Боли глава

Кој ќе го спроведува ветингот?!

Судски совет „се распадна” кога на дневен ред дојде да се дискутира за одговорност за апелациски судија кој развлекуваше постапка против политички моќник. Очигледен е партискиот отпечаток во работата на судскиот совет.

Ако партиите имаат значително влијание врз судството, како ветинг којшто тие ќе го пропишат може да го реши проблемот со судството?!

Напротив, оној што има дадено предлог закон за ветинг има намера да воспостави уште поголема контрола врз судството. Просто ко пасуљ.

Миша Поповиќ, Фејсбук, 06.06.23.

нема
07.06 14:46
На секое раководно место мора да биде поставен поглуп од министерот

На секое раководно место мора да биде поставен поглуп, понеспособен и понепрофесионален кадар од министерот. Ова станува сè потешка задача зашто за министри доаѓаат најглупите, најнеспособните и најнепрофесионалните кадри кои може да се ископаат од тињата во државата.

Недостатокот ќе биде надоместен со кадри кои доаѓаат од свежо отворените факултети за штанцање дипломи.

Мирјана Најчевска, Фејсбук, 05.06.23.

нема
05.06 19:04
Адам од Говрлево

Нивото на цивилизациски развој на 95% од народов е = Адам од Говрлево.

Искра Спарк, Фејсбук, 01.06.23.

нема
02.06 18:12
Вести од Европскиот блок

Холандија замрзна проект со Судскиот совет, за нив тоа е „нелигитимно тело“.

Амбасадорот вели гледа корупција, клиентелизам, трговија со влијание, притисок врз невладиниот сектор…

Или, со други зборови, „само уште една тешка одлука и готово - ние сме Европа“.

Море, Европа и пол… Накај две.

Катарина Синадиновска, Фејсбук, 28.05.23.

нема
29.05 06:36
Знаете што е најголемиот пораз за оваа држава?

Знаете ли, бе, што е најголемиот пораз, срам и унижение за оваа држава, овој народ и цела една нација? Се крие во реченицата на универзитетскиот професор по политички студии од универзитетот Синсинати во САД, по баба кукушанецот, Бугаринот Иван Динев Иванов, кој на дебата на една национална телевизија со еден наш познат политички аналитичар му го кажа следниот статистички податок:

„По распадот на комунистичкиот лагер во цела Источна Европа, вие (Македонија) имавте 1,8:1 повисок бруто домашен производ по глава на жител во однос на нас (Бугарија). Денес ние (Бугарија), по повеќе од триесет години имаме двојно поголем (2:1) бруто домашен производ по глава на жител од вас (Македонија)“.

За три децении на општествениот, економскиот и животностандарниот развој, нашите мили источни соседи Бугарите, не само што нè престигнале, туку и нè претркале во развојот и сега, по сите официјални светски параметри,  се двојно побогати од нас како нација/граѓани.

Благојче Атанасоски, Слободен печат / Окно, 12.05.23.

нема
24.05 18:17
Изјавата на Ковачевски е добра но многу задоцнета

Драго ми е што премиерот Ковачевски конечно, пред европската јавност, изјави дека бугарскиот „дискурс кон е Македонија сличен на тој на Русија кон Украина“.

Кога познавачите на ЕУ пред една година тоа го говореа, беа обвинети дека се хистерични, анти Европа итн. Некои беа најдрско и со груевистички (да не речам сталинистички методи) избркани од работа, но на таа тема во друга прилика.

Изјавата на Ковачевски е добра но многу задоцнета. Да имаше храброст да ја изговори пред една година, да имаше храброст да и каже на ЕУ дека процесот на промена на Уставот не се прави по нарачка и на копче бидејќи Мк е демократска држава, да имаше капацитет да предвиди дека дефилето на ЕУ политичари и функционери низ Скопје е контрапродуктивно и да имаше храброст да тргне во вистинска дебата со буквално целото општество околу францускиот предлог, земјата немаше да биде во овој европски хаос од кој ретко кој гледа демократски излез.

