Боли глава

Нашата држава боледува од сиромаштија и невработеност. Го допревме дното.
Никола Груевски, премиер, на 2 август 2009 година, на иселеничката средба во Трново

Од сите нив, некако најмногу ми легна Орхан Памук, инаку најголем турски писател по Иво Андриќ.

Алекс Букарски во колумна во „Дневник“

Власта го спроведува Рамковниот договор со дигната рачна кочница.

Љубомир Фрчкоски во вестите на А1 ТВ, 14.08.09

Неспорно стекнав одредено искуство работејќи во секс индустријата. Имам предвид дека од секогаш сум се интересирала за сексот. Мислам цел живот. Им благодарам на родителите поради тоа.

Фиона Патен, претседателка на Секс партијата, цела година се бореше за официјално регистрирање на партијата од страна на австралиските власти

Министрите во Владата, претседателот на државата никогаш, вака како што е уредено, не можат да допрат до граѓаните што не го разбираат течно македонскиот јазик, а тоа се 80 отсто од Албанците. Замислете каков хендикеп е тоа, прво за граѓаните што не разбираат што зборува нивниот премиер, а хендикеп е и за премиерот или претседателот, кои не успеваат своите политички ставови да ги кажат директно до граѓаните.

Имер Селмани, Дневник, 04.09.2009

Зошто да дебатираме за рецесија, за името и за ММФ кога е подобро да го срушиме Дарвин, да го викнеме Александар Македонски на помош, кој веќе има роднини во Скопје. Сето тоа ќе се докаже само за неколку месеци кога со целиот свој сјај ќе излезат на виделина спомениците на Градскиот плоштад, кога ќе почнат да рикаат лавовите пред мостот Гоце Делчев, новите згради на стариот театар, музеите на восочни фигури, на жртвите од комунизмот, новата арена „Филип Втори“. Сето тоа ќе биде најграндиозниот споменик на македонскиот примитивизам во првата декада од 21 век.

(...)
Уште неколку децении сиромаштија е цената на македонската антиквизација што ќе мора да ја платиме сите. Толку чинат два-три мандати на оваа власт.

Ерол Ризаов, во колумна во „Утрински весник“, 31.07.09