Боли глава

Антикорупциска молитва

О боже, дај ѝ на владата сила да одолее на внатрешни и надворешни притисоци за корупција на ист начин како што одолеа на сите критики и јавно мислење против францускиот предлог. Обедини ги политичарите со иста решителност да прередуваат дупови, маркички и стекнати права за да се удостои и бетонира чист јавен интерес. Со иста сила да кажат не на концесии за деца на партиски другари и да ги задржат билатералното натигодајмение надвор од рамката на владение. Нека застанат на патот на договори во четири очи како оној со бехтел енка или оние за итни набавки на елем. Нека има сила да не потпишува партиски назначувања на оние на јавна служба. Дај им глас и храброст на ботовите онлајн, онака како што ловеа вештерки сега, да им се чуе гласчето во борба против корупција отсега.

Миша Поповиќ, Фејсбук, 18.07.22.

нема
20.07 2022
Бугаризација

Mинатиот век бевме два пати под бугарска власт, вклучувајќи ги тука севкупниот политички, административен, културен и образовен живот, па не се „бугаризиравме“.

Ѕвездан Георгиевски, Призма, 18.07.22.

нема
18.07 2022
Робеспјер од Али Експрес и неговата Али Експрес „Левица“ - извадиле Али Експрес гилотина

Нашиот Робеспјер од Али Експрес и неговата Али Експрес „Левица“ - извадиле Али Експрес гилотина пред македонското Собрание.

Не знам дали припадниците на оваа линч толпа ја допрочитале историјата и дали дознале дека токму тие што владееле со гилотина - самите завршиле на гилотина.

Во меѓувреме, како и секогаш кога Али Експрес Робеспјерчето од Велес е во „акција“, голем дел од критичката јавност - молчи. Дали од неверување, или во знак на одобрување - сеедно. Молчат и институциите.

А можеби сите катарзично чекаат - да им дојде редот. Историјата е полна со примери што им се случувало на тие што молчеле и чекале да им дојде редот.

Така е тоа. Историјата се повторува. Најчесто како фарса. А во македонскиот случај, како урнебесна трагикомедија - од Али Експрес.

Петрит Сарачини, Фејсбук, 15.07.22.

нема
15.07 2022
Треба да се издржи за целиот простаклук на опозицијата да излезе на површина

Во британскиот парламент постои список на зборови кои пратеникот не смее да ги употреби под закана од казна.

Кај нас таков список и такви забрани не постојат и затоа некој си пратеник Ковачки се умислил дека може своите колеги пратеници да го нарекува изроди, отпадок, национални предавници, пиони, и да им се заканува со затвори и одмазда кога тој и неговата партија ќе дошле на власт.

Тоа се простаци и силеџии кои станале пратеници и кои со клевети, навреди, пцости и закани провоцираат некој со сличен тон и „храброст“ да им одговори.

Има едно правило кое секогаш треба да се има на ум. „Не се карај со будала бидејќи ќе те симне на негово ниво и таму ќе те тепа со искуство.“

Треба да се издржи за целиот простаклук на опозицијата да излезе на површина. Нека го гледа тоа народот и сам нека суди.

Ѓорѓи Спасов, Фејсбук, 14.07.22.

нема
14.07 2022
Не е компромис доминацијата на една перцепција

Како безусловно ќе ги почитуваме јазичните, идентитетските, историските и културните особености на македонскиот народ како елементи за кои не се преговара ако се откажеме од сите дејци на минатото, ако се откажеме од литературата, ако се откажеме од борбата за самобитност, од Миладиновци, од Гоце и партизаните и...
Што ќе остане?

Единствен компромис кој го прифаќам е дека постојат две различни перцепции. Рамноправни.

И тие треба да се презентираат.

Меѓутоа, никако не смее да се нарече компромис доминацијата на една перцепција.

Мирјана Најчевска, Фејсбук, 12.07.22.

нема
12.07 2022
На протестите против БУГАРИЗАЦИЈА излегол и Мартин Треневски

 Ова веќе не е смешно, ова станува страшно!

На протестите против БУГАРИЗАЦИЈА излегол и Мартин Треневски, човекот кому највисок идеолошки дострел му била организација на Изложба за формирање и делување на МПО во Крушево. Тридневен симпозиум на кој Мартин Треневски објаснувал дека весникот на МПО „Македонска трибуна” се печати на БУГАРСКИ ЈАЗИК зашто „токму тој јазик е ВИСТИНСКИОТ македонски јазик“.