Дојдовме до степен кога ни избори нема да ни помогнат.

Светлана Јовановска, Фејсбук, 18.05.23.

нема
22.05 18:28
Животот на трансродовите лица не е подеднакво вреден за заштита

Пораката од институциите до мене е јасна: мојот живот и животот на трансродовите лица не е подеднакво вреден за заштита. Со законот (за матична евиденција) се овозможува да се сменат личните документи кои го засегаат само лицето кое ги поседува и институциите пред кои ги приложува. Никој не ми бара лична карта за да влезам во женско веце. И сега со М во лична карта влегувам ви женско веце и ништо од тоа што го предвидуваат противниците не се случи, не се распадна семејството, не се распадна општеството.

Трансродовите луѓе во оваа земја менуваат документи, постапки кои се провизорни и можат да траат до 10 години. Со овој закон, наместо да ни се менуваат документите со одлука на Европскиот суд за човекови права, ќе се менуваат со одлука на Управата за матична евиденција. Наместо да се менуваат за една деценија, ќе се менуваат за еден месец. За трансродовите луѓе ова значи многу, значи дека нема да изгубиме 10 години од животот кои оставаат трајни последици; значи дека ќе можеме да си најдеме работа, да не бидеме социјални случаи, да не ни страда здравјето поради стравот и анксиозноста на секое одење во банка или на граница.

За разлика од нас, овие документи ништо не им значат на останатите граѓани. До сега околу 14 трансродови луѓе ја смениле ознаката за пол и матичниот број, па ете, не дојде до тој крај на светот како што предвидуваат противниците.

Лила Митиќ, во Собранието на РСМ, 17.05.23.

нема
18.05 10:20
Во Филхармонија треба сите да се отпуштат и да се воведе реаудиција

Искрено, филхармонија беше најсветското место во Златна Македонија, културна оаза со одлична програма и одлични гости и оркестар.

Ама толку ми ја огадија филармонијата баш истите тие музичари и нивното раководство со оваа одвратна малограѓанска несолидарност, лошотија и злоба кон колегите од џез оркестарот, што нема да стапнам таму веќе, па ако сака и јо-јо ма нека дојде.

Срам да им е на сите нив.

А срам да ни е и на сите нас што допуштаме злотвори да ни ја киднапираат културната баштина.

Заради рестарт и оправање треба сите да се отпуштат и да се воведе реаудиција за секое работно место сосе директорското. но министерството за култура очигледно не е кадарно за таков рестарт.

Марина Костова, Фејсбук, 12.05.23.

нема
15.05 10:06
Субвенции за одгледување кози во урбани средини

Шетам денес низ град и гледам колку сè е зараснато и непокосено, џбуновите и дрвата неискастрени...

Со вакви градоначалници/началнички едини спас ни е министерство за земјоделие да почне да дава субвенции за одгледување кози во урбани средини.

Никола Писарев, Фејсбук, 11.05.23.

нема
12.05 15:49
Да не бидеме себични и да ја гледаме само ,,нашата" страна

Откако е почнат саемот на книга на социјалните мрежи читам колку е лошо. Немало воздух, немало попусти и избор, влезницата била покачена...

А никој не коментира дека сè е покачено освен книгите. Книгите уште се продаваат по исти цени (иако и печатењето и закупот на простор на саемот значајно се покачени).

Особено омилени ми се споредбите со саемите во Европа. И јас сакам да биде нашиот саем како во Европа, па наместо моите книги да се продаваат 300 денари (5 евра), да се продаваат за 20 евра, како што се продаваат во Европа. И јас сакам наместо пет луѓе во публика на саемска промоција да се плаќа 15 евра, колку што чинеше влезницата за моето гостување во Лајпциг.

Да не бидеме себични и да ја гледаме само ,,нашата" страна. Саемот трае уште два дена (денеска и утре), дојдете и дадете поддршка.

Петар Андоновски, Фејсбук, 09.05.23.

