Боли глава

Сѐ ќе се случува после изборите

Ефикасен систем за финансиска контрола на јавниот сектор – по изборите.

Платформата на Матка – по изборите.

ДСКС за вработувањата – по изборите.

Решение за Алипашина џамија – по изборите.

Физибилити студии за јавно-приватно партнерство во здравство – по изборите.

Проблемот со Шумска полиција – по изборите.

Кои политичари се вмешани во скандалот Телеком – по изборите.

Нов тендер за набавка на реагенси – по изборите.

Дали вакцинацијата треба да биде право на избор – по изборите.

Враќање на директорите во Гостивар – по изборите. 

Судбината на СЈО – по изборите.

Охрид и Струга без ингеренции за плажите – по изборите.

Двојазични табли со новото име на државата – по изборите.

Фактички, сѐ ќе случува – по изборите.

Ивор Мицковски, Фејсбук, 07.04.19.

нема
08.04 16:19
Тајната коалиција на ВМРО и ДУИ

Дали е реално и ние и ЕУ да очекуваме реформа на државната администрација, правосудството и безбедносниот систем, кога тоа зависи од тајната коалиција на ВМРО и ДУИ, кои во текот на заедничката власт ги деформирале тие служби.

Џевдет Хајредини, Фејсбук, 03.04.19.

нема
03.04 22:34
Забава за сиромашните и бедните по дух!

Двобојот постои зашто во поглед на извесни навреди редовното судење би можело со својата јавност да ѝ даде на целата работа многу понеподнослив облик отколку што е самата навреда.

Напишал во својот “Речник” Владимир Јовановиќ во 1871 година.

Денеска имаме дуели. Политички дуели кои, исто така, постојат за да се понуди замена за вистинската природа на конфликтот но, со помош на јавноста, не без неа како во времето на славните монархии и сталежи. Со естрадизацијата како форма на забава која е тука да ѝ помогне на јавноста полесно да ги поднесе вистинските причини за својата несреќа.

Во земји како Република Северна Македонија, посебно. Зашто и тука, како кај двобоите смртта, се смета како знак дека убиениот бил на погрешната страна, а не мислата на победникот дека бил на вистинската. Оти мисла, всушност, нема.

Само забава за сиромашните и бедните по дух!

Бранко Тричковски, 26.03.19.

нема
01.04 13:38
Јово „Превара“ и неговото „весело друштво“ пред ДКСК

Комисијата за борба против корупцијата не постои ни цели два месеци, а веќе сака да се фати во костец со Јово „Превара“ и неговото „весело друштво“… Годинава пролетва и убавото време изгледа нешто ќе подранат.

Може ли да е случајност што на чело и на ДКСК се наоѓа жена која, се чини, знае како и што треба да се прави, а покажува и амбиција тоа, без многу пардон, да го спроведе во дело?

Сашо Орданоски, Цивил медиа, 28.03.19.

нема
28.03 12:43
Ќе разбере ли ВМРО дека мора да излезе од оваа квазиидеолошка матрица

Им ги гледам изјавите на осудените: „Не се плашам од затвор“, „ВМРО да се обедини и да крене против оваа власт“ и не ја разбирам перверзната садомазо пулсација кај овие луѓе, без разлика колку и да се криминално или финансиски задолжени кон партијата.

Има тука една слепост која мисли дека вината ќе ја олесни со некакво си идеолошко страдање, морална жртва, кога казната доаѓа како последица на отсуството и на двете нешта. (...)

Ќе разбере ли ВМРО дека мора да излезе од оваа квазиидеолошка матрица која го повикува Македонецот на автодеструкција, дека мора да се извини и корегира, дека овој нивни товар станува алиби за власта да се однесува неодговорно?

Доволно е да се реални, и ќе имаат многу подобри ефекти. Они и вака можеби пак некогаш ќе дојдат на власт, но ако останат вакви какви што се, тоа само ќе биде на штета на државата.

Ивор Мицковски, Фејсбук, 18.03.19.

нема
26.03 11:18
Честит Светски ден на поезијата!

Ќе отворам продавница за лепези и ќе им викам на муштериите: повелете, имаме цела лепеза лепези!

Честит Светски ден на поезијата!

Иван Календар, Фејсбук, 21.03.19.

нема
21.03 10:58
„Една жена ветува промени“?!

Па и самиот изборен слоган на Силјановска – „Гордана Силјановска Давкова е жената која во април машки ќе се бори во претседателската трка“ – е една типична десничарска, силеџиска, мизогена глупост според која не може жена од ВМРО-ДПМНЕ, евентуално, да победи на избори, доколку не покаже машки хормони или барем тетоважа со кама и нагант на бицепсот. Тиквари. „Умри машки“, работава. А изборниот спот ѝ се вика „Една жена ветува промени“… На што? На полот?!

