Боли глава

Кога во 2013 можеа да влечат гласачки кутии по тротоари и да исклучуваат лифтови и по цена на жртви, не гледам зошто претставници на иста власт не би расипувала камиони, не би го затрупала градот со ѓубре и по цена на болести и не би местела дебати. Се разбира, ова е само дел од она за што се способни.

Офелија Димковска, Фејсбук, 31.10.25.

Од речиси спастрена државичка при распадот на Југославија, во предност пред Хрватска, Албанија и Бугарија (сите се спастрија во меѓувреме) - ние денес се распаѓаме.
До степен што денес во однос на нашите европски соседи, каскаме во сите битни прашања, од образование до здравство, од животна средина до економија, негде меѓу 50 и 100 години.
Држиме убедливо најнизок стандард, имаме 4-5 помал БДП пер капита од Словенија или Хрватска.
Паднавме толку ниско, што базични комунални и јавни услуги за нас се луксуз.
Немаме чист воздух и почва, најзагадена европска земја сме, која апсурдно е и најголем загадувач на Егејското море, без да имаме излез на море.
И конечно, заради инатот и тесните интереси на партиите и нивната наркоманска зависност од крадење буџет, дојдовме до степен на нечистотија што ни се заканува со тифус, колера или бубонска чума.
Важно создадовме илјадници милионери кои си ги изнесоа парите, немаме независни институции или опозиција, ама редовно славиме национални празници со свечена академија.

Ивор Мицковски, Фејсбук, 23.10.25.

Ако идејата е дека ВМРО не се криви, ок, тугај сепак останува дека се одговорни, шо значи дека пак не треба да гласаш за нив.
Ако идејата е дека немат ни одговорност за целата ситуација, иако се на власт, тугај зашо би ги гласал ако немат одговорност дури ни коа се на власт?
Значи маабето не е ни да гласаш за некој друг у Кочани, не ти викам за кој да гласаш.
Туку можело и да не гласаш. Можело да седеш дома. Можело да нацрташ уметничко дело на ливчето.
Ама гласал си. И тоа од сите опции, па за ВМРО.
Сигурно не ве плаќат? Или мош ве плаќат? Ако ве плаќат барем некако ќе може да се сфане.
Пробувам да си објаснам човечки и да разберам шо е финтата.
Мош Кочани е ептен развиен и лансирате спејс шатли овие години па не сум приметил? Па те затоа и покрај толкава хаварија па сте гласале за ВМРО... оти постигнале некој сразмерно голем успех?
Значи ќе ги замолам кочанските Вмровци и Вмровки да остават коментар и да елаборират која е логиката?
Оти тоа му доваѓа како на пример, утре СДСМ да се на власт у Штип, да направиле брана, да ја рокнат браната и да се издаве пола Штип, па уште да пробуват да си ги поштедат нивните, и ја па за СДСМ да гласам. Значи треба да сум шекнат?

Душан Стојчев, 20.10.25.

Наместо да учи, да работи, да се развива, да гледа да направи пари или да ебе нешто, да се забавува, да чита книги, да развива вештини, да спортува, да има некое хоби... просто да ИСЧЕКОРИ над средината, да НАДМИНЕ, да направи ПОДВИГ, да СОЗДАДЕ НЕШТО НОВО, тоа се затвара по партиски штабови, слуша упатства и спроведува наредби, оговара, шпионира, кодоши, се улизува, се слика како бот со уште 20-30 ботови наредени позади некој функционер како аптекарски шишиња, како племе со поглавар, повтара пароли, се пењави, просто деволуира во послушник, да биде пион во некоја секта, да ствара раздор, да се конформира, да си го затвори мозокот во кутија, да мисли на шини...

Наместо да го развива потенцијалот како самостоен човек, наместо да гледа како да придонесе нешто за заедницата, тоа се бута во партиски штаб, праи табели и оговара. Како саксии полиени со нафта ми се. Гледаш младо, здраво стебло, и глеаш почнало да се суши оти се насадило во отровот. Па толку ли бил потенцијалот?!

А бе оди расти! Оди свири гитара, земи цртај нешто, спортувај, фати заработувај на крај краева! Патувај! Скитај! Стварај! Што бараш во ШТАБ?

Мислам дека нема поочигледен индикатор за културен застој и економска уназаденост од овие млади што, од сите можни работи кои можат да ги прават, се пикаат во партии. Во која просперитетна земја има олку 20-годишни благонадежни штапски пацери? Греота.

Душан Стојчев, Фејсбук, 07.10.25.

Дали сите вртиме телефони кога ќе бидеме притиснати до ѕид? Особено кога се работи за живот или смрт, за здравје, за итна услуга? Дали вртиме на сите што ги знаеме и не знаеме? Се разбира.

Ќе излаже секој кој ќе каже - јас никогаш не сум завртел телефон!

Зошто? Затоа што државата не ти остава друг избор. Затоа што треба да вртиш, да кумиш и да молиш за да добиеш услуга што ТИ СЛЕДУВА!

И уште кога ќе ти ја испорачаат, пазете сега - кога ќе ја добиете услугата што сте ја платиле и ви следува - треба да сте благодарни! Па уште ќе ти речат - аааа ајде ќе частиш сега, ти завршив работа…

Ма немој!? Ти си ми завршил работа?!

Катарина Синадиновска, солуција.мк, 26.09.25.

У принцип македонскиот карактер е антинаучен, антипроцедурален, антипромислен, антиподобрувачки, антирешавачки. Накусо: антиразвоен, антиработлив и антидобробитен.

Ако може просто да егзистираме, те така, со нула труд и максимум лезет и чешање стомак - супер. Дај му на македончето со ништо да не се замара, за ништо да не мисли, ништо да не прави и да се ослони на „природните текови“ - и оно ужива на максимум.

Јакото е шо нема ни да му е криво ако некои природни текови утре комплетно го удават и комплетно го снема. Македончето тоа го сфаќа како природно, „така требало“, „така сакал Господ“ и слично. Анти-иницијативност скроз. Како амеба шо овде е просто фрлена да ужива некој период и никој да не ѝ пречи во амебувањето. Ако изумреме, јбг изумреле и диносаурусите, битно јади пиј сери. Во меѓувреме, шо ти треба повеќе.

Статистиките постојат за да се попунуваат прилозите на вести, не за да се утврди некаква ситуација и да се смисли план и да се преземе акција за да се реши некаков проблем.

Сите са свесни кое дрво утре каде ќе падне и кого ќе утепа, која шахта ќе пропадне, кој мост ќе се сруши, кој пат колку е опасен и точно каде, која ќерамида ќе падне... и цело време маабетот е „не дај боже да се деси тоа“, а у меѓувреме никој не прави ништо за било шо.

Тогаш, некој ден, шахтата пропаѓа, патот убива по некое семејство, ќерамидата убива некој дедо, дрвото гмечи некое дете... и никому ништо. После се коментира друг проблем или дефект за кој сите се свесни а на никој, особено не на одговорните, не му текнува да го реши.

И сѐ така. По природните текови. Како животни шо никогаш не се освестиле дека се луѓе. Збирај желади зимото у дувлото и пази како скокаш преку гранката, може да паднеш у реката па да се удавиш! Верверички!

Душан Стојчев, Фејсбук, 23.09.25.