Боли глава

Нашата држава финансира фирми кои земаат нарачки од трета или од четврта рака

Имаме една криминогена индустрија што ја водат рехабилитирани транзициски лопови или грант-џокеи кои не би им дал сатар у руки, а не нешто пософистицирано – со грантови прават мали локални фабрики во кои платата и понатаму е македонски минималец или помалку.

Поради невидливоста на оваа индустрија, таа е и идеален кандидат за корумпирано финансирање. Што мислам со ова? Место “full package” фирми со директни врски со пазарот, нашата држава финансира фирми кои земаат нарачки од трета или од четврта рака. Фирми без никаков капацитет директно да пласираат производ на Запад, а со давање ФИТР заеми даваме кредибилитет на нивните бизнис модели кои добиваат работа, а притоа и плаќање од финансиски осакатени диносауруси како Балкантекс од Бугарија, кои потоа даваат работа на наши производни куќи како Окитекс и истите ги даваат на фирми како овие што се наградени од ФИТР како бизнис лидери?!

Каква е оваа математика? Какви се тие фирми со долгорочна државна корист кога не создаваат интелектуална сопственост? Какви се тие фирми кои не оставаат зад себе никакво know-how? Фирми кои упорно држат една цела индустрија на ниво на плати од 200 евра и за тоа се уште и наградени од Фондот за иновации и технолошки развој?!

Игор Пачемски Џонс, Сутерен, 25.07.21.

нема
29.07 09:55
Продолжување на личните документи со токен

Треба и кај нас граѓаните да побараат идентификација со level 4 сертификатот за системот е-граѓани. Зошто не би смееле да бараме, на пример, продолжување на личните документи (возачка или лична карта) ако имаме токен од банка level 3? Инаку, со level 3 можат да се завршат многу работи, но овие не можат. Зошто? Зошто граѓаните мораат да бидат изложени на дополнителни трошоци за читачи и сертификати и принудени да го користат застарениот систем на лични карти со чип?

Level 3 може да се користи и од мобилен, евтино е и веќе достапно за сите.

Во таков случај граѓаните полесно би ги поднесувале барањата онлајн, а не би стоеле пред шалтерите како стока.

А каква само веселба ќе настане кога МВР ќе откријат дека постои пошта и доставни служби кои знаат да доставуваат документи, тоа ќе биде вистинска револуција.

Анонимен предлог од Хрватска; Фејсбук, 27.07.21.

нема
27.07 15:09
Македонија - конфедерација на арамиски гнезда

Македонија не е едно арамиско гнездо, таа е конфедерација на арамиски гнезда. Таа е расцепкана и во неа во една ситуација во која од социјализам требаше да се вратиме назад во капитализам за да можеме да одиме напред, ние се вративме уште чекор поназад, ние сме сега во нешто што би го нарекол капиталистички феудализам. Значи една земја, не знам дали можам да кажам држава, прашање е дали ние сме држава, која е дефакто составена од не знам колку феуди во кои владеат партиските моќници рака под рака со новокомпонираните олигарси.

Владимир Милчин, Слободна Европа, 25.07.21.

нема
26.07 09:54
Најцепки е што Министерството за здравство ги „повикува надлежните институции“ да ги казнат антиваксерите

Во Лекарската комора има над 9.000 активни членови, но ниту еден не пријавил колега за ширење антиваксерска пропаганда, иако на социјалните мрежи ги шират медицински лица, дури и професори на Медицинскиот факултет, поткопувајќи го трудот на колегите во борбата против ковид-19, со што се загрозува и јавното здравје.

Лекарска комора се прави ненадлежна, оти реагирала само на пријави, ама најцепки е што Министерството за здравство ги „повикува надлежните институции“ да казнат.

Марина Костова, Фејсбук, 23.07.21.

нема
23.07 10:25
Добредојдовте во новата нормалност

Милијардерите кои си ги дуплираа богатствата за време на пандемијава и не платија никакви даноци за тоа, решија да изиграваат астронаути и да се прошетаат малку низ вселената, пошто јахтите и авионите им здосадија. И додека праќаат мотивирачки пораки од таму горе, забораваат да кажат дека целиов спектакл е само за утре да можат да добијат уште повеќе државни пари за проекти поврзани со вселената.

