Боли глава

Апелација му ја укинала пресудата на Мијалков и за масовното прислушување.

Убаво некој се зафркаваше со претходната падната пресуда - ќе треба и да му се извиниме што нѐ прислушкувал.

И нему и на кутриот му братучед што во јабана избега од нашата злоба, да мора покрај Дунав да топи тага во токај.

Каков крај, луѓе!

На една борба за правда, на една изворна надеж за градење на вистинска држава.

Какво изневерување на довербата и плукање на граѓанинот в лице!

Катарина Синадиновска, Фејсбук, 16.12.22.

Луѓе, доста веќе со слики од мајки што треба да се егзотични зашто носат шамија и што биле чистачки или не знам што друго страшно во Париз или во Берн, а чии деца Мароко всушност го знаат само како мирис на домашна кујна на празници меѓу среда во Лига на шампиони и сабота во првенство.

Ги знаеме дечките, ги изнагледавме цела година во најјаките европски клубови. Не се тоа неухранети бегалчиња што добиле награда за иновација во шведско школо. Сите се спремни, натренирани, накондиционирани, стручно измасирани и нутриционистички деликатно избалансирани супер-платени професионалци. Значи, мајка ко мајка, се радува.

Душица Димитровска, Фејсбук, 11.12.22.

Како тоа имаме функционална демократија и професионални институции (според претставници на Владата) а некој од надвор треба да се справи со криминалот?

Како тоа Маричиќ шета наоколу и си прави тимови од илјада луѓе кои ги плаќаат граѓаните на Македонија, а некој друг треба да ја напише домашната работа?!

И да ве прашам, онака сериозно, до кога ќе ги бирате истите копуци кои веќе 100 пати ве излажале во очи и ќе очекувате поинаков резултат?

И ве молам, дне се залажувајте, со ДУИ во било која власт не се може напред.

Со актуелните судии и јавни обвинители не се може напред.

Со актуелниот состав на Изборната комисија, на Антикорупциската комисија, на Народниот правобранител и на уставните судии не се може напред.

Потребна е експертска Влада која ќе стави црта и ќе ги дефинира правилата на игра на начин кој не остава простор за нивно растегнување, свиткување и заобиколување.

Ајде да покажеме барем минимална зрелост и да го направиме тој чекор.

Пред да дојде некој од надвор да не построи.

Срамота е после 78 години државност ова да ни се случува.

Мирјана Најчевска, Фејсбук, 06.12.22.

Интересно, Мијалков се шета наоколу а Јанкуловска си седи во затвор.

Изгледа ова по принципот кој повеќе украл повеќе може да плати и да си ја купи слободата?!

Се разбира, за финкционерите од ДУИ ова не важи, тие живеат во паралелна реалност во која се заштитени од било каков прогон за било какво криминално дело.

Мирјана Најчевска, Фејсбук, 12.11.22.

На 29 ноември 1943 беше создадена државна структура која ќе ги помести границите на разбирање на државноста, ќе изнедри голем број идеи и визии кои ќе се разработуваат, развиваат и применуваат во иднината и ќе покаже дека дури и на такви турбулентни простори каков што отсекогаш бил Балканот може (барем за одреден период) да биде одржан стабилен и просперитетен мир.

Она што најмногу ме мачи е тоа што не успеавме да ги зачуваме сите прекрасни придобивки на СФРЈ, а наспроти тоа, ги задржавме и со голема посветеност ги негуваме сите деформации на системот.

Мирјана Најчевска, Фејсбук, 29.11.22.

Со сензационалистичко пласирање на лаги и невистини, купуваш ден, недела, месец, но не решаваш проблем. А нерешениот проблем ? Еееее, нерешениот проблем по истекот на денот, неделата, месецот се враќа и стравично удира. Право во глава …. Оди си. Не се мачи, не нè мачи сите…

Петре Шилегов, Фејсбук, 24.11.22.