Боли глава

Па до кога бе со тие финти, алоооооо? Не гледаш ли Грујо што ни прави? Наместо и ти да ја шпарташ тоа Јужна Африка или Америка, јебем ли га што е, ти бе на 95 години се брукаш и глумиш овде лудило, а ние, независниве новинари, јебо те, работиме за 150 евра и дома немаме млеко да однесеме и со жените се караме, у пичку матер, за слободата твоја и моја. Ова е невероватно трошење интернет ресурси. Има ли некој да му каже на овој Мандела да не не’ заебава и да не ни ја упропастува опозицијата? Има да се построи бре на фронтот и да паламуди. Со вакви шалабајзери и елитисти никад нема да ги победиме талибанциве.

Фан клубот на Боки Бургија; Плусинфо, 15.12.13.

После 20 години градење на јавното обвинителство во самостојна Македонија, конечно добивме јавно обвинителство кое е апсолутно послушно на политичката партија која во моментот се наоѓа на власт. Не постои ниту еден случај (апсолутно ниту еден) во кој јавното обвинителство презело активност која е спротивна на волјата, интересите или потребите на владејачката политичка партија. Под чадорот на заштита секако се туткаат и сите владини медиуми, владини јадачи на бурек и гурабии како и сите можни хохштаплери, криминалци, прекршители на законот и нивните блиски, а кои на некаков начин се поврзани со владејачката партија.
Мирјана Најчевска; Квадратура на кругот / Окно, 06.12.13.

Замислете, се поставува споменик од два тона на централна локација, нарачан изработен и платен и никој не знае кој го сторил тоа, ниту владата, ниту министерствата, ниту Град Скопје. И сега ние треба да се расправаме за глупости кој бил цар Душан пред 1000 години, а не кој прави мајмуни од нас денес во 2013 година.
Софија Куновска; Плусинфо, 06.12.13.

Не поттикнува тензии тој кој гради споменици спротивно на законите, не поттикнуваат тензии тие кои кришум ставаат споменици во ноќните часови, не поттикнуваат тензии тие кои ги трошат парите на споменици наместо на подобрување на животот на сите граѓани во државата, туку поттикнуваат тензии тие кои бараат примена на правото, одговорна и отчетна власт и казнување на прекршителите на законите. И ќе почнам со приватни тужби за навреда на секој медиум кој ќе ме нарече поддржувач на опозицијата. Јас сум поддржувач на правото, глуперди недоквакани.
Мирјана Најчевска на Фејсбук им одговара на режимските медиуми кои ја обвинуваат дека „поттикнувала тензии“; 06.12.13.

Геро е изгледа у право за Борјан, тоа навистина е еден колосален новинанарски неспособњаковиќ. Му доаѓа Бубо Каров од укинатата К-15 на интервју и тоа на интервју во една шупа, значи К-15 укината поради диктатурата на актуелната власт, Борјан у шупа како последица на диктатурата на оваа власт, и Борјан фаќа да го води разговорот во насока колку бил Бубо Каров крив, колку бил самиот Борјан крив и колку биле пазете ова, ПОЛИТИЧКИТЕ ЕЛИТИ КРИВИ за ова дереџе накое дојдоа медиумите во мк?! (...) Што е следно, ќе ги викнеш Љубе Бошковски, Душко Млекарот, Кежо и останатите жртви на режимот и ќе анализираш пак колку се они самите криви и колку се криви политичките елити за нивната судбина?! Ебати бре колосалниот неспособен кретен заебант... 
Саше Ивановски; Мактел, 04.12.13.

Додека си беше Македонија асли рурална и заостаната, некаде до ослободувањето 1945 година, луѓето немаа потреба од дополнителни физички активности. Си живееја, главно, во селата и си работеа по бавчите, нивите и ливадите, си шетаа по кориите и планините и немаа проблем ни со холестерол, ни со дебелина, ни со циркулација, ни со притисок, ни со други такви и слични работи. Значи, додека знаеја да работат со копач, мотика, вила, срп, секира... додека сееја и жнееја... и одеа на дрва... и во потта на својот труд си го заработуваа лебот - здравјето им беше поарно. Така беше. Кој ќе каже дека не било?
Тихомир Јанчовски, професор, колумнист и поет; Утрински весник, 30.11.13.