Боли глава

Првата влада

Како главен потфат во процесот на создавање на таа влада, останува одбивањето на тогашниот претседател Киро Глигоров да даде мандат на кандидатите за премиер што беа предложени од ВМРО-ДПМНЕ, која имаше најголем број пратеници. Во недостиг на аргументирани одговори, го земам за точно кажувањето на еден од нашите најпознати и најспособни разузнавачи во емисијата на Васко Ефтов. Во слободна интерпретација, таа личност рече дека таа постапка на Глигоров му била сугерирана од Белград. Од органите на власта никој од Белград немал право да даде таква сугестија, бидејќи таа мора да биде јавна и во тој случај ќе биде и неуспешна. Со оглед на искуството на изворот кој го спомнувам, претпоставам дека таа сугестија од Белград до Глигоров дошла преку тајните служби. За да ја прифати, Глигоров морал да знае со каква моќ тука кај нас во тоа време располагале тајните служби, за да чувствува обврска да се држи до сугестијата, а и за да биде сигурен дека ќе успее потфатот. Меѓутоа, тој најверојатно добил и друга сугестија - на кого да го даде мандатот.

Стојан Андов, „Фокус“, 30.10.09

06.11 11:09
Чипови

Е, кога е во прашање Босна и Херцеговина, Србија, за жал, досега ни таму нема направено јасен дисконтинуитет во однос на Милошевиќ. Можеби тоа е највидливо во односите на Тадиќ и Милорад Додик. Имено, Тадиќ спрема Додик се однесува на ист начин на кој Милошевиќ се однесуваше кон Милан Бабиќ или Караџиќ. Додик е Радован Караџиќ на Тадиќ. Станува збор за истиот маневар кој би можел да се сведе на претседателовата порака кон меѓународната заедница: во состојба сум да ви создавам неволји и во тоа е мојата сила. Немам ништо позитивно да понудам, но можам да ве изнервирам кога ќе посакам. Меѓународната заедница мора да дојде кај мене и убаво да ме замоли – ајде, бре, направи нешто, смири го тој човек! Додик и неговата дружина се заложници, чипови со кои Србија игра партија покер со меѓународната заедница. Да се разбереме: станува збор за истата игра која Русија ја игра со светот, со таа разлика што во руската игра чипот е – Србија.

Срѓа Поповиќ, BH Dani, 30.10.09.

03.11 11:17
Злосторство

Никој кај нас нема право да ја разрешува дилемата „да се има или да се биде“ во корист на европскиот путер и чоколадо. Тој што ќе го стори тоа ќе учествува во злосторството што се вика погубување на Името и ќе остане за сите векови кај овој народ подлец и предавник.

Ефтим Клетников, „Дневник“, 31. 10. 09.

02.11 17:39
Мартирите на нашето опстојување пијаници

Нам денес, како колумнисти или граѓани за европска Македонија (!?), или под други маски, ни држат часови за тоа што е идентитет, тие на кои ништо не им е свето кај нас и кои се десакрализираат, правејќи ги дури и хероите, мартирите на нашето опстојување пијаници.

Ефтим Клетников, „Дневник“, 31. 10. 09.

02.11 16:14
Јадица

Јадицата од ЕУ е фрлена и ние сме во еуфорија, не гледајќи во губилиштето кон кое чекориме. Тоа е нашиот парадокс. Бидејќи што може да значи егзекуцијата на Името, ако не и ефектно, на елегантен софистициран начин, погубување на Идентитетот на цел еден народ.

Ефтим Клетников, „Дневник“, 31. 10. 09.

02.11 11:37
Диогеновски фарови

Има нешто индикативно во тоа што на нашите улици автомобилите и дење возат со запалени светла, има нешто безбели диогеновско во тоа: како цела нација да бара чесен човек низ државава, но наместо со свеќа, тоа го прават со своите фарови.

Копач, „Окно“, 28.10.09

28.10 11:20
Риба памти

Пуши Јанко, а народов се опира. Не заборава што ломотеа тој и неговите буреконосци. А кој да ги заборави нивните страсни одбрани на името? Кој да заборави како Јанко гол се соблекуваше на телевизија, за да им го покаже на грчиштана? Како да заборавиме дека Миленко го заколна да му умре мајка и све најмило на тој што ќе ни го смени името. Рибата памти, бре, а не народот!Како и да е, не им е лесно. Се спремаат да попуштат. Сфатија дека попаметните попуштаат. Со нервите.

Бранко Героски, „Време“, 26.10.09

26.10 11:10

Спроведувањето на одредбите против концентрацијата на сопственоста во медиумите ќе се движи со тектонски промени во медиумскиот простор.

Роберто Беличанец, Центар за развој на медиумите

24.10 12:23
1
Му вадат

Првиот ден ни го извадија Муратовски на штрајк, па денеска вадат некои студенти, се обидуваат од границата да направат баук, дека којзнае што сме направиле.

Никола Груевски, премиер, во изјава за ТВ, 20.10.09

21.10 11:34
Сличности

Потврда на тоа е Библијата. Многу такви пораки стигнале од вашиот народ до нас и многу пријателски чувства не' преплетуваат како народи со слична судбина.

Ѓорге Иванов, претседател, 19. 10. 09, при посета на Израел

20.10 12:51
Јавноста

Јавноста е премногу исполитизирана во однос на оцените што се дадени за нашата енциклопедија.

Георги Старделов, претседател на МАНУ

17.10 12:44
Вмровец како стручна квалификација

Замислете, во Капетанијата имате човек со Земјоделски факултет, ама тој е вмровец и тоа е негова стручна квалификација.

Јани Макрадули, пратеник на СДСМ

16.10 15:57
Не со жените, а камоли со мажите!

Вие не можете да се мерите со жените во ВМРО-ДПМНЕ, а камоли со мажите во ВМРО-ДПМНЕ.

Ивица Георгиевски, пратеник, на собраниска седница од 14.20.2009

15.10 10:32
Ви го зачувавме Бранко!

„Факт е дека Бранко Црвенковски е единствениот претседател кој без последици за неговото физичко здравје, го заврши успешно претседателскиот мандат. Факт е тогаш кога вашите стручни лица го водеа Министерството за внатрешни, во неразјаснети околности, двајца претседатели настрадаа.“

Гордана Јанкуловска, 13.10.2009

14.10 12:53

Препорачуваме

Господи smileyвај се на нас

Држава во која сите се исти: Модлавија.

Светлото е тука. Меѓу два камена.

Кон резултатите од Конкурсот за проекти од национален интерес на Министерството за култура од областа на издаваштвото, 2020.

Медиум на друм (47): Влијанието на редакцијата и стереотипите

Усвојувањето на главните вредности и на стереотипите на опкружувањето е спонтан процес што ги надвладува останатите.

Здрав живот во Скопје е токсиморон

Може немам чувано ниту едно домашно милениче, ама имам вдомено и посветено внимание на стотици книги. И книгите се души.

ОкоБоли главаВицФото