Боли глава

Всушност, земајќи ја предвид тибетанската концепција на есхатологијата и метапсихозата, недвојбено би посочил, дека Јосип Броз Тито е реинкарнација на Александар Македонски. Има безброј индиции што го сугерираат ова. Од неговиот класичен лик, до неговата неспоредлива интелигенција. И двете инкарнации се чеда на Балканот, и двата карактера ја користеа својата стратешка генијалност во интегративни цели. И двајцата ја сакаа мултикултурата, за која сметаа дека збогатува. И двајцата имаа дар на луда храброст, но и невиден талент низ симулирана деструктивност да постигнат големи воени или идеолошки победи (сетете се на Гордиевиот јазол, чие деструирање, всушност, беше отстранување на пречката на евроазиското поврзување или, пак, на рушењето на мостот на Неретва, при кое Тито ја доби најдоблесната битка во историјата на војувањето – битката за ранетите).
Ацо Станковски, Република, 02.06.2014.

Еве што кажа конкретно премиерот Груевски што денес не може да си го дозволи ниту еден европски премиер, претседател, а уште помалку неколкуте европски монарси, цареви, кралеви и кнезови, кои се само бренд на традицијата и славното историско минато со строго одредени протоколарни должности. Премиерот Груевски ја издаде јавно следната наредба: „По поднесените оставки на опозицијата Собранието нема да има друг избор освен на следната седница да ги верификува и да распише нови избори за ослободените 34 места во парламентот. Таа седница не може да е подоцна од 18 јуни или 19 јуни, кога треба да биде изборот на новата влада. До тогаш имаат можност да ги повлечат оставките...“ Ваков јазик на јавно обраќање до Парламентот, до јавноста и до опозицијата тешко ќе најдете во европските авторитарни општества од крајот на 20 и почетокот на 21 век. Ова е јазик на деспотите во средниот век.
Ерол Ризаов; Утрински весник, 04.06.14.

Бесмислена медиумска ароганција, хушкачко аутсајдерство што создава магли и дополнителни проблеми. Владиката Тимотеј вели „Вие знаете во каква состојба се наоѓа МПЦ, значи, во нерегуларен однос со останатите православни цркви и немаме право да се лутиме ниту на домаќините, ниту на другите што не не поканиле...“

Ама медиумските мегафони како кучињата од расата руски хрт* продолжуваат да создаваат магла и да потпалуваат без никаква основа и повторуваат како папагали: „На осветувањето на храмот со кое чиноначалствуваше Вселенскиот патријарх Вартоломеј, присутни беа поглаварите на скоро сите православни цркви. Изоставен беше само македонскиот архиепископ.“

*кучињата руски хрт се познати по тоа што кога јурат во лов во руските шуми, од преголема брзина удираат со глава во дрво и паѓаат во бесознание едно две-три секунди. Потоа стануваат и како ништо да не било, јурнуваат повторно по пленот. До следното дрво!!!“
Зоран Бојаровски; Фејсбук? / Мактел, 04.06.14.

Како само Груевски ги замолчува критичарите. Ќе им лупне дебела пара у уста и овие потоа ќутат како пичкетини. Колумнистот и режисер Дарко Митревски кој со години ги анализираше состојбите во Македонија во своите колумни во македонските весници, откако доби помош од владата за својот филм Трето Полувреме, буквално замолче и ќути како путе под јорган, и пипува само за светски теми, историски теми, будизам, астрологија, филм, нуклеарна физика...

И конечно по долго време пак напиша колумна за Македонија и тоа по повод поплавите до Србија и Босна. Добро е, нема ваљда да чекаме земјотрес за пак да напише нешто за нашата мила вукојебина.. Ама Дарко му е баџана на Трендо, па се разбираат, ист им е принципот на понашање, строго на безбедно и на сигурно без да се брца на мечката у пичка...
Саше Ивановски; Мактел, 01.06.14.

Интересна логика на Премиерот Груевски за губењето на кандидатскиот статус добиен во времето на СДСМ и изгубен во времето на ВМРО-ДПМНЕ. Според него и неговите зборови, испаѓа дека СДСМ и од позиција на власт и од позиција на опозиција има повеќе и моќ и влијание (и внатре и надвор) од семоќната Револуционерна Организација сосе љигавите им чиниолижачи од ДУИ и 70.000 лавици од ДПА.

Што пастир ќе беше ова кога една искубана овчичка од Струмица го врти околу прст ко’ мрсул во џеб! А за рипањето на Заев… белким тоа така изгледа гледано од погребателна перспектива на гробар додека копа. Па кога гледа нагоре се’ му изгледа високо. И посреќно.
Арсим Зеколи; Мактел / Фејсбук, 29.05.14.

Станува збор за генерации на млади, израснати во општества со девалвирани или спинувани морални вредности, во кои белегот на чесноста не се стекнува низ години и животни премрежија,туку врз основа на внимателни изучувања и промоции преку кореографирани претстави, аранжирани од страна на медиумите и индустријата на политички маркетинг. Ова е генерација на млади луѓе чии познавања од сеопштата култура, теоретско образование, информираност и лингвистички способности се, споредбено, несомнено супериорни со постарите генерации на иста возраст. Но исто така, ова се генерации чија емоционална интелигенција, искуство на животна мудрост и способност за интелектуална емпатија и сочуство се на рамниште на петата генерација индустриски прасиња за товење. Нивните патетично молебливи очи наликуваат човечно, нивните тенки и стиснати усти се полни со зборови кои звучат нормално, но значењето е сосема извештачено. Во нивниот вокабулар милоста е нешто што се прима – но не се дава, љубовта е конвертибилна, надежта е егоистична, а Бог е небески цар за земска сила.
Арсим Зеколи; Утрински весник, 26.05.14.