1010 hPa
40 %
20 °C
Скопје - Чет, 28.03.2024 10:53
Проектот „Скопје 2014“ изгледа како дете-џин да ги истурило тука своите Playmobil играчки од планетата Фантазија.
Adelheid Wölfl, DER STANDARD, 24.10.11.
Па, се разбира дека нема никаква разлика во моралниот образец помеѓу еден Нерон или Калигула, Хитлер или Сталин и Хилари, освен во перцепцијата, која е второ име за пропагандна лага. Сите тие во своето време манифестирале апсолутна слобода (лудило) во изразувањето на сопствената моќ.
Мирка Велиновска, „Нова Македонија“, 21.10.11.
Фокус: Колкава е вкупната вредност на сите тендери што „Република“ ги добила од државни институции и фирми во периодот од 2006 до денес, со оглед дека на сајтот Е-набавки нема податоци за тендерите постари од 2008, а ако добро пресметавме, во периодот по 2008 сте добиле сума од околу, 4,3 милиони евра?
Пешев: Ова е прашање за нашето сметководство и луѓето кои ги работат финансиите. Можеби е и точна сумата, не би знаел и немам намера да проверам.
Иван Пешев, сопственик на фамозната агенција „Република“, во интервју за „Фокус“; 20.10.11.
Некои од муслиманите се обидуваат да влијаат врз Калашите да ја сменат верата и им читаат одделни делови од Куранот, пренесува Ројтерс. Млад припадник на племето пред еден месец имал сообраќајна несреќа. Кога се разбудил во постела, видел 20-тина муслимани околу него кои го убедувале дека тој за време на комата го прифатил исламот и станал муслиман.
Курир го пренесува Ројтерс; 21.10.11.
Со оглед дека спомнатата личност (новинарот Борјан Јовановски) е добро позната на македонската јавност и инволвирана во низа скандали и афери, јас би се воздржал од коментар. Очигледно претходно нарачаното прашање беше во функција за подготовка на терен за следната година за повлекување на препораката, доколку до тогаш не се реши спорот за името.
Никола Груевски на пола страница „се воздржува од коментар“ со уште еден жесток напад врз новинар; „Плусинфо“, 18.10.11.
По една година или две кога ќе се соочиме со фијаското од тактиката, двете земји ќе бидат многу подалеку од решение, отколку што се сега. Ова прашање не се решава со сила, особено не на ваков начин, кога целиот притисок се става на едната страна, а на другиот скоро и да нема притисок. Нашиот народ вели: „не можат по атот, па по самарот“.
Никола Груевски најавува уште поголема тензија со Грција; „Вест“, 17.10.11.
Македонците треба, час поскоро, да не ги повторуваат Србите, да го отфрлат ова популистичко руво од себе, а нивната идеологија да ја прележат како детска болест. Да ја отфрлат вампирската, исцицувачка дпмневштина , која глуми некаков балкански ЏУЏЕСТ ПУТИНИЗАМ во Македонија.
Љубомир Д. Фрчкоски „Плусинфо“, 14.10.11.
Ако работиме макотрпно, а сме блокирани од виртуелен спор, сигурни сме дека сме вложиле не половина помалку, туку три пати повеќе во процесот на евроинтеграции. Не сме работеле со половина срце, туку со три срца.
Никола Груевски, реакција на европскиот извештај; „Плусинфо“, 12.10.11.
Опозицијата и власта си докажуваат кој е поголем комунист.
поднаслов во „Дневник“, уредуван од антикомунистичкиот „комесар“ кој прашува: „На чија страна е денес Сојузот на борците - на страната на комунизмот или на страната на Македонија?“, 10.10.2011
Со цел да се заштитат сите граѓани, а во склад со безбедносната проценка на надлежните, државата мора да ги одложи или забрани премногу ризичните настани. На тој начин се штитат граѓаните, припадниците на ЛГБТ заедницата и се превенираат последиците од насилство и можното губење човечки животи.
Борис Тадиќ, претседател на Србија, агенција Beta, 30.09.11.
Никаде на светот, а најмалку во Македонија, не постои институција што има право да го цени мојот индивидуален чин. Тоа право го има само народот. Мојот народ. Македонскиот народ!
Миленко Неделковски, off-road возач; „Публика“, 30.09.11.
„Навикнат сум да живеам во комплетно недоразбирање со мнозинството.“
Феминизмот сè уште често се смета за грд збор, а ретко се спомнуваат неговите позитивни учиноци, во корист и на мажите.
Историскиот миг во кој се наоѓаме е повторување на малоумната атмосфера во изборната година 2006.