нудат можности со проекти, па никој не добива никаков паушал, туку заслужени пари од реализирани проекти. Да добиете над 1000 евра во оваа криза, плус пензија или плата, плус хонорари, е ептен претерано. Затоа сериозно треба да се види како се работи низ нормалниот свет. Вака „во име на науката до џебот на граѓаните“. Таа институција се испостави дека претпочита колонизаторски статус кон народот. И сега нашите академици земаат многу повисоки паушали од хрватските академици, а просечната плата таму е над 1000 евра. Но, вашата академија продолжува да лета без навигациски систем!

Мерсел Биљали, Плус инфо, 31.07.22.

нема
01.08 17:10
Нашата зима и нашата стратегија за греење

Не е решение само да се набави скапа струја со земени скапи кредити.

Не е решение ни да се опустоши сиот дрвен фонд во земјата и да настанат дополнителни климатски штети кои нема да можат да се надокнадат со децении.

Стратегија е нешто сосем поразлично.

За почеток можеби треба, сите што можат, да работат од дома.

Тоа ќе ја намали потрошувачката за греење и ќе помогне неопходната потрошувачка во училишта, болници и производни капацитети да не биде доведена во прашање.

Верувам постојат уште многу начини како да се намали потрошувачката на греење и струја, но некој треба да ги мисли работите, а не само тендерите.

Софија Куновска, Фејсбук, 22.07.22.

нема
29.07 09:10

Препорачуваме

Бегство на политичарите од класичните медиуми

Некритичниот пристап кон настаните не е патриотизам, туку негов сурогат.

Како да заштедиме струја во становите

Наместо апарат за ер-кондишн, да се служиме со чистиот народен јазик.

Како во 18 век една жирафа допатувала од Египет во Виена

Во неколку продолженија ќе ја претставиме книгата „Нераскажани приказни“ на славниот филмски режисер.

Што сакаат педерите?

„Малку ли има човечки права на оваа скапотија?!“

ОкоБоли главаВицФото