Боли глава

Kако никогаш порано, националната гордост и колективниот дух на Македонците се спушти на најниско можно ниво, на работ од мигот (времето/просторот) кога потполното уништување веќе започнува да се случува. Ова време е време на најголемата беда на Македонците – беда на нивното достоинство, гордост и идентитет; беда на нивната држава. Спуштањето во амбисот каде што владее бесмислата, депримирачката празнина и колективниот очај, денес е секојдневие на народот (...) Времето во кое живееме е најголема агонија на Македонците, без трошка надеж и парадигми кои ќе го концентрираат и возвишат колективниот хабитус на македонскиот народ.
Тони Науновски, „Дневник“, 21.08.12.

нема
23.08 2012
1
Македонец за ручек

Појдете во Свети Николе или во Струга ако сакате во живо да се уверите дека таму кај што минува преродбата - Македонецот исчезнува како екваторски пеликан во нафтна дамка. Декадентната атмосфера што ја шири нискокорумпираната проста маса, фасцинирана од скопските кафулиња и ресторани и од шансата да го отвора денот со гел на косата и жолто на гаќите, таа, значи, маса од стотина илјади корисници на идиотскиот систем на вемеровското вработување со помош на нискиот мозочен притисок, тоа е многу важен знак за постепеното но сигурно исчезнување на Македонецот од светската зоолошка картографија: принципите на еволуцијата покажуваат дека охридската пастрмка поскоро ќе добие Македонец за ручек во Трпеица, отколку обратно.

Бранко Тричковски, „Глобус“, 22.08.12.

нема
22.08 2012
Слободно време?!

Големиот патриот Груевски се обиде да ни објасни дека министрите тоа го направиле како приватни лица и во нивното слободно време. Какво слободно време, Никола, па нели работите 24 часа, седум дена во неделата?
Бранко Црвенковски, на митинг во Крушево; „Утрински весник“, 21.08.12.

нема
21.08 2012
Антонио и Лукашенко

Кога за време на војната во Босна беше објавено дека рускиот националист Владимир Жириновски ќе го посети лидерот на босанските Срби Радован Караџиќ, британскиот весник „Гардијан“ таа вест ја објави на насловнaта страницa на следниот начин: „Има една добра и една лоша вест. Добрата вест е што Жириновски, конечно, решил да се јави на психијатар. А лошата вест е што психијатарот се вика Радован Караџиќ“. Се сетив на овој англиски цинизам кога прочитав деновиве дека Антонио Милошоски од партијата ВМРО-ДПМНЕ од Македонија, позната по одржувањето „фер“ избори, ќе биде шеф на мисијата на ОБСЕ-ОДИХР за набљудување на парламентарните избори кај Александар Лукашенко во Белорусија, што ќе се одржат на 23 септември оваа година.
Ѓорѓи Спасов, „Утрински весник“, 18.08.12.

нема
20.08 2012
Ќе биде - за 15 години

А по 10 до 15 години, кога ќе се затвори целиот овој процес, ќе мора да се направи рехабилитација на жртвите бидејќи со гледањето на овие досиеја дојдовме до фрапантни податоци што им се случувало на одредени семејства, на одредени личности поради работењето на соработниците и на тие служби.
Томе Аџиев, претседател со одамна истечен рок на Комисијата за лустрација, советува уште неколку децении да причекаме со рехабилитација на жртвите на комунизмот; „Мкд.мк“, 09.08.12.


нема
19.08 2012
Службите против договорот

Она што помалку се знае во Македонија е фактот што Охридскиот договор не им пречи само на домашните екстреми и милитанти, туку е трн во окото на целиот Балкански Полуостров, бидејќи по својата демократска поставеност е недостижен за сите балкански земји, а по некои компетентни согледувања и во повеќе европски земји. Компромитацијата на Охридскиот договор е цел и на повеќе разузнавачки служби. Досега на тој план со домашна поддршка имаат постиганото делумен успех.

Ерол Ризаов, „Утрински весник“, 17.08.12.

нема
17.08 2012
Живи и мртви

Како тоа, со живите од УЧК (ОНА) јадат и пијат заедно, а од мртвите УЧК се оградуваат?

Седат Шабани, дневен „Фокус“, 16.08.12.

 

нема
16.08 2012
Љубчо и Грујо - Троцки и Сталин

Затоа кога Љупчо Георгиевски вели дека Никола Груевски ја издал и изобличил каузата на ВМРО, потсетува на Троцки во 30-тите години кога пишува дека Сталин ја догматизирал комунистичката идеја.
Нано Ружин, „Утрински весник“, 09.08.12.

