Боли глава

Сите вие кои паѓате во несвест на популистичка пропаганда дека леле мајко ќе сме купеле нов владин авион (кој патем е најстар и најникаков во цела можна Европа), сте истите кои уста не отворате за вистински непродуктивните трошења и не разбирате дека не е проблем секоја нормална држава да има авион што не е како голф тројка (го цитирам владиниот пилот), туку проблем се милион и пол државни коли на милион и пол непотребни институции, со уште толку директори, секретарки и шофери, па небројната и неспособна администрација, па тендерите на фирмите фаворити на секоја власт што пустите снег не можат да исчистат, па милионските злоупотреби ,и да не редам и да не редам… вклучително и злоупотребите на авионот за да си леткаат до кај ќе им се посака, вклучително и со приватно друштво. (...)

Значи да сумирам: дали ни треба саглам владин авион? Да.

Дали е нормално да не присуствуваш на многу важен настан, оти ти се расипал државниот авион, и тоа да ти е оправдување? Не.

Катарина Синадиновска, Фејсбук, 08.12.24.

ВМРО било, е, и ќе остане политичкото дно. Една обична, патетична, банално зла и насилна мачоистичка, националистичка, класно експлоататорска, криминална, и хомо/трансфобна, хетерофашистичка (а полна со плакари од „добрите“ геј момчиња), авторитарна структура на стероиди.

После мизогините походи на Влатче Ѓорчев плодоносецот во 2008-9 и неговите опсесии со демографските био-наци-политики, Мицковски и ВМРО сега повторно нè враќаат пред 1974 г. (најмалку) кога југословенскиот Устав планирањето на семејството го гарантираше како неприкосновено право.

Единственото потажно нешто од ВМРО се жените со знамето на ВМРО, тие послушни ќерки со огромна насмевка легнати под чизмата на нивните политички татиња (или сега татенцето Кики).

Славчо Димитров, Фејсбук, 28.11.24.

Министерот за одбрана Владо Мисајловски со гордост раскажува за неговото учество на состаноците на НАТО и за можноста нашата држава да носи одлуки заедно со големите сили, а кои се однесуваат на иднината и безбедноста на светот. НАТО е Алијанса под чиј безбедносен чадор се наоѓаат околу една милијарда население и е важно да се биде дел од тој клуб. Тука Мисајловски е сосема во право. Но тоа што тој не го кажа е дека за да се стигне до таму беа донесени тешки и непопуларни одлуки кои ВМРО-ДПМНЕ не само што не ги поддржа туку и ги попречуваше. Дури и денес додека владата ги бере ловориките на меѓународен план од членството во НАТО, таа гради амбиент во кој носителите на тешките одлуки, Заев, Димитров, Шекеринска и другите од тогашниот тим се сатанизираат и им се загрозени животот и безбедноста.

Соња Крамарска, Дојче веле, 20.11.24.

Министерот за култура Зоран Љутков се изненадил кога го посетил Македонскиот народен тетар (МНТ). Ја обвини претходната власт дека не го одржувала објектот што чинеше 40 милиони евра. Љутков изгледа заборавил дека неговата партија ВМРО-ДПМНЕ не доаѓа прв пат на власт. Театарот за кој самиот „не вели дека немало пропусти во изградбата“ беше во катастрофална состојба само што го пуштија, во 2013 година. Уште оттогаш, среде фоајето стојат кофите за прибирање на водата што тече од терасата на таванот. Околу театарот стојат вреќите со песок за да не се поплават подрумите ако заврне дожд. Претстави се откажуваа за глумците да не ги отепа струја. Не е дека субстандардот од 40 милиони евра не се одржувал. Туку на таа зграда не може крај со крај да ѝ се пофаќа. (...)

Да го потсетам Љутков дека неговата партија ни го наплати стиропорот како мермер, а бојата за ќунци како злато. Така што нека го обнови стиропорот, нека пребојоса и нека си брка работа. Што повеќе се жали, толку повеќе ја освежува меморијата кој всушност тоа го изгради. Дека баш тие згради што се распаѓаат, сосе зградата на Владата од која отпаѓа стиропорот, се дело на 11-годишното владеење на неговата партија, ВМРО-ДПМНЕ.

Горан Михајловски, СДК, 15.11.24.

Денеска на форум за божемна соработка на Владата со граѓански сектор, министерката за образование продолжи со нејзината кампања на загрозување на безбедноста, менталното здравје, животот и заштитата на младите ЛГБТИ и квир деца.

Имено, таа непрестајно укажуваше дека ја брише родовата еднаквост, и родот, сексуалната ориентација и родовиот идентитет од законите за основно и средно образование - за да ја заштитела БЕЗБЕДНОСТА на децата и сигурноста на родителите!

Очигледно, за неа ЛГБТИ и квир децата не се деца. Нивната безбедност не само што е небитна (иако се најнебезбедни и изложени на булинг и насилство), туку истите ги претстави како ЗАКАНА ЗА БЕЗБЕДНОСТА на имагинарното стрејт дете. Односно, подгоруваше параноја и паника за опасните квир деца, и со тоа поттикнува насилство врз нив, и параноидна агресија за заштита од имагинарниот непријател.

Во меѓувреме децата ќе страдаат од сиромаштија и ќе се гушат од загаден воздух, во уништен образовен систем кој продуцира армии од неписмени млади.

СРАМОТА! И да, срам да ви е на сите ЛГБТИ луѓе коишто ги промовиравте ВМРО и новата Претседателка; уживате ли сега во сопствениот мазохизам?

Славчо Димитров, Фејсбук, 14.11.24.

Луѓето не се делат на националности, партии и религии. Луѓето се делат на паметни и будали. А будалите се делат на националности, партии и религии.

Аноним