Боли глава

Кога Грција се прошири на север, државата почна да прави националистички реформи и почнаа да зборуваат дека и античките Македонци се дел од тој грчки свет. Според таа логика, Александар и Филип биле промотори на грчката култура. Тоа е веќе аксиома во Грција. Тие не учат како настанувале современите нации, како се формирале јазиците, новите колективитети по пропаста на феудализмот како што прават образовни системи во други држави.

Павле Васкопулос, во „Дневник“, 27. 04. 09

И на­ши­от гла­вен град и фран­цус­ка­та мет­ро­по­ла има­ат мно­гу за­ед­нич­ки ра­бо­ти. На при­мер, во Па­риз те­че ре­ка­та Се­на, а во Скоп­је Вар­дар.

Коце Тра­ја­нов­ски, гра­до­на­чал­ни­к на Скопје

Сите стари дрвја на Илинденска, околу триесетина, се исечени и тоа е.

Мичо Поповски, потпретседател на комитетот за урбанизам на град Скопје

Нема да бидат заложници 500.000 граѓани на Скопје заради некои таму што сакаат или не сакаат.

Коце Трајановски, градоначалник на Скопје, по повод сечењето дрвја на Илинденска.

Фала ви, фала на сите, зашто дојдовте од сите пет континенти, од четирите страни на светот, со подигнати три прста!

Срѓан Среќковиќ, српски министер за дијспора, на конференцијата на младите лидери од дијаспората во Белград, 9 јули 2009

Ние сме Гуливер! Т.е. Александар Македонски! А вие сте Лилипутанците што не’ развлекуваат и грицкаат ко мравки закопан шериф во пустина. Абе, у око ни лазите! Сте не’ имобилизирале, име сте ни земале, и нашето големо македонско тело им го даовте на грчките мравки, за неколкумилениумска зимница, да имаат што да сонуваат ем кркаат... Ебате западњаците!

Фиктивниот Ацо Станковски му беседи на фиктивниот Гистав Курбе во колумна на Пандалф Вулкански во Утрински весник, 13.07.09.