Боли глава

Насер Селмани, претседателот на ЗНМ, е платеник на Европската унија и зема провизија од рестораните за ручеците на кои ги носи уредниците и новинарите. На платен список бил и на ДУИ. Договорил ако го протурка Законот за клеветата, Владата да му даде амбасадорско место. Тоа ќе му го средела вицепремиерката Теута Арифи со Аиво Орав, првиот човек на ЕУ во Македонија. Пари примил од сите, а плата од весникот во кој е постојано вработен. Овие приходи не му се пријавени во УЈП, затаил данок, има и вонбрачно дете за кое не плаќа алиментација.

Зоран Андоновски, „Дневник“, 15.06.12.

„Grujos premierus“, се одликува со криење од јавност, бегање од дуели и редовно доцнење на сите настани. (...) Снима спотови за келнери кои доцнат, а тој доцни најмалку 30 минути на секоја средба. На ист човек, ем прием за освоена награда му прави, ем по весници го млати. Стопанствениците ги цеди до последниот денар, а како антикризна мерка ги лустрира. Заборава колку време бил на власт, не се сеќава на фабриките и компаниите што ги приватизирал. Не потпишал ниту една контроверзна одлука, а кога се дебатира за клучни теми, или доцни, или е отсутен. Од најмала возраст сака да е статист, и затоа успеа од Македонија да направи статист во евроатланските интеграции, а желбата да се биде боксер направи од многу граѓани боксерска вреќа.

Јани Макрадули, „Плусинфо“, 13.06.12.

Претставниците на власта, која фактички му објави војна на својот народ, мораат да бидат изложени на жестока опструкција на сите места на кои се среќаваат со тој народ. Ниту во ресторан, ниту во театар, ниту на одмор, тие повеќе никаде не смеат да бидат опуштени. Доволно е пред нив да застанете и во лице гласно да им го кажете тоа што за нив навистина го мислите. Кој сака може и да плукне, но тоа е веќе работа на вкусот - такаречи, факултативна мерка. Ако пак решите нешто врз нив да фрлите - фрлете кеса со гомна, не бомба.

Бранко Тричковски, „Глобус“, 12.06.12.

Новиот бран се сведе на стар џган!

Ивор Мицковски, „Плусинфо“, 12.06.12.

Оние кои работат со мене, или се дел од мојата работа, знаат дека сум против апсење на Бранко Црвенковски поради аферата Надеж, како и неколку други слични и помалку јавно афирмирани случаи.

Драган Павловиќ Латас; „Вечер“, 04.06.12.

За жал, и во последните години, под влијание на нереализирани политички личности со сомнително минато, успеавме да влеземе во нов вител со поделбата по основа на набрзина скованата граница помеѓу т.н. антички и словенски Македонци. Kатастрофа. Полоша и поштетна политичка пропаганда во овие дваесетина години не се појавила.

Илија Димовски, „Дневник“, 05.06.12.