Боли глава

Во Македонија има нагласен плурализам во медиумите, зашто работат над 100 информативни интернет-портали - oд кои 20 се национални, илјадници блогови и 600.000-700.000 корисници на Фејсбук. На овие мрежи се дискутира за различни настани, вклучително и за политичките.

Влатко Ѓорчев, пратеник, на собраниска седница; Плусинфо.мк, 05.09.11

Вечерва, уште еднаш, на плоштадот Македонија, ќе оживее духот на Александар Македонски. Фонтаната, на која воинот на коњ од 8-ми месецов па се до вечноста будно ќе бдее над својот народ, вечерва ќе биде повторно пробно пуштена во употреба.
МРТ прилог, 02.09.11.

Тие немаат храброст да напишат писмо до „Дневник“, лично да ми се обратат, море ако треба и нос да ми скршат на улица, тие не се кадарни ниту „патлак“ да измерат како доблесни мажи. Туку тие, ѓоа мивки - тужибаби, решиле, а и табак свиткале богати, па напишале писмо еееееј - до Германија! Зашто, тие така си думаат - друг ќе реши за мојата кожа и за нивната бунда. Мене да ми се скине кожата, ним да им се наконти бундата.

Зоран Димитровски, главен уредник на „Дневник“; 28.08.11.

Исто така МВР во рамки на превентивните активности започна изработка на проект со кој министерството за информатичко општество, со кој треба да биде достапна на возач да има андроид апликација која што ќе може да биде симната на мобилните телефони на возачите и која што ќе ги предупредува кога ќе се доближуваат на местото каде што има радарска контрола.

Иво Котевски, портпарол на МВР; „МРТ“, 23.08.11.

Министерството за труд и социјална политика соопшти дека согласно со Законот за празниците, 28 август (недела), Успение на Пресвета Богородица (Голема Богородица), е неработен ден за верниците од православната вероисповед во Република Македонија.

Соопштение на Министерството за труд и социјална политика;  ping.mk, 22.08.11.

Поп пејачката Каролина Гочева ќе се спушти со кран до споменикот на Александар на скопскиот Плоштад, на свеченоста на 8 Септември, по повод 20 години независност. Со тоа, дознаваме, ќе заврши официјалниот дел на прославата, и ќе почна забавата која ќе биде крунисана со отворање на споменикот, пуштање на фонтаната и со спектакуларен огномет.

вест во „Вест“, 19.08.11.