Боли глава

Забрането глупирање

Забрането глупирање на повеќе од двајца.

Ѕвездан Георгиевски, Фејсбук, 01.06.20.

нема
13.06 20:29
Министерот кој го донесе фамозниот правилник за урбанистичко планирање

Поранешниот министер за транспорт и актуелен потпретседател на ВМРО-ДПМНЕ, Владо Мисајловски, објави дезинформација со фотографија од пат од Германија алудирајќи дека е кај нас.

Тој е запаметен и како министер кој го донесе фамозниот правилник за урбанистичко планирање со кој една градба при промена на урбанистички план може да се зголемува, а не може да се намалува. Актуелната власт уште не го промени правилникот.

Гоце Трпковски, Призма, 10.06.20.

нема
10.06 18:18
Македонската власт - трагикомедија и театар на апсурдот

Кога не би била трагична состојбата на духот во македонската власт, но и во македонските институции надлежни за културата и културното наследство, тогаш најдобриот израз за нејзиното однесување би бил „трагикомедија и театар на апсурдот"! Иако во вистинскиот Тетар на апсурдот има многу повеќе рационалност, отколку во овој во македонската политичка и културна стварност. Тоа го потврдува и оваа одлука.

Во време кога градежната мафија во Охрид почнува да си поставува темели за нови градби во заштитениот простор крај езерото, Претседателот на техничката влада брза да потпише разрешување на експертите во Комисијата, кои со години се борат за заштитата на Охрид како споменик на светското културно наследство! Небаре тоа е најитната работа во времето на епидемијата на корона. Самоволието мора да биде потполно, и тоа на сите нивоа!

Кица Колбе, Окно, 03.06.20.

нема
07.06 13:17
Истата комисија ја користи истата мерка итн.

Истата комисија ја користи истата мерка полициски час, која претходните пати не беше почитувана од истата група луѓе, за да го јадат истите кои го јадат цело време, поради истите кои ни сега нема да ја почитуваат истата мерка која ја предлага истата комисија на истата влада која исто се губи цело време.

Јасно?

Ирена Ристиќ, Фејсбук, 03.06.20.

нема
04.06 09:25
Ако душата се остави во темница, гревовите ќе бидат направени

Градските немири не се случуваат за да се освои територија или за да се контролираат институциите. Тоа не се востанија. Нивната цел е да се шокира белата заедница. Тие се наказна форма на протест. Пљачката е акт на катарза, вознемирување на белата заедница со кршење на светоста на сопственоста. Оти, како што рече Виктор Иго, „ако душата се остави во темница, гревовите ќе бидат направени; не е виновен оној кој го направил гревот, туку оној што ја спуштил темницата“.

Мартин Лутер Кинг, во говор, во шеесеттите

нема
03.06 10:45
Зелена Македонија

Јас сум за зелена Македонија (може и северна да биде и јужна и вардарска ама да биде зелена).

Во зелената Македонија не се умира од сиромаштија и загаден воздух и вода и земја. Не се умира од незнаење и неписменост.

Во зелената Македонија секое дрво е важно и секоја педа зеленило.

Во зелената Македонија граѓаните ја контролираат власта.
Во зелената Македонија најмалку пари се трошат на привилегии на функционретите, а најмногу на привилегии на ранливите групи.

Во зелената Македонија професионалците управуваат со државата.

Во таа моја зелена Македонија верата е индивидуално право, етничката припадност е само една од многуте разлики меѓу луѓето, а сексуалната определба си е едноставно, сексуална определба.

Само замислете.

И решете да ја направиме Македонија зелена.

Тешко е, ама не е невозможно.

Мирјана Најчевска, Фејсбук, 02.06.20.

нема
02.06 11:01
Земете забетонирајте го Градски Парк!

Ене ви го Луна Парк бетониран и празен, ако баш таму мора да имате летна сцена - во единственото градско зеленило во центарот на Скопје.

Што не отворите летна сцена на Кале, на Гази Баба, под Кале, таму кај што дадовте еден куп дозволи за градење хотели во барок стил.

Земете забетонирајте го Градски Парк и да завршиме работа.

Ништо не научивте од пандемијата, напротив!

Дендрофоби!

Жанета Трајкоска, Фејсбук, 28.05.20.

нема
01.06 13:25
2025, корона нема у светов

2025, корона нема у светов, ние се караме дали кластер Гази Баба е поделен етнички по квоти а у некоја кафанчуга (не Мал Алтан, кафана е тоа) се слави победа у фудбал на кластер Ченто со кластер Чаир. Коронава трља раце, вика да издржам уште малку, можда ќе иде Илон Маск накај Грчка, ќе се протнам со него до Марс некако. Но, пресврт: антиваксериве од кластер Аутокоманда запалиле пар гуми и не даваат да поминат туристи накај море. Чаос коронче, остана у Македонија.

Ѓорче Ставрески, Фејсбук, 29.05.20.

нема
29.05 22:20
Порано нѐ иритираа, сега се опасни по живот

новата нормалност го потврдува стариот факт за доминантните културни кодови кај нас - ароганција, игнорантност, неодговорност кон себе и кон заедницата, отсуство на грижа за другиот, отсуство на чувство за припаѓање на колектив во кој треба да придонесуваме за заедничките интереси, себецентричност, отсуство на солидарност, отсуство на емпатија, инаетливост, безобразие, не љубов скриена зад широки безначајни прегратки, ниско ниво на образование (и покрај исклучително високиот процент на доктори на науки и високо образувани луѓе), фарисејство. новата нормалност е резултат на изразените стари и опасни навики. порано нѐ иритираа, сега се опасни по живот.

