Боли глава

Јавноста

Јавноста е премногу исполитизирана во однос на оцените што се дадени за нашата енциклопедија.

Георги Старделов, претседател на МАНУ

17.10 12:44
Вмровец како стручна квалификација

Замислете, во Капетанијата имате човек со Земјоделски факултет, ама тој е вмровец и тоа е негова стручна квалификација.

Јани Макрадули, пратеник на СДСМ

16.10 15:57
Не со жените, а камоли со мажите!

Вие не можете да се мерите со жените во ВМРО-ДПМНЕ, а камоли со мажите во ВМРО-ДПМНЕ.

Ивица Георгиевски, пратеник, на собраниска седница од 14.20.2009

15.10 10:32
Ви го зачувавме Бранко!

„Факт е дека Бранко Црвенковски е единствениот претседател кој без последици за неговото физичко здравје, го заврши успешно претседателскиот мандат. Факт е тогаш кога вашите стручни лица го водеа Министерството за внатрешни, во неразјаснети околности, двајца претседатели настрадаа.“

Гордана Јанкуловска, 13.10.2009

14.10 12:53
Стручна редактура

Јасно е ко ден дека на Енциклопедијата не и' треба хименопластика, туку темелна стручна редактура. И по сегашново „онадуење“ на МАНУ, џабе каење. Енциклопедијата треба да се ослободи од етноцентричност - дури и неолитот е дефиниран како „праисториски период во Македонија“. Треба да се „излечи“ од „етногенетски“ големи нарации и од политичка тенденциозност.
Жарко Трајаноски, „Дневник“, 14.10.09

14.10 12:34

Интелектуалците од државните институции на државна (мизерна) плата мора да им се поклонат на безобѕирните невладини активисти кои од нив бараат да се повлечат од барикадите и да ја дочекаат смртта на својата институција.

Алекс Букарски, „Дневник“, 13.10.09

13.10 11:55
2

Кузман мора да сноси најголема одговорност за пожарот. Манастирот датира од 11 век, а до почетокот на овој век црковните миси се одржувале на албански јазик. Во пожарот изгореа многу важни албански документи за кои се сомневаме дека се намерно уништени за да се прикрие вистинската историја за манастирот, односно дека тој отсекогаш бил албански.

Неби Дервиши, Нова Македонија, 08.10.09, нагласува дека не само што Јован Бигори бил албански манастир, туку дека албански биле и Свети Наум во Охрид, Калиште во Горно Нерези и уште многу други цркви во Македонија.

09.10 12:24
2

Очи темносини. Класичен костум со цвет во реверот. Благ лиричен израз и совршен литературен јазик со беспрекорен акцент. Шарм ала Пол Њумен со таинственост на македонска мистерија на човекот кој знаеше премногу, со префинети манири на тореадор, кој со црвен плашт го намамува разјарениот бик да шлајфува во песокта.

Алекс Букарски занесено го портретира Блаже Ристовски, „Дневник“, 06.10.09

06.10 13:55
1
Многу букви

Деновиве и Аеродром влезе во центарот на Скопје. Навистина не е во првата зона, во третата е, ама центар си е центар. За (не)среќа, Ѓорче е значително подалеку од централното подрачје, па веројатно уште некое време нема да влезе во ниедна зона на паркирање. Значи, скопјани, паркирајте се во Ѓорче Петров додека можете, таму засега е без пари. Зашто ништо чудно некои наредни денови и оваа општина да влезе во паркинг-зоната, оти тоа го барал градоначалникот. А, штом е така, тогаш сигурно и ќе биде, па ако треба и ќе се прошират зоните. Всушност, азбуката има многу букви, дури 32, не само три А, Б, Ц!

Билјана Ангеловска, Утрински весник, 5. 10. 09.

06.10 10:53
Мајка го роди

Вардарци, Пиринци и Егејци. Една земја, едно име Македонци/ Никола, Никола мајка го роди /Народ да води кон светла иднина/ Никола Груевски господ го прати верба да врати во Македонија... целата песна на овој линк

строфа од сонг на Бате Геле

05.10 10:22
Симбол

Неколку дена во непосредна близина на Транспортниот центар во Скопје, значи, железничката и автобуската станица, е распнат циркуски шатор. Како симбол за оние што пристигнуваат во метро(и)полата да знаат каде доаѓаат, а за оние што заминуваат, каде биле.

Јосиф Ќурчиев, Утрински весник, 02.10.09

02.10 13:43
Невозможни, сизифовски задачи

Во својата презентација на конференцијата „Македонскиот идентитет низ историјата“, антропологот Кит Браун предупреди дека македонската национална историја е опседната со невозможни, сизифовски задачи, со обиди „да се пронајде непобитен доказ за историската долговечност, на еден колектив, на еден страдалнички народ што напредува низ времето.“ „Ниедна нација во светот не може да го исполни овој стандард“, укажа проникливиот антрополог.

Жарко Трајаноски, во колумна во „Дневник“, 30.09.09

01.10 10:51
Бездомник

Почина бездомник, во срцето на градот. Изнемоштен, изгладнет, премален... Полицискиот гласник информира дека покрај телото на упокоениот биле уште неговата сопруга и неговиот син, со истиот социјален, или општествен статус - бездомници. Оваа драма на очајот во суровата ноќ се одигрувала само на сто чекори од Владата, на сто чекори од парламентот, на сто чекори од кабинетот на таткото на нацијата, на сто чекори од Светиот архијерејски синод, на сто чекори од седиштето на Сојузот на синдикатите, на сто чекори од Црвениот крст, на сто чекори од домот на хуманистката Мајка Тереза, на сто чекори од Градска болница, под трезорите на неколку банки, во згуснатиот воздух од раздразнувачките мириси на кујните на седумнаесет ресторани, дваесетина кафулиња, седум слаткарници...

Бошко Нацевски, Утрински весник, 30.09.09

30.09 16:24
Изненадувањето е неможно

Секој кој живее во Белград знае дека изненадувањето е неможно: кој сè со месеци и години веќе не се тркала низ овие православни улици - образовците, водоземците од 1389.сом, двераните, отпадот на Караџиќ, старите и новите радикали, декларираните фашисти, навивачите од сите нацистички бои, гестаповскиот отпад формиран низ љубовта кон Дража Михаиловиќ, четничките хорди, менталните болни од сите лоботомични бои, читачите-одачи на Новата Српска Фашистичка Мисла, болесниците-коментатори од „Политика“, пореметената опозиција од ДСС и Нова Србија, радикалниот шешељовски шљам - па сосема е реално да се случи она што се случи, убиството на Брис Татон...

Петар Луковиќ, е-новине, 29.09.09

30.09 10:10

Препорачуваме

Исчезнува ли сонот за обединета Европа?

Прогласувањето на клиничка смрт на НАТО е политички лов во матно.

Зошто луѓето сакаат да се плашат

На прв поглед, стравот и желбата се различни чувства. Но во реалноста честопати одат заедно. Зошто има љубители на страв? 

На годишнината од Кадифената револуција, Чесите повторно на улиците

Сè се смени, но и ништо не е сменето, велат младите Чеси кои планираат викендов да го минат на улиците, на 30-годишнината од падот на комунизмот.

Дванасет македонски фотограф(к)и

Денес во Тетово, во центарот Лоја, во 19 часот, промоција на книгата.

ОкоБоли главаВицФото