Промоција на книгата „Филмска објектологија” од Васил Михаил

На 6 јуни со почеток во 19:30 во кафе-книжарницата „Буква” ќе биде промовирана книгата „Филмска објектологија” од Васил Михаил во издание на „Современост”.

Авторот преку практични и теоретски инструменти аргументира и предлага воведување на нова подгранка на филмологијата која ќе се нарекува филмска објектологија. Сценариото за краток игран филм „Кујна” е основната појдовна точка од која се развива теорија за објектот во филмски кадар. Сценариото во изминатите години доби награди и признанија на филмски фестивали низ светот. Публиката ќе има можност да присуствувате на првата официјална промоција на оваа иновативна тема во филмската теорија и пракса.

Промотори на книгата и провокатори на авторот и публиката ќе бидат:

проф. д-р Мимоза Рајл – театарски критичар и професор по естетика и

доц. м-р Саша Станишиќ – филмски режисер и писател

Промоцијата на книгата ќе биде дополнета со мала изложба на филмски објекти од приватниот фонд на реквизити на Андреј Бартлинг – главен сценски реквизитер.

За релаксирачки крај на метафизичкото патување со филмската објектологија со класичен гудачки репертоар ќе не освежат младите матурирани музичари од ДМБУЦ „Илија Николовски - Луј” – Скопје:

Јована Анѓеловска – виолина

Марко Јованоски – виолончело

Александар Ицковски – виолончело

Саве Самаракова – контрабас

Во рамки на промоцијата ќе имате можност да ја купите книгата по промотивна цена од 250 денари, како и да добиете лична посвета од авторот.