За Мартин Треневски своевремено реагираше и Стејт Департментот, за неговата кандидатура за Амбасадор на НАТО:

„Стејт департментот во Вашингтон со изненадување ја прочита платформата на Мартин Треневски што тој ја презентираше пред собраниската Комисија за надворешна политика, која е во спротивност со реафирмираната стратегиска цел на Македонија“.

Вакви луѓе ќе ја спасуваат Македонија од бугаризација?!

Па уште порачувал да не се седи дома пред телевизор и го повикувал народот на улица!?

Ацо Лукароски, Фејсбук, 11.07.22.

нема
11.07 2022
Нема демократија без критика, другари

Овие напади на луѓе кои аргументирано го критикуваат ЕУ предлогот се продукт на бришаниот простор кој се јавува како резултат на декади бинарно размислување. Триесет години јавната дискусија ни се сведува на тоа - или ЕУ, или национализам и насилство. Како да не постои ништо друго помеѓу тие две крајности. Со тоа секоја критика на ЕУ (а причини за тоа има многу, и без францускиот предлог) магично станува „потпалување на националистичкиот огин“ и слични небулози кои ги читав утрово што едначат критика со насилство.

И кога на ова ќе се додаде историјата на делегитимирање експерти, усовршена во време на ДПМНЕ и Груевски, а од некоја причина продолжена од тековната Влада деновиве, добиваме одличен коктел за едноумие и стишување секаква критика.

Нема демократија без критика, другари.

Елена Б. Ставревска, Фејсбук, 06.07.22.

нема
08.07 2022
Заедно против „бугаризација“

На протестите против „бугаризација“ протестирале и тие од бугарскиот клуб „Ванчо Михајлов“!

Протестираат ЗАЕДНО со Ламбе којшто им го запали клубот!

А против „бугаризација“ протестираат и оние бугарски организации што се борат за правата на Бугарите во Македонија!

Ацо Лукарски, Фејсбук, 06.07.22.

нема
06.07 2022
Ниту е прифатливо, ниту е возможно да се спроведе од наша страна

И покрај најдобрата волја што во себе можам да ја најдам за соседна Бугарија и за братскиот бугарски народ, и покрај најдлабокиот респект кон Европската Унија како планетарен цивилизациски и демократски процес, и покрај својата искрена желба и напор да ја исчитувам историјата на Македонија и на македонскиот народ колку што можам понепристрасно, пообјективно и самокритично, (низ призмата и од изворите на светската историска наука, па дури обидувајќи се да ја сфатам и согледам и да бидам отворен за истата наша историја и од бугарска гледна точка), со големо жалење морам да констатирам дека она што се бара од Македонија со т.н. Француски предлог за преговори со ЕУ, а особено она што е содржано во т.н. Протоколи за спроведување на Договорот за добрососедство со Бугарија од 2017 година, ниту е прифатливо, ниту е возможно да се спроведе од наша страна.

Жарко Јорданоски, Слободен печат, 04.07.22.

нема
04.07 2022
Оружје и абортус

Изгледа дури и фасцинантно што денес во САД правото да се купи огнено оружје се смета за демократска придобивка, да не кажеме некаква „слободарска“ традиција, а правото на жената да реши дали сака да роди деца, дали смее да си го планира семејството и воопшто да реши што е за неа најдобро, се смета за некаков вид злосторство.

Ѕвездан Георгиевски, Призма, 27.06.22.

нема
29.06 2022
Да, Парадата е неопходна

Да, Парадата е неопходна зашто видливоста е неопходна, зашто револтот е преголем, зашто неправдата е историска, достоинството прегазено, институциите незаинтересирани и неспособни, заради сонот за една слобода која удобно ја уживаат оние кои прашуваат: „Што ви е одземено за да го барате?“, без да разберат дека на оваа заедница ништо не ѝ е ни дадено за да ѝ биде одземено.

Поради сите одвратни навреди, поради безобразното наметнување во туѓата интимност до степен на перверзија, поради дехуманизирањето на цела маса граѓани, нарекувајќи ги маскоти, грешки и изроди, поради неказнетиот говор на омраза што некој го нарекува слобода на говор.

Понатаму, поради небезбедноста и останувањето без пријатели, ближни, родители. Поради изгубените животи. Поради секое „Бидете си тоа што сте, ама дома кај вас“, кажано без да се стави прст на глава и да се помисли колку е нечовечно и грозно да се изјави такво нешто и од која надмена позиција се изјавува такво нешто. Поради секој ден поминат во страв, срам и омаловажување.