За тоа време тука доле 100 милиони луѓе останаа без работа поради пандемијата, 500 милиони ќе паднат во сиромаштија, илјадници умираат секој ден затоа што сиромашните земји немаат пари за вакцини, и планетата буквално зоврива од глобалното затоплување кое милијардериве го прават.

Добредојдовте во новата нормалност.

Бранимир Јовановиќ, Фејсбук, 20.07.21.

нема
22.07 11:45
Југославија секогаш е добра

Франција има добар тим. Југославија секогаш е добра, како и Русија. Секогаш има некое изненадување, можеби оваа година тоа ќе е Кина.

Бајрон Скот, легендарен кошаркар и тренер на ЛА Лејкерс; Југославија, се разбира, не постои, а на Олимпијадата што во 2021 година треба да се одржи во Токио не се пласираа ни Русија, ни Кина; 13.07.21.

нема
20.07 17:58
Страшните поплави мора да нè направат свесни за климатските промени

Страшните поплави од Германија, Белгија, Холандија и Луксембург мора да нè направат свесни за сериозноста на климатските промени и глобалното затоплување. И дека ни најбогатите и најразвиените нема да бидат поштедени. И дека мора веднаш да преземеме нешто во врска со ова.

На индивидуално ниво, треба да избегнуваме да користиме коли, а наместо тоа да пешачиме и користиме велосипед. Да не трошиме струја непотребно. Да не купуваме работи што не ни требаат. Да рециклираме и реупотребуваме колку што можеме. Да не фрламе храна и други работи непотребно.

На државно ниво, мора веднаш да почне да се инвестира во обновлива енергија, а јагленот и нафтените деривати да почнат да се напуштаат. Да се инвестира во јавен превоз кој не загадува. Да се инвестира во енергетска ефикасност на зградите. Да се зголеми рециклирањето. Да не се сечат дрвја, туку да се садат.

Бранимир Јовановиќ, Фејсбук, 17.07.21.

нема
19.07 12:55
Сакаат ќерките да ни ги затворат во кујна!

Оние кои се противат на реформите во образование всушност сакаат ќерките да ни ги затворат во кујна и редуцираат на машини за раѓање. Од овие треба да си ги браниме децата!

Ирена Цветковиќ, Фејсбук, 15.07.21.

15.07 11:45
Заедно во вселената

ќе иницираме преку НАСА двајца бугарски астронаути, маж и жена, да заминат во вселената, а ќе земеме со нас и еден северномакедонски астронаут. Треба да престанеме да гледаме кон Земјата, туку да почнеме да гледаме нагоре.

Слави Трифонов, водач на партијата „Има таков народ“;, Нова ТВ, 12.07.21.

нема
12.07 16:26
За посвојувањето

Ние сме задоени дека биолошкото е императивот на релацијата, од страв дека може да ја загубиме моќта, доминантноста, не веруваме во репарација на релацијата, во релација која обострано нè расте и развива. Културата нè убедува дека вистински родител е тој кој те родил, не тој кој те негува, се грижи за тебе и те воспитал.

Баш поради тоа што некако биолошкото е дадено, потфрлуваме да го цениме и да го негуваме. Кога некој ти доверува дете да се грижиш за него, тоа е огромна чест и привилегија. Не секој ќе ја отвори душата за другото, туѓото, различното, потребна е голема храброст, но и голема љубов, пред сè за себе а после и за децата кои ги воспитуваме. Знаејќи дека никој никому нема да биде целосно негов/нејзин, ние живееме во поголема слобода од очекувањата од себе и од нашите деца.

Од друга страна, јас сум нивниот заштитник и цврсто стојам зад нивните чувства, потреби и очекувања, им верувам и им обезбедувам простор во кој ќе се чувствуваат свои, а не отуѓени и од себе самите.

