Кариме Абуд – првата палестинска фотографка

Изминативе месеци светот го насочи погледот кон сликите и приказните кои доаѓаат од Газа, Палестина. Секоја фотографија е изјава, крик за помош и повик за акција против геноцидот од страна на израелските окупаторски сили. Визуелните наративи, актуелни и историски, стануваат доказ за животот, постоењето, идентитетот и приказна за една нација сведена на урнатини.

Пионерка на трајното наследство на палестинските креатори на фотографии е Кариме Абуд, првата професионална фотографка во Палестина. Со архива што датира од дваесеттите години, фотографиите на Абуд ја опфаќаат реалноста на Палестина пред Накба во 1948 година, реалност што ционистичките наративи ја сметаат за непостоечка.

Во 1913 година, Абуд го добила својот прв фотоапарат од нејзиниот татко. Таа често го придружувала својот татко на работните патувања во градовите и селата, што ѝ давало можност да фотографира во Витлеем, Тиберија, Назарет, Хаифа и Кисарија.

Нејзините фотографии ги доловуваат пејзажите, луѓето и секојдневниот живот на тие градови, а нејзините портрети, толку пред своето време, ја револуционизираа ограничената природа на студиската фотографија.

Наследството на Абуд, со години покриено со превез на нејасност, повторно се појави во 21 век благодарение на историчарот Исам Насар и напорите на истражувачот Ахмед Мрват. Повторното откривање на албумите на Абуд, обележани со нејзиниот специфичен печат, најави културна ренесанса.

Документарниот филм насловен „Обновени слики” и истоимената книга којашто навлегува длабоко во нејзиниот живот го истакнаа нејзиното големо влијание. Оттогаш, нејзините фотографии беа прецизно реставрирани и претставени на изложби на неколку места меѓу Либан и Палестина.

Како пионерка на фотографијата во Палестина, делото на Абуд служи како историски запис кој ги доловува палестинските животи од раните дваесетти до раните четириесетти, не само предизвикувајќи, туку и менувајќи ги преовладувачките перцепции, придонесувајќи за трансформативната нарација на Палестина преку нејзиниот објектив.

Извор: https://scenenow.com