Боли глава

Се збудалевме, а со тоа ги збудалевме и граѓаните

Мислам дека како новинари, посебно ние кои информираме на дневна основа, во оваа „вакцинална војна“ исправени сме пред еден од најголемите предизвици – како да информираш, а да не создадеш паника, како да пишеш нешто, кога пред само 20 минути си објавил нешто дијаметрално спротивно, како да известуваш објективно при толку различни информации?

Сакаш да знаеш дали АстраЗенека е безбедна? Ако сакаш позитивен одговор, отвори британски медиум. Ако сакаш негативен, отвори германски. Ако сакаш да се збудалиш, гуглај, па отворај ги сите. Ако сакаш да се здрвиш од страв, напиши „deaths from vaccines”.

Ние се збудалевме, и признавам дека со тоа ги збудалевме и граѓаните.

Мери Јордановска, Окно, 02.04.21.

нема
02.04 13:24
Вакцини и хермелини

Ако немаат вакцини, нека се боцкаат со хермелини.
М. Антоанета

Владимир Лукаш, Фејсбук, 29.03.21.

нема
29.03 10:45
Хуманитарна помош од Србија

Ова што Србија го прави за земјите од регионот е класична хуманитарна помош. Ни нашите влади ни ЕУ не успеваат да спроведат соодветни мерки за заштита на животот на луѓето во Западен Балкан. Тоа го прави Србија, и го прави многу добро!

Од срце се заблагодарувам за оваа солидарност, која ја сведочиме деновиве, и со која се спасуваат илјадници животи!

Биљана Гинова, Фејсбук, 28.03.21.

нема
28.03 21:46
Барем нека одмолчи, нека признае дека е утната работата

Власта ќе си тера партиски избори, премиерот ќе шета по пазари, вицепремиерот ќе пребројува Албанци низ светот, министерот за надворешни работи ќе лобира за признавање на Косово, опозицијата од партиите на Албанците ќе го блокира Собранието за да обезбеди државјанство со сведоци, ВМРО-ДПМНЕ ќе го блокира Собранието за инает, министерот за здравство ќе одбележува годишнина од асфалтирањето на Клиничкиот центар, а премиерот Заев ќе ги теши сограѓаните дека е предност што последни сме добиле вакцини.

Барем нека одмолчи, нека признае дека е утната работата, како што признаваат и европските лидери. Не можеш да им укажеш на таа предност на оние што плачат на гробовите. Немилосрдно е.

Горан Михајловски, СКД, 26.03.21.

нема
27.03 19:43
Захариева не може да каже дека „наследила“ важечки билатерален договор

Захариева (чие потекло е од Пазарџик кој, патем, до 1934 година официјално се викаше Татар Пазарџик, бидејќи е основан во 15 век од Татарите, на левиот брег на реката Марица) е на чело на бугарската дипломатија неколку месеци пред потпишувањето на бугарско-македонскиот Договор за пријателство, добрососедство и соработка на почетокот од август 2017 година. Таа не може да каже дека „наследила“ важечки билатерален договор меѓу две земји што бил лошо составен или со чија содржина и намери лично не се согласува(ла).

А, сепак, само неколку години по неговото потпишување, Захариева сега бара негово менување, дополнување, дообјаснување… Со текот на времето, аргументите за тоа Захариева ги „штелуваше“ неконзистентно и често сензационалистички, а неколку од тие недипломатски и не многу интелигентни бравури ќе останат за паметење (оние вињети за Тито, за Југославија, за фашизмот и сл. имаат трајна хумористична вредност).

Сашо Орданоски, Слободен печат, 24.03.21.

нема
24.03 10:08
Што можеме да направиме за да не ни се лутите дека постоиме?

Мачно ми е ова понижување што ни го прави нашава политичка елита кога станува збор за однесувањето кон Бугарија. Знаете како ми изгледаат? Како некој што седи спроти соговорникот, крши прсти и се туфка – еве, кажете ни што можеме да направиме за да не ни се лутите дека постоиме. Од каде потребата постојано ние нешто да се правдаме, па да нудиме, како да сме виновни за нешто? Цело време како ние да сме кабает, па треба нешто да попуштиме. Како да им должиме нешто на Бугарите, па треба да им вратиме. И да внимаваме со изјавите, да газиме по јајца, да не случајно се навреди Екатерина Захариева.

Море, ај престанете со тоа подлизурковство. Не гледате ли дека колку што сме ние повнимателни, тие уште повеќе на глава ни се качуваат.

Горан Михајловски, СДК, 05.03.21.

нема
19.03 22:29
Во Македонија се создава посебна субкултура на лажење

Лажењето не е само нормално, туку е и посакувано, се цени, се наградува, поттикнува, се негува и се развива.
Лажат политичарите. Лажат функционерите. Лажат судиите и јавните обвинители. Лаже администрацијата. Лажат професорите и наставниците.

Се лаже на пазар, во продавница, на улица, во училиште.

Лажен идентитет, лажен мермер, лажен барок, лажни величини.

Мирјана Најчевска, Окно, 16.03.21.