Радмила Живановиќ, Женски магазин, 09.07.21.

нема
09.07 09:17
Погрешна урбанизација

Скопје не е пренаселен град. Во моментов е лошо испланиран. Ако на игралиште, кое го предвидела општината, детето не може да дојде на ред за лулашка, тоа е погрешна урбанизација. Ако не можете да се паркирате на местата предвидени за вашата зграда, тоа е погрешнa урбанизација. Почнувате да се карате со комшиите, развивате нервоза за обични, секојдневни потреби.

Искра Јанковска Михајловска, архитект и активист; Балкон3, 07.07.21.

нема
07.07 08:08
Пред вратите на ЕУ заглавија Турција, Македонија, Албанија, Босна и Херцеговина

Сигурна сум дека е само коинциденција тоа дека сите овие држави имаат значаен број традиционално присутно муслиманско население.
И сигурна сум дека е само коинциденција тоа дека во ЕУ нема држава со мнозинско или со значаен број традиционално присутно муслиманско население.
Турција беше прва пред ЕУ вратите. Ја држеа во чекална додека не се создадоа услови за доаѓање на некој како Ердоган. И сега имаат легитимна причина да не започнуваат преговори. Коинциденција.
Македонија беше оценета од Бадентер на исто ниво како и Словенија и беше единствена од републиките на СФРЈ која успеа да излезе од федерацијата без конфликт. Па се појави Грција, па се иницираше меѓуетнички конфликт (увезен од Косово), па Германија го устоличи Груевски, па кога глупавите Македонци успеаја да се справат со сето тоа им ја насскаа Бугарија. Коинциденција.
Албанија, епа не може да влезе без Македонија. Коинциденција.
Босна и Херцеговина, најголемата жртва од распадот на СФРЈ, и единствена заради која има се уште судења пред Хашкиот трибунал и обвинети и осудени (Милошевиќ, Младиќ, Шешељ) по ред Срби, ама кои немаат врска со Србија, која впрочем доби датум за преговори. Коинциденција.
Малку премногу коинциденции се собраа. Ама така оди тоа со коинциденциите.

нема
30.06 11:08
Не знам дали знаете

Не знам дали знаете ама има:
Сиромашни и богати хомосексуалци.
Религиозни и атеисти.
Моногамни и промискуитетни.
Писмени и неписмени.
Убави и неубави.
Насилни и ненасилни.
Од различни раси и етничка припадност.
Чесни и арамии.
Сексуалната определба не е карактеристика која ги заменува сите останати карактеристики на еден човек, туку карактеристика заради која тој човек не може да ги практикува основните човекови права на ист начин како и оној со хетеросексуална ориентација.
Тоа не го прави ни подобар ни полош, туку едноставно му става додатна пречка во животот.
Ништо повеќе и ништо помалку.

Мирјана Најчевска, Фејсбук, 28.06.21.

нема
29.06 14:46
Белки нема да бараат да се наречете Западна Бугарија

Му реков на Зоран, се надевам нема да бараат да се наречете Западна Бугарија, зашто тогаш ќе треба да се вратите пак кај Грците да преговарате.

Еди Рама, премиер на Албанија, Фокус, 23.06.21.

нема
25.06 14:02

Препорачуваме

Дигитални портрети на 66 Народни херои на Југославија од Македонија

Дигитални портрети на 66 Народни херои на Југославија од Македонија.

Сите преобразби во песните на Вулкански

Кон стихозбирката „Девет преобразби во чудната шума“ од Пандалф Вулкански; Темплум; 2021 г.

Фотографии од шестиот фестивал „Друга приказна“

Една од најдобрите македонски фотографки редовно го документира книжевниот фестивал „Друга приказна“.

Дали заминувањето на Меркел ќе го продлабочи јазот меѓу европскиот исток и запад?

Германија и Европа се подготвуваат за ерата по Ангела Меркел. Идната влада брзо ќе мора да ги сузбие илибералните тенденции во источните земји на ЕУ.

ОкоБоли главаВицФото