Боли глава

Љубители на предизвици

ВМРО-ДПМНЕ сака предизвици, ама, зарем мораше да го добиеме најголемиот - светската економска криза....

Никола Груевски, на промоцијата на Манифестот, 14.05.11.

16.05 2011

За тие пари (500 евра за гробно место) и Шемса Суљаковиќ ако сакам ќе ја викнам да пее на погребот и никој нема право да ми каже кој треба да го погребе мојот татко.

Монахиња на ПОА на погреб на сопствен татко им се обраќа на попречувачите на погребот; „Вест“, 13.05.11.

13.05 2011

Пусти желби...

Зголемување на економскиот раст, одржување на макроекономската стабилност и стабилноста на девизниот курс, изградба на инфраструктурни проекти, како и зголемувањето на странски и домашни инвестиции, интеграцијата во ЕУ и НАТО, како и решавање на спорот со Грција, но без загрозување на националниот идентитет, борбата против криминалот и корупцијата, реформи во судството, инвестиции во образованието и здравството, воспоставување на одржливо ниво на јавниот долг преку одржување на умерено ниво на буџетски дефицит, спроведување на активни политики за вработување...

Од Одлуката за утврдување на стратегиските приоритети на Владата во 2012 година; Утрински весник, 13.05.11.

13.05 2011

Списоците или мотивите?

Слични списоци имало на сите досегашни избори, но за волја на вистината никој немал таков политички мотив како телевизиската партија со газда зад решетки, која влезе во чевлите на опозициската СДСМ за да ја истера аферата „до крај“.

Зоран Димитровски, главен и одговорен уредник на Дневник, 10.05.2011

11.05 2011

Ах, таа А1

А1 не е телевизија. А1 е политичка партија во коалиција со СДСМ, А1 учествува со кандидати со пратеници на листите на СДСМ. Затоа А1 со ниска вулгарна и безобразна пропаганда мора да си ја одработи улогата што ја има добиено од Бранко Црвенковски. Жалиме што луѓето што се претставуваат како новинари, всушност, ја злоупотребуваат новинарската титула, всушност, тие се партиски активисти.

Александар Бичиклиски, портпарол на ВМРО-ДПМНЕ; Утрински весник, 10.05.11.

10.05 2011

Не признавам

Не го признавам овој закон за „лустери“, го признавам само судот на мојата партија и законите на СФРЈ и СРМ.

Слободан Угриновски, претседател на Титови леви сили; „Шпиц“, 07.05.11.

09.05 2011

Багрем не, палма да

Зарем сакате багреми да посадиме?! Палмите асоцираат на море, на плажа.
Коце Трајановски, најсрамниот градоначалник во историјата на Скопје!; „Утрински весник“, 28.04.11.

30.04 2011

Добра канта

Добра е кантата.

Зоран Ставрески, вицепремиер; А1 ТВ, 29.04.11.
Овој човек е веројатно е еден од ретките, ако не и првиот Македонец кој ја имал честа неговата нова канта за ѓубре во дворот да му ја пуштаат во употреба министри, градоначалници и директори.
Најпрво вицепремиерот Ставревски ја потчукна кантата од грчкиот производител за да види дали е квалитетна.
„Добра е кантата“, рече Ставревски.

29.04 2011

Помош за Бранко

Независно дали се дава гласот за ВМРО Народна, дали се дава гласот за ОМ или за некоја друга од помалите партии, индиректно на тој начин му се помага на Бранко Црвенковски, што со тој глас не се поддржува ВМРО-ДПМНЕ.

Никола Груевски, премиер на Р. Македонија, А1, 27.04.11.

29.04 2011

Постаро и поново Скопје

Со ова централното градско подрачје ќе добие нов лик, еден класичен лик, еден лик на старо Скопје, што ќе значи нов имиџ на градот Скопје.

Коце Трајановски, градоначалник, „Кајгана“, 27.04.11.

28.04 2011

Прецизно на крај

Кога ќе заврши изградбата, ќе ја знаеме точната цена на патеката.

Миле Јанакиески, министер; „Вест“, 23.04.11.

27.04 2011

Нашата намера е да ја воскреснеме Македонија.

Љубе Бошковски; А1 ТВ, 25.04.11

25.04 2011

Квантитетот во квалитет

Ако во минатото суштината беше како да го подигнеме квантитетот во смисла на учеството на граѓаните во образовниот процес, (...) од овој момент главната битка ќе се води за квалитетот на образованието.

Александар Спасеновски, пратеник на ВМРО ДПМНЕ; „Шпиц“, 22.04.11.