нема
09.05 08:34
Јас не простувам

ЈАС НЕ ПРОСТУВАМ. Јас сакам чесен суд. Јас сакам правда. Нема правда, нема мир. Мене тоа не ми значи ништо. Јас правда сакам, а мир, никогаш, ама никогаш, додека дишам, до последниот здив, е мир, мир нема да имате! За правдата ќе ви простам, но за тоа што ми го зедовте мирот не можам дури и да сакам да проштевам! Мирот ми го зедовте и мир немам, па мир не можам да ви дадам! Додека сум жив ќе живеете во немир. Помирете се со тоа. Мир нема да имате. Единствен начин да се спречи ново предавство и ново зло е да живеете обележано, во немир и страв.

Јани Бојаџи, директор на ТВ Алфа; Нова Македонија, 29.04.23.

нема
08.05 13:06
Белград не е далеку

Белград не е далеку. Имаме исти или слични вредности. Имаме исти или слични транзициски херои. Немаме извесност на казнувањето. Имаме исти пушки и пиштоли од кои пукаме на свадби, крштевки и празници. Децата ни растат со клуч од дома закачен околу вратот. Наставниците и учителите се гушат во администрација, пополнувајќи некакви бесмислени хартии. На ист начин ги тепаме жените дома. Истата корупција и истото судство е и ваму и таму. Исти ријалити програми гледаме. Не, Белград не е далеку. Белград е тука и треба да се замислими малку околу тоа.

Ѕвездан Георгиевски, Фејсбук, 04.05.23.

нема
04.05 14:36
Здружено спречија разрешување на апелациониот судија Енвер Беџети

Нема што многу да се трошат зборови и да се жалиме за состојбата во правосудството. Видовме дека во Судскиот совет, највисокото судско тело кое избира и разрешува судии, заменик-претседателот самиот си измисли процедура за разрешување на претседателката. Ај што си измисли процедура што нема врска со законот, туку доби и уште шест гласа од колегите во Советот таа процедура и да ја спроведе. По овој настан, веќе нема ни потреба од длабокоумни анализи за состојбите во правосудството, дебати за реформи и ветувања на патот за ЕУ. Нема тука ни муабет кој се меша во судските одлуки – дали СДСМ, ДУИ или ВМРО-ДПМНЕ. Сè е јасно: здружено спречија разрешување на апелациониот судија Енвер Беџети, кој доволно долго го држел во фиока високопрофилниот случај против поранешниот директор на тајната служба Сашо Мијалков, за да му овозможи застарување на делото. Станува збор за случајот на поранешното СЈО „Таргет-Тврдина“ за незаконското прислушување на илјадници граѓани. Тоа е случај од кој што произлегоа сите други случаи и од каде што тргна заробувањето на државата, но никој за тоа нема да одговара.

Горан Михајловски, СДК, 28.04.23.

нема
03.05 10:58
Коцарев сака да нѐ вовлече во бунарот на поделбите

МАНУ ја преспа транзицијата и излегува од мракот на својата омерта со режимот на една партија само во мигот на клучните моменти, кога одново ќе се најдеме на некоја крстосница. Еднаш тоа го стори претседателот на таа институција Ефремов со најантимакедонскиот чин до сега во поновата историја (поделување на земјата меѓу Македонците и Албанците), а сега актуелниот претседател Коцарев одново сака да нѐ вовлече во бунарот на поделбите со своите ставови пред кои молчат и оние интелектуалци кои се избрани како врв на знаењето и – соодветно – подобро од другите да ја претскажуваат иднината?!

Љубомир Костовски, Фронт лајн, 28.04.23.

нема
28.04 13:22

Препорачуваме

23 начини на кои феминизмот ги подобри животите на мажите

Феминизмот сè уште често се смета за грд збор, а ретко се спомнуваат неговите позитивни учиноци, во корист и на мажите.

Деликатниот ромор на исраните овчи брбушки

Историскиот миг во кој се наоѓаме е повторување на малоумната атмосфера во изборната година 2006.

Петнаесет години Окно

Насловна на Окно од 13 март 2009.

ОкоБоли главаВицФото