Сашо Орданоски, Цивил медиа, 18.03.19.

нема
19.03 14:07
Чисто да се добие претстава

Од моето дваесет годишно искуство на меѓународни претставувања со разни ансамбли знам дека со ЕУР 70000 (седумдесет илјади) народни пари можам да реализирам, на пример, 5 (пет) турнеи низ Европа со по 130 (сто и триесет) учесници кои би ја претставиле нашата култура и земја на многу високо ниво на исклучително значајни културни настани, или пак 8 (осум) учества на врвни натпревари со по 40 (четириесет) учесници, каде би ги освоиле највисоките награди (не зборувам на памет) и со тоа би ја промовирале нашата земја, при што само во живо би не проследиле неколку десетици илјади луѓе (публика, академска заедница, професионалци, менаџери итн.).

Секако, ТОА НЕ Е НИШТО во споредба со можноста за истата сума народни пари во најново АУДИ А6 да се луксузира 1 (еден) „успешен“ градоначалник.

Сашо Татарчевски, Фејсбук, 15.03.19.

нема
17.03 12:58
Среќните и несреќните политичари и народи

„Сите среќни политичари личат едни на други; сите несреќни народи водени од тие гомна се несреќни на свој начин.“

Толстој

Владимир Лукаш, Фејсбук, 12.03.19.

нема
15.03 17:04
Јазикот не ни е северомакедонски

Јазикот со кој се разбираме со делови од населението во соседните држави, па и во држави преку океанот, се вика македонски и никој нема право да го нарече северомакедонски или да го загради во границите на Република Северна Македонија.

Владимир Милчин, Окно, 12.03.19.

нема
12.03 14:40
24 часа ме следи тајна разузнавачка служба блиска до голема опозициска партија

24 часа мене, а веројатно и моето семејство, ме следи тајна разузнавачка служба блиска до наша голема опозициска партија. За 10 дена неколку пати се објавуваат фотографии од тоа каде се движам.

Ова е само сигнал, насоката во која ќе се движи кампањата за претседател, само што ќе биде уште повалкана. Мене не ми се блиски подземни кампањи, јас ќе одговорам со аргументи и јавно. Остатоците од режимот не смеат да бидат толерирани, тоа е работа на институциите од оваа власт.

Стево Пендаровски, претседателски кандидат, во интервју за 1 ТВ; 06.03.19.

нема
11.03 12:58
Вие сте против нас

Вистината е дека вие работите против нас, вие сте против нас, вие сте мрчаторите, вие сте против поубавата реалност, вие сте за криминалот и тендерската коалиција, вие, вие, вие, со вашата шематизирана нарација, затворена, неука, проста, стерилна, деструктивна, минимална, вие сте простите, и сте одлучно против нас.

Ивор Мицковски, Фејсбук, 26.02.19.

нема
06.03 11:17
Државата наставниците да ги плаќа како програмерите во приватниот сектор?

Дали би поддржале закон со кој државата би била обврзана да обезбеди платата на наставници (сите видови од градинка до крај на средно, а и факултет) да биде поголема или еднаква на просечна плата на програмери во приватниот сектор?

Наставниците, учителите на некој начин ги програмираат умовите на децата кои буквално треба да ја градат нашата иднина. Мислам дека има логика оваа клучна дејност да биде една од најприоритетните и тоа под итно. Педагошки факултет не смее да биде ВПШ („ваша последна шанса“) туку најпрестижната институција на високо образование во земјава.

Филип Стојановски, Фејсбук, 04.03.19.

нема
04.03 15:28
Кој ќе плати за најголемиот „прекршок” што го направи Шарената револуција?!

Добро, бе, за бојата се договоривме, нешто ќе плати Заев, нешто Мирјана, дел од штетата ќе надомести Павле, но мене ме интересира кој ќе плати за најголемиот „прекршок” што го направи Шарената револуција: смената на власта!

Бранко Тричковски, Фејсбук, 28.02.19.

нема
03.03 01:06

Препорачуваме

Има ли крај на паролите околу корупцијата?
Нејасно е зошто Русковска не отвора истрага за 25-те милиони евра исплатени од владата во коруптивна шема на три телевизии од 2010 до 2017 година.
Општество на спектаклот (1)

„Во стварно испревртениот свет вистината е момент на лага.“

Кога сме на ПИСА малку подобри, но не и последни

Умееме ли да искористиме наоди од релевантни истражувања за нашите заклучоци да бидат поиздржани?

Како да се живее со помалку отпад?

Александра Обертан е една од првите која на Балканот почна да лобира за начин на живот без отпад. Концептот „Zero-waste“ таа го применува во Црна Гора.

ОкоБоли главаВицФото