нема
17.03 09:33
Клиентелизмот ќе го снема кога ќе бидат сите во власта

Кога сме двете страни внатре во Владата, нема СДСМ и ВМРО да ја партизираат администрацијата. Да, ќе се вработуваат и од СДСМ и од ВМРО-ДПМНЕ, но кој ќе победи на конкурсот како најдобар, по критериум, по нормативи. Клиентелизмот во судството и јавната администрација ќе го снема кога ќе бидат сите во власта. На кој ќе изиграваат клиенти, на кого ќе гледаат да му угодат кога сите се внатре.

Зоран Заев, СДК, 12.03.21.

нема
15.03 09:43
Светот како пепељара

Прееска, возејќи точак, ми пролета еден пикавец, фрлен од зградата крај која минував. За малку ќе ме погодеше.

Некои луѓе го разбираат светот/градот/околината како една голема пепељара.

Костадин Шурбановски, Фејсбук, 04.03.21.

нема
12.03 16:32
Чаршијата не личи на ништо

На ивица на Старата Чаршија, до Дом на Занаетчии направиле див паркинг, абе не див, најдив на светот и си стојат батенца, си наплаќаат.

Менада си е претворена во грда слаткарница на три спрата, а на аголот до неа пршти донер.

Колективни молитви со преку 100 луѓе пред Џамија.
Важно муралот на албанското СК 2014 си стои и Скендербег е на дупли пиедестал.

Чаршијата не личи на ништо, секој пат кога ќе помине човек таа е поруинирана и џамахирисана.

Ќе ја правеа, ќе ја униформираа, тоа се гради насекаде, руина насекаде, општа депонија и хаос.

И Црквата во обид на Калето уште стои, чисто да ве потсетам.

Ивор Мицковски, Фејсбук, 04.03.21.

нема
10.03 12:52
8 Март не е ден на мајките

8 Март не е ден на мајките. 8 Март не е ден само на оние жени кои ја испишале својата животна бајка врз темелите на среќни семејства. Денес е ден на самохраните мајки, на слободните жени, на оние кои ги нарекувате стари моми, на вдовиците, на лезбејките. Оние жени кои ќе ви го покажат вистинското лице на митот за „жените кои се реализирале успешно и на приватен и на професионален план“. Оние самохрани мајки кои со денови молат низ фејсбук групи за врски за да ги запишат своите деца во градинка како би можеле да почнат да си бараат вработување. Оние кои ги гледате или со сожалување небаре се фалични, или со гадење небаре се чудовишта. Оние кои ги натоваривте со срам и себепрезир. Слушнете ги, барем денес, нив наместо успешните челични дами. Барем денес.

Ирена Цветковиќ, Окно, 08.03.18.

08.03 11:47
Браво за Македонците од Софија

„45.000 Македонци живеат на иста адреса во Софија.“

Браво. Мие 30 душе у иста зграда, ќе се изедемо меѓу себе.

Дружевски, Твитер, 04.03.21.

нема
05.03 12:21
Продавам поволно стан во Софија, целосно опремен, од 45000 квадратни Македонци

Продавам поволно стан во Софија, целосно опремен, од 45000 квадратни Македонци.

Цена: 3 евра по квадратен Македонец.

Цената е фиксирана.

Контакт: Името@македонијавечна.орг

Лазар Попов, Фејсбук, 04.03.21.

нема
04.03 20:58
Раритетниот примерок на хомо-сапиенс

Денес при фрлањето на ѓубрето налетав на едно чиче што се моташе околу контејнерите за селектиран отпад. Прво помислив дека е еден од оние ликови што секојдневно ги среќаваме на овие позиции. Но, набргу сконтав дека, напротив, чичево ги собира отпадоците околу еко-контејнерите и ги враќа на своето место, во соодветниот контејнер.

Всушност, го правеше она што и јас многу пати сум помислил дека треба да се направи, минута работа, ама ете, никад не сум се „осмелил“ (а целата акција трае многу пократко од пишувањето на овој статус).

Ми се извини дека во еден момент ми го попречи патот до жолтиот контејнер. Носеше ќеса со стаклени шишиња што очигледно требаше на крајот да завршат во зелениот контејнер. Беше толку ревносен што дури ги собираше срчите околу контејнерот за стакло кои се потенцијална опасност за децата, животните, минувачите, точаците...
У брзање, а и малку шокиран, па и засрамен, од ситуацијата, не успеав ни да изреагирам ко шо треба, да гукнам барем збор-два, да го пофалам, да го охрабрам, било што. А ми го направи денот. Ми врати, барем за миг, трошка од комплетно потонатата надеж и верба во човештвото.

Размислувајќи подоцна за необичната случка заклучив дека сум имал исклучително ретка средба со раритетен примерок на хомо-сапиенс што пројавува интерес и грижа за јавниот простор.

Костадин Шурбановски, Фејсбук, 02.03.21.

нема
03.03 17:42

Препорачуваме

Циркус Балкански

„Ми требаа 10 години за да соберам храброст да ги прашам дали смеам да ги фотографирам.“

Размислување за човековата слобода

Како тројца затвореници со прицврстени дискови на грбот со помош на логиката можат да излезат од затвор.

Ранко Дакиќ: Уметникот треба сам да се остварува - тоа е негова борба и избор

Ексклузивно интервју со Ранко Дакиќ, сликар и скулптор кој 34 години живее и работи во Берлин.

ОкоБоли главаВицФото