Боли глава

Мисирков не треба да се помести. Груевски е тој што треба да се премести, бидејќи е изместен во мозокот.

Слободан Угриновски, претседател на партијата Титови леви сили, протестира против поместувањето на споменикот на Мисирков; „Шпиц“, 24.11.10.

Иако Скопје продолжува да лае, јас два пати ја пружам раката на пријателството.

Димитрис Друцас, грчки министер за надворешни работи; „Дневник“, 23.11.10.

Но ние долго памтиме за да не би знаеле дека и кога би постоеле вонземјани кои праќаат енергија преку некој, нас овде таа среќа не би нè зафатила, бидејќи нам ништо не ни се подарува. Од нас само се зема од памтивек. Ни ги одземаат и си ги присвојуваат природните богатства од расните коњи до расните пци, од уметничките дела до вкусните босански јадења. Ни ги одземаат и за своите потреби ги натурализираат човечките таленти од врвните интелектуалци до врвните спортисти.

Мустафа Цериќ, босанскиот реис-ул-улема; Sarajevo-x.com, 16.11.10.

Инаку, по втор пат во помалку од еден месец премиерот престојува во најелитниот белгиски хотел - „Конрад“.Цените кои ни ги соопштија на рецепцијата на хотелот се движат од 800 до 4.500 евра по соба.Од македонската делегација сè уште немаме информација колку троши Владата при секоја посета на Брисел, само за ноќевањата.

Тања Милевска, дописник на А1 ТВ, 16.11.10.

ВМРО-клеветничка обвинува дека „Најмалку 310 илјади евра за оваа година им се дадени на пет новинари што ја формираа ГЕМ, кој држи трибини низ Македонија и јавно се залага за промена на името на државата.“ Како се конструира „големата лага“ со гебелсовски методи? Во една клеветничка реченица - четири лаги. Иницијатори на „Граѓани за европска Македонија“ не се петмина, туку шестмина. Повеќето не се новинари, туку колумнисти (еден е уредник, еден е блогер). Учеството на трибините е волонтерски граѓански активизам. Граѓани за европска Македонија не се за промена на уставното име, туку за замена на привремената референца „Поранешна Југословенска Република Македонија“...

Жарко Трајаноски, „Дневник“, 10.11.10.

-Имаше соработници на СДБ во раководството на овие партии и се уште има. Но, уште пострашно е што во нивните раководства има соработници на странските служби. За мене тоа е многу поголем проблем од процесот на лустрација. Македонија е издупчена од 15 големи разузнавачки служби.

-Па, каде е нашето МВР? Контраразузнавањето?

- Ги нема професионалците. Ставени се на маргините. На цена се лепачите на плакати. Јас не велам да не ги вработуваат и нив. Ама нека ги сместат во „Паркови и зеленило“, во „Водовод“, а не на вакви чувствителни места.

Иван Бабамовски, поранешен начелник на УДБА, во интервју за „Време“, 04.11.10.