1014 hPa
82 %
10 °C
Скопје - Пет, 19.04.2024 09:59
Кажано со аналогија, да се биде политички неутрален во овие црни и застрашувачки времиња е како да се наиде на тешка сообраќајна незгода на сред пат, еве да речеме регионалниот пат Штип-Велес, и на патот да има разлетано раткапни, тркала, стакло, седишта, нафта, повредени луѓе, бебиња крвои... и ти фино лепо да фатиш преку травата и да си продужиш кај шо си тргнал.
А, пак, да си на страната на владата во моментов е ко да поминеш преку жртвите, да ги згазиш и ти под изговор дека не си ги видел или пак од чиста забава и злоба.
А, пак, ако продолжиме со аналогијава, тогаш да се биде дел од петорката на медиумски трубадури е исто како да откако ќе се згазат повредните, да се застане, да се извади пумпарица од гепек и да се упукаат повредените у глава.
Саше Ивановски, „Плусинфо“, 09.01.13.
Јас го сакам вашиот претседател Владимир Путин, а чувствата се взаемни. Русија е голема демократија, и тоа не е земја во која премиерот некој граѓанин ќе го нарече „патетичен“. Во олку голема земја човек никогаш не е осамен, бидејќи во секое дрво, во секој крајолик, лежи надежта. Во Русите нема пакост, не, само големи чувства.
Жерар Депардие, новопечениот граѓанин на Русија, француски актер, згаден поради данокот за богаташите во татковината, им напиша писмо на Русите; HollywoodReporter, 04.01.13.
Антихристијанската антропологија зема замав, таа зад себе ја има целата таа информатичка револуција и детронизација на Бога која Америка ја извршува низ релативизација на улогата на религијата и низ остварување на масонска контрола врз светот. Дотолку е убаво, возвишено и добро што целите на христијанството се наследени од античка Грција. Јас постам веќе шест години и обично спојувам два поста. Тој полуиспоснички рецепт е важен не само за здравјето туку и за идејата дека, кога поради долгиот пост, одрекувањето, малку ти се манта во главата, подобро си врзан за тие повисоки сфери. Рокенролот не е дојден од исламот или будизмот, тој пристигна како една фаза, додуша антихристијанска, но дојде од христијанството, како и други добри работи.
Емир Кустурица, белградски „Курир“, 06.01.13.
Деновиве се изнаслушавме дека треба да сме се врателе во парламентот, само не кажуваат како, односно чекам да видам некој спот од Република или Контра банда (ако не е тоа исто) како тоа треба да изгледа. На пример, како би личела салата? До секој платеник од ДПМНЕ ќе има по 3 специјалци? До прегрнатиот дует Талат-Бонева 10? Околу Трајко борбени коли? На местата за опозицијата бодликава жица и минско поле? Спремни платеници од власта да онанираат на параполициски акции? Сам или во друштво Антонијо ги гледаш клиповите? Во становите во Брадовци со украдени пари што ги направи ги гледаш снимките? Влатко цврсто им ја стегна раката на тие што клоцаа твои колешки пратеници? Илија, пардон, во Велес познат како фута, зошто не спиеш веќе во станот во Скопје? Талат уште мислиш дека на нас од СДСМ ни треба спас? Мислите дека некој не оперирал во мозокот и ништо не се сеќаваме? Мислите дека сме Ви простиле?
Јани Макрадули, „Плусинфо“, 03.01.13.
Една година од смртта на претседателот Иванов.
Каирон на ТВ Алфа; 02.01.13. „А1он.мк“
Од вчера парламентот усвои закон, на предлог на владата, според кој оној ден кога ќе станете возрасни и ќе ви треба работа, државата обезбедува вработување со посебна постапка за сите вас. Тоа вчера го усвои парламентот.
Никола Груевски им држи говор на деца од три до пет години; „Телма“, 29.12.12.
Државните безбедносни сили коректно, професионално, одговорно и успешно ја завршија својата работа и овозможија парламентот да продолжи со работа согласно Уставот и законите.
Никола Груевски, обраќање на 24.12.12., денот кога опозицијата насилно беше отстранета од Собранието; „Фокус“, 28.12.12.
Ве бендисува, а?
Никола Тодоров, министер за здравство, одговара на новинарско прашање, колку чини рекламата за плаќање по учинок; „Либертас“, 22.12.12.
Ги избркаа новинарите за да не фрли некој со камера да нè отепа.
Благородна Дулиќ, пратеничка на ВМРО ДПМНЕ; „Бриф“, 28.12.12.
Кој направи државен удар. Опозицијата или власта. Бранко Црвенковски или Никола Груевски. Како се вика човекот под чија контрола е Владата, парламентот, претседателот, гувернерот, судството, новинарството, Црквата, полицијата, Армијата... Кога со сите овие институции на државата раководи еден човек кој единствено го има и клучот од државната каса, тој се вика диктатор, а системот - диктатура.
Ерол Ризаов, „Утрински весник“, 26.12.12.
Бранко Црвенковски продолжува во стилот на Гадафи. Продолжува да живее во еден свој свет со сериозна доза на алтруизам, живеење во еден свој свет каде што верува дека целиот народ е со него, дека сите го поддржуваат и дека треба на сила да се заземе власта.
Никола Груевски; „Дневник“, 25.12.12.
Драг мој владетелу, ти се обраќам тебе, оти оној другион си седи во бачилото, оти ова што се случува ниту е албанско питање, ниту е конкурс за тендери. Значи владетелу, од твоето вечерашно „пригодно“ обраќање на нацијата се согласувам со едно. Иако меѓу редови беше искрен па призна, штом се извинуваш на избрканите новинари дека ТИ, а не лицето Трајко Вељановски, владееш и со Парламентот и издаваш наредби кој да влезе, кој да излезе, кој да биде тепан кој не. Додуша на натепаните опозициски пратеници не им се извини, знам, ти би им направил и уште повеќе оти ти пречат во твојата замисла да владееш со се, па и со опозицијата.
Добро е, контролата врз медиумите ти функционира, наредбата преку Мартинчо ја примиле менаџерите на тв станиците, на државната и така не и треба опомена, новиот твој бран си ја работи „супер“ работата, според мене многу многу посрамно и од оние пред нив. Значи да знаеме, мракот на тв екраните и полицајците на Гордето наоружани до заби, сосе онаа сирота твоја фаланга кобајаги спонтано дојдена, ќе бидат твојот одбранбен штит, така ќе се браниш и нема да ја даваш власта.
Ацо Кабранов; „Либертас“, 25.12.12.
Ти да го браниш ВМРО… па тебе бре, Бранко ти е тетовиран во срцето а можда и на повеќе места. Ти вмровка? Па се превртуваат генерации вмровки во гробовите од срам. Ни се смее СДСМ зашто ти всушност штрајкуваш против своите. Ти обезбедуваш плата? Тешко на тие глумци. А си имала богами и одвратнни улоги само не ги гледале луѓето… среќа.
Тони Михајловски, актер, и’ пишува на Јелена Жугиќ, директорка; Фејсбук / Либертас, 24.12.12.
Денес штрајкуваа уметниците?!? Повеќето беа техничари, хигиеничари и гардеробери и неколку неуспешни обиди за уметници.
Тони Михајловски, актер; „Либертас“, 22.12.12.
OK.NO. - нова едиција книги по повод петнаесетгодишнината на нашиот портал.
Тони Димков го водеше разговорот со Никола Гелевски, основачот и главниот уредник на порталот Окно.
Градежниот метеж, во кој е претворено Скопје, е најјасната слика за алчноста и трката по материјален престиж, кои владеат во Македонија.