Боли глава

Не се сеќавам кој било премиер да покажал каков било афинитет кон уметноста

Не се сеќавам кој било премиер во овие речиси три децении независност да покажал каков било афинитет кон уметноста, освен евентуално како некаков преамбициозен и фрустриран неимар (таканареченото „Скопје 2014“, но не се мисли само на овој монструозен проект).

Министрите за култура се најчесто партиски апаратчици, ставени на тоа место да ги спроведуваат политиките што од нив ги очекува партијата, а не луѓе со стратегија за креативните индустрии и уште повеќе со сфаќање на овој сегмент на човековото живеење.

Ѕвездан Георгиевски, Призма, 30.09.19.

нема
30.09 10:01
Заев се опкружи со криминални структури останати од ВМРО ДПМНЕ

Со Верушевски се бавевме во време кога бев дел од Хелсиншкиот комитет. Тој беше еден од оние функционери кои ги идентификуваше Хелсиншкиот комитет како валкани и кои беа лица од интерес за комитетот заради својата недопирливост и неказнивост.

Само прашање на време беше кога ќе се сврти против актуелната власт. (Можеби зашто нешто не му исполниле, или не му исплатиле или ВМРО-ДПМНЕ нешто му открило? Не знам.)

Она што со сигурност можам да го тврдам е дека тој нема да биде последен.

Заев се опкружи со криминални структури останати од ВМРО ДПМНЕ, свои квази пријатели и квази лојални послушници кои само чекаат да му забијат нож во грб.

Лично мислам дека Заев не покажа соодветен политички њух и наместо околу себе да го собере интелектуалниот крем на државата, тој го собра турбо фолкот на државата.
Не ВМРО-ДПМНЕ, не ДУИ, туку таа турбо-фолк багра ќе го симне од власт.

Штета.

Заборавив: впрочем, мислам дека Анѓушев мора да биде отстранет од Владата.

Мирјана Најчевска, Фејсбук, 25.09.19.

нема
28.09 10:16
Падот на режимот е долг, предолг

Мора да се осуети македонската демократска трансформација од пропутиновски (ердогански, орбановски, салвиниевски), клептократски и авторитарен чмар на Европа во модерна демократија со европски перспективи. Тоа е агендата, тоа е целта. Затоа, сите капацитети, а не се мали, се насочени против тоа.

(...) И огромните црни пари што циркулираат наоколу низ медиумите и дома и во странство, се вложуваат во таа агенда. Човек треба само малку да ги подотвори очите и ќе го види тоа.

Падот на режимот е долг, предолг. Тој е вгнезден во институциите, во криминалното и политичкото подземје, во медиумите, во бизнисот… И во главите на луѓето.

Џабир Дерала, Frontline.mk, 23.09.19.

нема
24.09 11:00
Нашата судбина е суштински пропорционална

На крајот гледаме дека овие два големи блока не се борат еден против друг, туку дека суштински се поддржуваат, договараат, симулираат, додека во реалноста го одржуваат монополот на интереси.

А сепак, ниту СДСМ е суштински монолит, особено не кога станува збор за носење реформи, ниту ДПМНЕ е монолитот на кој бевме навикнати.

Оттука, нашата судбина е суштински пропорционална, зашто сме пропорционални во душа. Пропорционални сме по вокација, затоа што сме поделени на кланови и партиски клики кои си ржат како кучиња преку ограда, за потоа да седнат на маса и да се договорат како мирно ќе профитираат.

Ивор Мицковски, Дојче Веле, 20.09.19.

нема
20.09 16:06
Мечтаев со колега на работа, дур пушевме цигара

Ех, кога би биле само два работни дена а 5 дена викенд...

А како е тоа изводливо ме праша тој.

Па што знам, му реков, некако да се укинат Понеделник, Вторник, Среда. Ионака се најомразени денови, секој ден е само ден, без разлика како се вика, утре нека биде Четврток, задутре Петок, после Сабота, па Недела, па пак Четврток итн.

Хмм, ќе сакаат после тоа и Четврток и Петок да се укинат, се посомнева колегава.

Па што?, му реков, секој ден е ист ден, само му наметнале име, алгебарска конотација, религијски контекст, 365-6 дена ти реков ми рече, Планетава околу Сонцето мора да сврти за толку денови, а Сонцево околу Галактичкиот центар, а Галактичкиот центар околу ти реков ми рече... Кај се? зошто никој не ги зема во предвид и нив?

Хмм, па нека биде само еден ден! рече итро колегава, нека биде ист ден секој ден, рече тој, нека биде Недела!

А ти си Пичка дебела! му вратив молскавично.

Иван Ивицовски, Фејсбук, 13.09.19.

нема
18.09 17:19
Жива срамота

Гледам грст родители протестирале оти се отворало паралелка на албански јазик. Жива срамота. Наместо да протестираат да се ревидира цела наставна програма која е полна со насилство, застарени и недоволни информации, тие протестираат против нечие право да учи на својот мајчин јазик. На било кој јазик да се изучува, наставната програма мора да се ревидира и унапреди, а јазиците на малцинските групи, да се понудат како изборни предмети за сите ученици. Ако веќе се протестира за нешто, бар да е за пошироко добро, а не само на мала група етноцентрични националисти.

Биљана Гинова, Фејсбук, 17.09.19.

нема
17.09 11:40
СЈО беше несакано копиле за овдешните политички елити

Од самиот негов почеток се виде дека СЈО е несакано копиле за овдешните политички елити. Иако, наводно, консензуално прифатено во македонскиот законодавен дом, тоа се сретнуваше со низа узурпации, пречки и сопки, првенствено од сите делови на власта (извршната, законодавната и судската).

