Боли глава

Помножени со нула

Иако ВМРО-ДПМНЕ најавуваше жестоки и бурни реакции по повод опозициското приближување, нивните реакции се покажаа како неинвентивни или поинаку кажано, како дежа-ви. Прогласи ги сите свои поранешни соработници за предавници, смести ги тука и противниците, извади ги од нафталин ситните души какви што се Чашуле, Латас, Петровски, Донев и Додевски, па нека ни зборуваат за лузери и за истрошени политичари. Груевски ни порача дека сакал купчиња. Е па, поголемо купче од овие испукани морални дијаболи не можеше ни да најде. И кој ќе ѝ верува на оваа продадена и преплатена банда?! Нивниот кредибилитет можеме слободно да му го дадеме на Миленко, за да го помножи со нула.

Ивор Мицковски, „Плусинфо“, 03.07.12.

05.07 2012

Крај на транзицијата

Пред неколку дена почна крајот на транзицијата. Не заради тоа што ѝ дојде време да заврши (а сакавме одамна да беше завршена) или заради тоа што е веќе доцна. Не заради тоа што некој донесе одлука да запре или дека се исцрпија сите општествени процеси, туку заради тоа што сега ѝ го знаеме целото лице. Сега знаеме кои се луѓето што ни ја спакуваа транзицијата. Сега нема непознати и прикриени вистини.

Илија Димовски, „Дневник“, 02.07.12.

04.07 2012

Си знае кој е Хитлер

Бранко Црвенковски првин да каже кој меѓу нив е Черчил, а кој Сталин, па дури потоа ќе дадам коментар.

Никола Груевски одговара на новинарско прашање, што мисли за коментарот на Црвенковски дека двајцата светски лидери се здружиле да го соборат Хитлер; „Утрински весник“, 02.07.12.

03.07 2012

Ѕинго - Аминта Трети

Кај ти е Никола крајот. Кој ти е следен кандидат за предавник. Да не е Борис Стојменов, Павле Трајанов. Можеби Стојменов те намести на интервјуто на Канал 5. Да не е Лилјана Поповска. Едно знам, Ѕинго сигурно не е. Тој нема никаква врска ни со транзиција, ни со приватизација. Тој има директни корени, не со Александар, туку со Аминта трети. И во Амди Бајрам можеш да бидеш сигурен, со него сте целосно истомисленици.

Бранко Црвенковски, на протестен собир во Прилеп; „Либертас“, 01.07.12.

02.07 2012

Предавници

Со Андов беше во коалиција, кога почна да ти ги разобличува политиките ти текна дека е транзиционен лидер. Со Тито Петковски во 2006 година направи влада. Кога почна да ти ја критикува политиката и него го шутна. Брат Љубе беше твој херој, во Хаг го посетуваше, на аеродром го пречекуваше. Кога почна да ти ја критикува политиката, го уапси во монтиран судски процес. Љубчо Георгиевски ти беше икона, сликата и на маса и на ѕид ја чуваше и секоја вечер пред него по три пати се крстеше. Кога со Љубчо ќе се поздравеше, три дена рацете не ги миеше.

Бранко Црвенковски му се обраќа на Груевски, на протестен собир во Прилеп; „Либертас“, 01.07.12.

01.07 2012

Една слика илјада зборови

Јас би рекол, една слика илјада зборови. Јас утрово погледнав една слика во еден дневен весник каде што се сликале заедно, очигледно била специјална фото сесија во којашто гледаме едно поразвеселено лице и еден тажен човек. Кај развеселениот има некоја надеж дека ова ќе го врати во политиката бидејќи е исфрлен пред повеќе години. Тажниот мислам дека на некој начин е свесен дека ова нема да му помогне да не ја заврши катастрофално својата кариера.

Никола Груевски ја коментира средбата меѓу Црвенковски и Георгиевски; „Либертас“, 29.06.12.

30.06 2012

Апсолутна точност

Секако ми иде на ум мисла дека штом некој напнува, оптоварува и инсистира на некоја тема, без за тоа здраворазумски да разговара, сигурно има нешто да скрие, прикрие, пренасочи внимание, да исчисти некој дел од својата совест или да избега од реалноста. Милион дилеми кои се и веројатни и реални и очекувани да бидат поставени. Секако, во моите размислувања тргнувам од сигурноста во апсолутната точност на прокламираната политика и реалните активности на Владата и претседателот на Република Македонија.

Илија Димовски, „Дневник“, 26.06.12.

29.06 2012

Фалсификатори

Македонците се најголеми фалсификатори на балканската историја и ќе си го проколнат мајчиното млеко што се откажаа од Свети Климент и Свети Наум.

Љубчо Георгиевски, во својата автобиографска книга; „Утрински весник“, 26.06.12.

28.06 2012

Математиката на Груевски

363 милиони и 208 милиони, се приближно 700 милиони евра.

Никола Груевски, во емисијата Х/О на Роберт Поповски; „Плусинфо“, 26.06.12.

27.06 2012

Филип за МНР

Тоа што е ставена улица на Филип Втори Македонски на тоа место можеби ве загрижува, вие си знаете зошто имате против баш на местото каде ќе биде новото Министерство за надворешни работи да биде Филип Втори Македонски...

Никола Груевски му одговара на пратеникот Андреј Петров; „Плусинфо“, 25.06.12.

27.06 2012

Со еден потпис...

Сиромашкиот (Фрчкоски), ми личи на Андонис Самарас. И напуваниот ’грклан’ си мисли дека тежи колку вчера. Ќе ја уценувал Македонија. Ќе ѝ поставувал услови. Е па, ќе види набрзо. Впрочем, како и Бојко Борисов. Толку напори, напрегања за заобиколување на Македонија со нафтоводите и гасоводите, со еден потпис паднаа во вода. Со две-три реализирани азиски зделки, кај и да е, ќе доаѓаат Грци и Бугари да работат сезонски во Македонија.

Мирка Велиновска, „Нова Македонија“, 22.06.12.

26.06 2012

Лепенки и синуси

Море ако треба лепенки и на чело нека ни ставаат, ние упорно ќе им одиме. Не дека не сме патриоти. Не дека дека ги сакаме, ич не ги сакаме. Ама мали ни се децата и имаат синуси. Блиску е и можеш да однесеш домати од дома, без да ти се расипат. А и Грците разбираат српски.

Горан Михајловски, „Вест“, 22.06.12.

25.06 2012

Тоа ли е херој?!

Што направил бе па тој Стив Наумов за оваа држава? Колку врби среде Вардар засадил? Колку тендери за коалициони партнери, чии воени злосторства ги амнестирал претходно, наместил? Колку свои роднини поставил на високи позиции во власта, и колку рекламни кампањи финансирал со буџетски пари? Тоа ли е јунак, тоа ли е херој, тоа ли е човек од кого треба инспирација да црпат идните генерации?

Нено Богдан, „Фокус“, 21.06.12.

23.06 2012

Најдалечната соба

Со статистичка шминка не се решаваат големите македонски проблеми. Владата наликува на родител на кого детето му плаче бидејќи е гладно, а тој, за да не го слуша детето како плаче, не му дава да јаде туку го затвара во најдалечната соба.

Радмила Шеќеринска, „Преспа скај“, 21.06.12.