Зашто не ни знаете кого можете да навредите кога пишувате и кажувате клетви, зашто оној за кој најмалку претпоставувате, а го имате во вашиот живот, може да биде еден од тие педери или лезбејки на кои им посакувате одвратности.

Поради секое дете кое мисли дека е невредно и незаслужно љубов, грижа, прифаќање, права и еднаквост. Поради скршеноста, но и заради вербата во и борбата за подобро утре.

The future is bright.

Моника Стојановска, Фејсбук, 27.06.22.

нема
27.06 2022
А каде е Македонија во делот на заштитата на природните богатства?

Албанија ја заштити реката Вјоса и нејзините притоки со највисок степен на заштита што го има една држава, во време кога веќе се изградија две хидроцентрали ,а беше планирана изградба на уште неколку, и во време на незапамтена енергетска криза, која за сиромашна земја е посебно тешка одлука. Таа иста Албанија, на која ѝ се смеевме дека е хаос од држава, неорганизирана, мафијашка, а и денес некако со резерва ја гледаме, секако и во делот на заштитата на животната средина.

А каде е Македонија во делот на заштитата на природните богатства, посебно на реките, кои, буквално се сини жили на нашиот крвоток, без кои ни нема опстанок?

Југослава Дуковска, Фејсбук, 15.06.22.

нема
24.06 2022
Да се обединиме околу визија за правење на Македонија, пристоен дом за сите

Јас сум човек кој над 30 години во континуитет, со страст и верба, и докрај посветено, работеше на исполнување на сите критериуми за членство на Македонија во ЕУ.
Ваков француско - бугарски предлог кој по се изгледа ќе стане квази-европски предлог, го отфрлам со голема резигнација.

Не сакам ваков почеток на преговори ниту пак зачленување во ЕУ под вакви квази-европски а во суштина еднострани и несензибилни, национал популистички услови.
За жал, доколку останеме исправени (а треба) со цврста морална и етичка вертикала, ЕУ како дестинација е недостижна за нас. Затоа барам прочка од сите Вас, кои изминативе три децении ги убедував дека ЕУ е синоним за вредности. Очигледно сум бил во голема заблуда.
Ако ЕУ е блокирана дестинација за нас, и ако не сме добредојдени како Македонци тогаш да се обединиме околу визија за правење на Македонија, пристоен дом за сите. Притоа, да развиваме билатерална соработка со оние држави кои имат чесен, фер, искрен и пријателски однос 
кон нас.

No pasarán!

Ils ne passeront pas!

Тони Поповски, Фејсбук, 23.06.22.

нема
23.06 2022
Историјата ќе си остане таму каде што секогаш била

Уште наредниот ден ќе стане и повеќе од јасно дека небото нема да падне, светот нема да се урне, а историјата ќе си остане таму каде што секогаш била. Никој нема да ни ја украде. Целата безумна пропаганда со која себичните луѓе го зрачеа бугарскиот народ со години ќе пропадне за неколку минути. Односите меѓу двете земји и луѓето во нив драстично ќе се подобрат. Притисокот ќе се намали. Групата политички, медиумски и јавни измамници и шарлатани кои заработуваат за живот од овој главно вештачки надуен конфликт одеднаш ќе се почувствуваат непотребни, бескорисни и невработени. И оние во Бугарија и оние во Северна Македонија. Нема да пишувам имиња – добро ги знаете. Ќе можеме да се фокусираме на вистинските проблеми и предизвици пред нас, наместо секојдневно да се занимаваме со глупости. Три народи ќе Ве паметат по добрината што сте ја сториле.

Христо Комарницки, бугарски карикатурист, апелира до Кирил Петков да го укине ветото за почеток на преговорите на ЕУ со Македонија; Либертас,14.06.22.

нема
22.06 2022

Препорачуваме

23 начини на кои феминизмот ги подобри животите на мажите

Феминизмот сè уште често се смета за грд збор, а ретко се спомнуваат неговите позитивни учиноци, во корист и на мажите.

Деликатниот ромор на исраните овчи брбушки

Историскиот миг во кој се наоѓаме е повторување на малоумната атмосфера во изборната година 2006.

Петнаесет години Окно

Насловна на Окно од 13 март 2009.

ОкоБоли главаВицФото