Искра Гешоска, Фејсбук, 29.05.20.

нема
29.05 14:31
Да беше на власт вмровскиот левијатан

Да беше на власт вмровскиот левијатан, изборите ќе ги одржеше среде чума, во 72-саатен полициски час, без присуство на граѓаните, со однапред наполнети избирачки кутии, се разбира – поради безбедноста на нивното здравје.

Мирослав Грчев, Окно, 26.05.20.

нема
28.05 12:42
Постои врска помеѓу високото ниво на загадување и епидемијата

Научниците откриле дека навистина постои врска помеѓу високото ниво на загадување и епидемијата на коронавирусот.

Според најновото истражување на научниците Леонардо Бекети и Џанлуиџи Конѕо од римскиот универзитет Тор Вергата, Пјерлуиџи Конѕо од Универзитето на Торино и Франческо Салустри од Оксфорд, колку повисоко и поконстантно е загадувањето од ситните честички, толку поголема е предиспозицијата респираторниот апарат да биде заразен од тешка болест.

Просто кажано, според истражувањето заклучиле дека онаму каде што воздухот е загаден, коронавирусот убива речиси двојно.

Ивор Мицковски, Фејсбук, 22.05.20.

нема
26.05 14:42
Ова е олигархија. Ова е заробена економија.

Кромберг & Шуберт, која сега доби државна помош од 1,2 милиони евра, во 2018 имала нето добивка од 3,9 милиони евра, а е ослободена и од даноци.

Систина на Камчев, која доби помош од 142.000 евра, во 2018 имала нето добивка од 4,1 милиони евра, а од државата добила и 17 милиони евра годишно по разни основи.

Брако на Анѓушев, која доби помош од 106.000 евра, во 2018 имала нето добивка од 1,3 милиони евра, а на работниците им плаќала просечна плата од 280 евра.

Од друга страна, малите фирми ќе се прашуваат дали вооопшто и ќе добијат помош, работниците кои останаа без работа ќе добијат надоместок од една плата, а невработените ќе добијат платежна картичка од 150 евра. И ќе плаќаат повисоки акцизи.

Ова е олигархија. Ова е заробена економија. Ова е земање од сиромашни, давање на богати. Ова сме ние во последните 30 години.

Сè додека не почнеме да ги менуваме овие работи, ништо суштински нема да се смени во државава.

Бранимир Јовановиќ, Фејсбук, 24.05.20.

нема
24.05 17:32
Проблем е што се толерираат секакви кршења на мерките

Не е проблем полицискиот час од 3 дена. Имавме неколку такви, поминаа без бурни реакции.

Проблем е што се дозволи "лажичка" за Велигден. Што не се реагираше на литијата во Струга. Што не се реагира на масовните групирања кои се случуваат насекаде. Што се толерираат секакви други кршења на мерките. Што не се реагира на гужвите по моловите. Што се дозволија митинзи за изборите.

Со сите овие работи се прати порака дека правилата не важат за сите. Дека, додека едни се жртвуваат за општото добро, други можат неказнето да прават што сакаат. А луѓето не сакаат неправди, пошто 30 години само тоа гледаат.

Се прашувам само - дали ќе се извлечат поуки и дали ќе почнеме да гледаме казни и за оние кои навистина го загрозуваат јавното здравје?

Бранимир Јовановиќ, Фејсбук, 20.05.20.

нема
22.05 11:57
Договорете се у која фаза сме!

Уште 3 дена притвор, а одма после тоа кафичи ќе отварате, испитни сесии ќе се држат, дури избори сакате да праите, ало!

Вирусот не рипа од грмушка у одредени места, денови и време. Ако е празник стајте полиција пред џамии, све е полесно отколку да нè полудите! МАЈ МЕСЕЦ Е!

Значи, масовни собири се забранети, мерките за задолжителна дистанца и заштита се на дејство, дали ова значи дека е потешко да ги спроведете, па подобро ви е да нè притворите за секој случај?

Кажете каде се жариштата, нека се пазат таму луѓето, појачајте проверките низ градовите дали се поштуваат мерките, поделете бесплатни маски, дајте им плата на лекарите, бидете од корист!

Или, еве, можда ги неам предвид податоците што вие ги имате, дајте ни ги аргументите, оправдајте ја мерката!
РАМАЗАН е слаб аргумент. Плус и онака немате контрола над полошкиот регион, тешко таму полициски час.

Стефан Ристиќ, Фејсбук, 20.05.20.

нема
20.05 17:39

Препорачуваме

Либан - во живо гледаме темелен распад на државата

Распадот на либанската држава е последица на домашните проблеми и повеќегодишната неверојатна корупција.

За правдината и законската мрежа, фина ко пајажина

Состојбата на хроничен хаос ги натера Атинците да воспостават – за првпат во историјата на Европа – правна држава со пишани закони.

Јавната тајна за реотворањето на економијата

Првата лекција сè уште важи: сè додека не се победи вирусот, не може да се вратиме во нормала. 

Држење диета е глумење организам

Не верувам дека симит погачата ќе преживее ко концепт, ако сакаш наречи ме и песимит.

ОкоБоли главаВицФото