нема
14.08 2012
Имаме ние двесте милиони!

Министерот за здравство Никола Тодоров се пофали дека Кралството Холандија ни подари 8 милиони евра за да ни помогне да се намали бројот на умрени новороденечиња и мајки при породување. Оти процентот е поголем од европскиот просек. Ќе се реновираат сите родилишта и ќе останат пари и за 75 патронажни коли. Не дека ние немавме 8 милиони. Имавме ние и 12 милиони, и сто милиони и двесте милиони. Ама ни требаа за попаметни работи. И уште ни требаат. Холанѓаните видоа, не видоа, си рекоа што се виновни децата што имаат родители што гласаат за споменици, огради и барокни кулиси и прежалија 8 милиони. Исто како што прежалија милиони за помош и Американците кои ни ги реновираат вецињата и прозорците по школите, Јапонците што ни купуваат коли за брза помош, Норвежаните и Швајцарците што ни ги заштитуваат планините и езерата, Швеѓаните што ни го чистат ѓубрето... А ние нашите пари си ги потрошивме за Луна парк во центарот на Скопје.
Горан Михајловски, „Вест“, 11.08.12.

нема
13.08 2012
Прдеж в гаќи 2013. За греење на Скопје 2014.

Затоа следната година, Груевски да внимава кога ќе го планира одморот секако да биде во близина кога ќе се вари гравот. Колку да се појави. Па и да задоцни, барем нема да го пропушти последователниот ефект од изедениот грав. Што би можело да резултира со прдеж за Гинис.
А Владата, како што остварува, веднаш ќе основа нова манифестација. Со која ќе промовира алтернативен извор на енергија. Прдеж в гаќи 2013. За греење на Скопје 2014. Само цевководот да се приклучи кон Јужниот тек на Ставрески. Добро да дихтува и да се насочи кон престолнината.

Горан Михајловски, „Вест“, 11.08.12.

нема
11.08 2012
НЛО-ВМРО лустрација

Откривме дека во Штип точно пред 65 години во 02 часот и 15 минути во сабота во една темна уличка кај спитaлето 18-годишниот Коста Балабанов му шепнал на својот најдобар другар дека никогаш нема да им ја вратат куќата и земјата што им ја зеле комунистите и оти од богато и угледно семејство сега теглат длабока сиромаштија. Агентот зад капиџикот уредно запишал дека буржоазијата повторно крева глава и бара да се вратат ванчомихаловистите, само притоа заборавил да каже дека воопшто не го видел Коста, кој сиромав во истото тоа време лежел во Љубљана во болница болен од туберколоза. Веројатно со НЛО истата вечер слетал во Штип и се вратил во Љубљана. Денес тоа е доволно да биде прогласен за кодош. Патем куќата на Балабанови и ден денес ја конфискува и ја користи МПЦ без срам и перде.
Ерол Ризаов, „Утрински весник“, 08.08.12.

нема
10.08 2012
Во Бугарија нема малцинства

Има ли македонско малцинство во Бугарија?

- „Не, не, не, не, се разбира дека нема, колку пати сакате тоа да ви го кажам. Во Бугарија нема такво малцинство. Во Бугарија нема малцинства“.

Андреј Ковачев, бугарски европратеник, одговара на прашање од ТВ „Канал 5“

нема
07.08 2012

Јас ви тврдам дека ако СДСМ предложи закон за Никола Груевски да биде доживотен премиер, тие ќе го одбијат само затоа што е предложен од СДСМ. До толку е отидена работата.
Гордан Георгиев, „Плусинфо“, 03.08.12.

нема
06.08 2012
1

А што се однесува до Бранко и Мендух, сосе Љупчо, момците си се самолегитимираа и овој пат. Тие по сопствен избор се најобични камењарки во политиката. Ништо повеќе. „Дању и ноќу сањаат“ странска сила да ги доведе на власт. Самите не можат ништо. Ни поединечно, а па ни на купче. Тие немаат намера да му слугуваат на народот што гласа. Ама ќе му се напупат на секој странец за нешто пари, за малку шверц, за власт или моќ.
Мирка Велиновска, „Нова Македонија“, 03.08.12.

нема
04.08 2012
1

Препорачуваме

23 начини на кои феминизмот ги подобри животите на мажите

Феминизмот сè уште често се смета за грд збор, а ретко се спомнуваат неговите позитивни учиноци, во корист и на мажите.

Деликатниот ромор на исраните овчи брбушки

Историскиот миг во кој се наоѓаме е повторување на малоумната атмосфера во изборната година 2006.

Петнаесет години Окно

Насловна на Окно од 13 март 2009.

ОкоБоли главаВицФото