Боли глава

Кој е крив

Експоненцијалната
е крива!!!

Трајко Џиков, Фејсбук, 23.03.20.

нема
07.04 11:00
Не нè чека молзење крави и хранење стока!

Ало, вие кои решавате за слободното време на возрасните од 5-11 часот:
Не заборавајте дека ова ограничување реферира на луѓе кои не живеат на село и не ги чека молзење крави и хранење стока!

Белки кога ќе остарете ќе ги сфатите ваквите одлуки!

Соња Абаџиева, Фејсбук, 31.03.20.

нема
01.04 11:35
Ко дома

Мене карантинот ми е ко дома.

Ѓоко Здравески, Фејсбук, 17.03.20.

нема
31.03 15:14
Извонредна состојба

Се надевам дека некогаш ќе биде прогласена извонредна состојба.

Владимир Лукаш, Фејсбук, 18.03.20.

нема
29.03 10:39
Термините за полициски час се непромислени

Термините за полициски час се тотално од ракав извадени. Непромислени ни за кратко. Мора да има начин како луѓето да можат да излезат на прошетка и дење и приквечер во групи не поголеми од две лица.

Од сите стручни лица, и домашни и странски, е препорачана прошетка и вежбање на отворено, особено кога времето е сончево.

На предложениот начин не се постигнува ништо корисно (не е воопшто објаснето како е дојдено до овие термини и која е логиката зад оваа одлука), освен многу фрустрација и многу поголем проток на луѓе во дозволените термини.

Во кризава ја видовме способноста на едни, ама исто така и непромисленоста на други. Се надевам првите ќе преовладеат, за доброто на сите.

Биљана Гинова, Фејсбук, 25.03.20.

нема
26.03 21:46
ДалеCOVID

Дали некој што ја предвидел пандемијава е далеCOVID?

Тања Аждаја, 19.03.20.

нема
25.03 20:17
Па без пиво останавме

Врти сучи па без пиво после 21 часот останавме.

Филип Херин, Фејсбук, 23.03.20.

нема
24.03 16:35
Претходното ВМРО ми делуваше далеку понормално од ова

Искрено кажано, претходното ВМРО ми делуваше далеку понормално од ова. А они сами за себе викаа дека се лудаци.

Срѓан Јаниќиевиќ, 19.03.20.

нема
23.03 21:18
За ефектите на коронавирусот врз нашата економија

Околу ефектите на коронавирусот врз нашата економија, вчера излезе првата проценка на овие ефекти, од страна на Виенскиот институт за меѓународни економски студии, инаку специјализиран за регионот на Источна Европа. Тие прогнозираат дека растот на нашиот БДП за 2020 година со коронавирусот ќе биде 1,7%, наместо претходно очекуваните 3,3%. Тоа значи дека штетите од вирусот се проценуваат на 1,6% од БДП, односно, околу 180 милиони евра.

Институтот претпоставува дека кризата ќе се стави под контрола до средината на годината и нотира дека доколку кризата се пролонгира, ефектите би биле поизразени, па сепак, во овој момент барем, катаклизмичните прогнози дека штетите ќе бидат 500-700 милиони евра делуваат неосновани и не прават никакво добро.

Бранимир Јовановиќ, 18.03.20.

нема
21.03 16:20
Ние сме многу стигматизирачки народ

Старец, дете, шири зараза, комуњар, небањат, сидаш, педер, вози скејт, тоа педерите со точацине во хеланки, вратете се од кај што сте дошле да ви ебам гастарбајтерите, Кинези маму ли им ебем, ха ха носи маска, не носи маска идиот, Таљани да им ебам све, музика ќе постираш светот се распаѓа, имате пари за скијање, нек ви цркне бизнисот богаташи итн.

Разбирам дека има бес во ваква состојба, но дали ќе смениме нешто со ваква стигматизација?

Мора да најдеме нов јазик на обраќање. Овој не работи. Загадува и е вирален. Мора да измислиме јазик на солидарност. Јазик кој ќе ја пренесува пораката.

П. С.
Само што слушнав дека на AirBnb не можете стан да најдете. Знаете зошто? Многу од луѓето кои се вратиле од странство изнајмиле станови и НЕ СЕ ВРАТИЛЕ ДОМА. Се ставиле во самоизолација за да не ги заразат најблиските.

За вакви примери никој не пишува.

Срѓан Јаниќиевиќ, Фејсбук, 20.03.20.

нема
20.03 15:11
Ве молам да не ме гушкате при поздравување

Ве молам да не ме гушкате
при поздравување
- до скоро оздравување.

Ана Голејшка Џикова, Фејсбук, 05.02.20.

нема
19.03 11:46
Пантомимеиро

Португалците го имаат зборот „pantomimeiro“. Доаѓа од зборот пантомима, но значи човек што измамува други луѓе со своите лаги и пантомими. Е тој збор ми недостасува во нашиот јазик. Преглумен преварант. Фејкувана плачипичка. Така некако. Зол палјачо.

Дејан Тиаго Станковиќ, Фејсбук, 15.03.20.

нема
17.03 14:31
Оддалечен од себе

Си седам по дома метро и пол оддалечен од себе.

Фејсбук, 14.03.20.

нема
16.03 11:27
„Интелектот е песимизам, Волјата е оптимизам“

Еден од најбистрите апенински умови, Антонио Грамши, му ја оставил на човештвото мислата дека „Интелектот е песимизам, Волјата е оптимизам“. Грамши, од „изолацијата“ на ќелијата од која никогаш нема да излезе жив, притворен и угнетен од режимот на Мусолини, се обиде да го подучи светот дека треба да ги користиме интелектот и својата мисла, но ако ги оставиме без Волја, лесно може да заталкаме во Песимизам. Секоја криза е можност посилни и пожилави да ги надминеме искушенијата, а клуч во таа борба е Волјата која го раѓа Оптимизмот. Со потсетувањето на Грамши, во деновите на нашите пандемиски искушенија, нашата волја да ја преточиме во Оптимизам и да ја насочиме во:

-поедноставување на своите животи

-засилување на нашата поврзаност со луѓето околу нас

-истрајност во барање на вистината во морето лаги и дезинформации

-бирање љубов, наместо страв

-споделување на она што го имаме и помагање на најранливите.

Сеад Џигал, Фејсбук, 13,.03.20.

13.03 18:40

Препорачуваме

Држење диета е глумење организам

Не верувам дека симит погачата ќе преживее ко концепт, ако сакаш наречи ме и песимит.

Фотографии по  експлозијата во Бејрут

Во разорната експлозија во Бејрут загинаа стотици луѓе; стотици се исчезнати, а над 4.000 луѓе се ранети.

Бетовенхале во Бон и Универзална во Скопје – паралели и идеи

На „општеството на концерните“ може да му се спротивстави само „општеството на граѓаните“. 

Дали се исплаќа да се дипломира?

Истражување за шансите за вработување на младите после дипломирањето во неколку земји од Европската унија.

ОкоБоли главаВицФото