1012 hPa
93 %
3 °C
Скопје - Пет, 19.04.2024 05:59
Новинарот: Велите Македонија е рај за инвестиции, ниски даноци, договори со сите земји на европскиот континент, што тогаш Канада може да ви понуди вам?
Груевски: Имаме големи инвеститори, познати брендови од Германија, Америка, Британија, Русија…. но немаме од Канада. Затоа сме тука.
Никола Груевски, интервју за канадската BNN; 30.08.12.
Горд сум што припаѓам на културната традиција на народ чијашто историја не бележи пример за насилно уништување на нешто што создавале припадниците на други народи.
Александар Вулин, директор на Канцеларијата на Владата на Србија за Косово и Метохија, предлага Србите да заборават на уништувањето на Дубровник, Вуковар, на палењето на сараевската библиотека, рушењето на џамии и на слични културни акции; „Е-новине“, 27 август
Знаев дека половина од СДСМ-овците се на привремена работа во ВМРО-ДПМНЕ. Ама се откри дека барем еден ВМРО-вец е на привремена работа во СДСМ. Се вика Зоран Заев. Гради цркви и плаќа српски турбофолкерки.
Горан Михајловски, „Вест“, 25.08.12.
И што е најбитно, пропушта воздух. Тоа е најклучно за душек - да диши. Да, еднонасочно. Пошто мушама ако стаиш - ги поти, а ова треба да биде еднонасочно - да пропушта воздух, а да не впива течности... Технологија, технологија!
Никола Тодоров, министер за здравство; „Фокус“, 24.08.12.
Во златна Македонија Александар по 2.500 години го направи најуспешниот поход. Ги помири мајка му Олимпија и татко му Филип кои биле закрвени до смрт. Ене ги сите тројца, фатени за раце, седат на Фонтана.
Горан МИХАЈЛОВСКИ, „Вест“, 18.08.12.
Kако никогаш порано, националната гордост и колективниот дух на Македонците се спушти на најниско можно ниво, на работ од мигот (времето/просторот) кога потполното уништување веќе започнува да се случува. Ова време е време на најголемата беда на Македонците – беда на нивното достоинство, гордост и идентитет; беда на нивната држава. Спуштањето во амбисот каде што владее бесмислата, депримирачката празнина и колективниот очај, денес е секојдневие на народот (...) Времето во кое живееме е најголема агонија на Македонците, без трошка надеж и парадигми кои ќе го концентрираат и возвишат колективниот хабитус на македонскиот народ.
Тони Науновски, „Дневник“, 21.08.12.
Појдете во Свети Николе или во Струга ако сакате во живо да се уверите дека таму кај што минува преродбата - Македонецот исчезнува како екваторски пеликан во нафтна дамка. Декадентната атмосфера што ја шири нискокорумпираната проста маса, фасцинирана од скопските кафулиња и ресторани и од шансата да го отвора денот со гел на косата и жолто на гаќите, таа, значи, маса од стотина илјади корисници на идиотскиот систем на вемеровското вработување со помош на нискиот мозочен притисок, тоа е многу важен знак за постепеното но сигурно исчезнување на Македонецот од светската зоолошка картографија: принципите на еволуцијата покажуваат дека охридската пастрмка поскоро ќе добие Македонец за ручек во Трпеица, отколку обратно.
Бранко Тричковски, „Глобус“, 22.08.12.
Големиот патриот Груевски се обиде да ни објасни дека министрите тоа го направиле како приватни лица и во нивното слободно време. Какво слободно време, Никола, па нели работите 24 часа, седум дена во неделата?
Бранко Црвенковски, на митинг во Крушево; „Утрински весник“, 21.08.12.
Кога за време на војната во Босна беше објавено дека рускиот националист Владимир Жириновски ќе го посети лидерот на босанските Срби Радован Караџиќ, британскиот весник „Гардијан“ таа вест ја објави на насловнaта страницa на следниот начин: „Има една добра и една лоша вест. Добрата вест е што Жириновски, конечно, решил да се јави на психијатар. А лошата вест е што психијатарот се вика Радован Караџиќ“. Се сетив на овој англиски цинизам кога прочитав деновиве дека Антонио Милошоски од партијата ВМРО-ДПМНЕ од Македонија, позната по одржувањето „фер“ избори, ќе биде шеф на мисијата на ОБСЕ-ОДИХР за набљудување на парламентарните избори кај Александар Лукашенко во Белорусија, што ќе се одржат на 23 септември оваа година.
Ѓорѓи Спасов, „Утрински весник“, 18.08.12.
А по 10 до 15 години, кога ќе се затвори целиот овој процес, ќе мора да се направи рехабилитација на жртвите бидејќи со гледањето на овие досиеја дојдовме до фрапантни податоци што им се случувало на одредени семејства, на одредени личности поради работењето на соработниците и на тие служби.
Томе Аџиев, претседател со одамна истечен рок на Комисијата за лустрација, советува уште неколку децении да причекаме со рехабилитација на жртвите на комунизмот; „Мкд.мк“, 09.08.12.
Она што помалку се знае во Македонија е фактот што Охридскиот договор не им пречи само на домашните екстреми и милитанти, туку е трн во окото на целиот Балкански Полуостров, бидејќи по својата демократска поставеност е недостижен за сите балкански земји, а по некои компетентни согледувања и во повеќе европски земји. Компромитацијата на Охридскиот договор е цел и на повеќе разузнавачки служби. Досега на тој план со домашна поддршка имаат постиганото делумен успех.
Ерол Ризаов, „Утрински весник“, 17.08.12.
Како тоа, со живите од УЧК (ОНА) јадат и пијат заедно, а од мртвите УЧК се оградуваат?
Седат Шабани, дневен „Фокус“, 16.08.12.
Затоа кога Љупчо Георгиевски вели дека Никола Груевски ја издал и изобличил каузата на ВМРО, потсетува на Троцки во 30-тите години кога пишува дека Сталин ја догматизирал комунистичката идеја.
Нано Ружин, „Утрински весник“, 09.08.12.
Министерот за здравство Никола Тодоров се пофали дека Кралството Холандија ни подари 8 милиони евра за да ни помогне да се намали бројот на умрени новороденечиња и мајки при породување. Оти процентот е поголем од европскиот просек. Ќе се реновираат сите родилишта и ќе останат пари и за 75 патронажни коли. Не дека ние немавме 8 милиони. Имавме ние и 12 милиони, и сто милиони и двесте милиони. Ама ни требаа за попаметни работи. И уште ни требаат. Холанѓаните видоа, не видоа, си рекоа што се виновни децата што имаат родители што гласаат за споменици, огради и барокни кулиси и прежалија 8 милиони. Исто како што прежалија милиони за помош и Американците кои ни ги реновираат вецињата и прозорците по школите, Јапонците што ни купуваат коли за брза помош, Норвежаните и Швајцарците што ни ги заштитуваат планините и езерата, Швеѓаните што ни го чистат ѓубрето... А ние нашите пари си ги потрошивме за Луна парк во центарот на Скопје.
Горан Михајловски, „Вест“, 11.08.12.
OK.NO. - нова едиција книги по повод петнаесетгодишнината на нашиот портал.
Тони Димков го водеше разговорот со Никола Гелевски, основачот и главниот уредник на порталот Окно.
Градежниот метеж, во кој е претворено Скопје, е најјасната слика за алчноста и трката по материјален престиж, кои владеат во Македонија.