Ѕвездан Георгиевски, Призма, 16.09.19.

нема
16.09 11:48
Замисли дека е 1970

Замисли дека е 1970 и некој ти вели дека во 2020 за купување стан ќе ти треба кредит на 30 години со рата од 1/2 од платата и дека ќе треба да работиш до 67 и дека пензијата ќе ти биде 1/3 од платата, дека повеќето фабрики ќе бидат затворени, а врвот на „производство“ ќе биде броењето туристи на Брегана. Веројатно би помислил дека е фрлена атомска бомба.

Радничка фронта (Хрватска), 12.09.19.

нема
13.09 11:10
Поголеми се шансите учениците да научат нешто ако губат часови

Реално, имајќи предвид кој сѐ не се вработи како професор последниве петнаесетина години, поголеми се шансите учениците да научат нешто ако губат часови, отколку ако ги држат.

Иљче (охридски мрчатор), Фејсбук

нема
11.09 16:01
Само на ваков начин може да опстојува груевизмот без Груевски

Наместо парите предвидени за глупости, а под ставката образование, да се пренаменат за вистинските приоритети во образованието, тие се одземаат и пренаменуваат. Нема пари за наука и научно-истражувачки проекти, нема пари за елементарни трошоци на универзитетите, нема пари за подмладок, нема пари за усовршување, нема пари за подигање на квалитетот на наставниот кадар и извлекување од канџите на присилната корумпираност.

Само на ваков начин може да опстојува груевизмот без Груевски.

Само глуп, необразуван и неписмен граѓанин е добар граѓанин. Тоа е граѓанин кој ќе ги гласа глупите, необразувани и неписмени пратеници и кој ќе добие глупави, необразувани и неписмени функционери и судии и јавни обвинители и администратори.

Груевски не е на власт. Да живее груевизмот.

Мирјана Најчевска, Фејсбук, 07.09.19.

нема
07.09 11:54
Белите мечки и ДУИ

Функционерите на ДУИ биле заштитени како бели мечки.
Ха. Ха. Белите мечки может само да сонвет да се заштитени како функционерите на ДУИ.

Иљче (охридски мрчатор), Фејсбук

нема
05.09 09:30
Две сцени

Сцена 1:

Се слуша последниот повик за укрцување на Ноевата арка. Ное нервозно вика по посадата да се причекаат уште Македонците за да се спасат од претстојниот потоп.


Сцена 2:

Македонци заковани пред екрани следат прес на корумпирани политичари фатени во национална афера.

Тања Аждаја, 21.08.19.

нема
03.09 13:11
Ова е единствената држава во која во Парламент се преговара како да не одат в затвор политичари фатени во кражба

Ова е единствената држава во која во Парламент се преговара како да не одат в затвор политичари што се фатени во кражба и насилство. Ова е единствена држава во која пратеници преговараат за закон кој ќе го легализира криминалот на претходната власт. Со што создаваат легална основа да се легализира криминалот и на оваа власт. И на идните власти. Прво ние крадевме. Сега вие крадете. И кога пак ќе дојдеме на власт, пак ќе крадеме.

***
Овие преговори за иднината на СЈО се со една единствена цел – никој од ВМРО-ДПМНЕ да не оди в затвор. А бидејќи партнер на СДСМ е ДУИ, за чии функционери исто така има истраги на СЈО од времето кога му беа партнери на Груевски, и тие не смее да одат во затвор. Овие преговори немаат никаква врска со право и правда. Немаат никаква врска со некаков правосуден систем што треба да функционира, а не пак да се реформира. Овие преговори се сведуваат само на надмудрувања како да не одат в затвор тие за кои што со свои уши чувме дека треба да завршат в затвор. Криминалот што го правеше ВМРО-ДПМНЕ до пред две години, треба да остане неказнет.

Горан Михајловски, СКД, 30.08.19.

нема
31.08 16:22
Кај нас треба да воведат пајак за пајаци, полиција за полицајци итн.

Видов пајак паркиран 20-тина метри од Апче, кај мини-детското игралиште пред КАМ маркет. Таман се израдував, си реков супер, ќе дигне некоја идиотски паркирана кола со редовно вклучени 4 жмигавци во народот попознати како „се враќам за 2 минути“ (а у тој дел од 20-30 метри баш ги има пуно такви), а оно испадна дечкиве со пајаков си купуеле јадење од Силбо. Јбт, кај нас треба да воведат пајак за пајаци, полиција за полицајци, инспекција за инспектори, СЈО за СЈО... ју нејм ит!

Костадин Шурбановски, Фејсбук, 30.08.19.

нема
30.08 11:08

Препорачуваме

Не сфаќам што сакам да кажеш

Извини што упаднав во твојата претстава за мене.

ЕУ река (72): Жестока интелектуална дебата во добата на коронавирусот

Во Германија и другде во Европа околу новиот вирус се судрија мислењата на некои од највлијателните светски мислители.

„Алостатското оптоварување“ е причината заради која сте анксиозни и под стрес за време на епидемијата

Ние сме како животни кои се дел од стадо, и кога одиме во изолација, се чувствуваме осамено.

Врвци од црвци, и уште четири други песни

Лајош и цветот, Пајакот сеирџија, Туфнест молк, Меден кошмар и Врвци од црвци.

ОкоБоли главаВицФото