Уметност против окупацијата

11.06.24 13:46

Сликите на уметницата Малак Матар од Газа се интимни и слоевити во нивниот приказ на жени кои живеат во современа Палестина. Преку нејзините дела, публиката е пренесена во спокојна оаза на смиреност – нешто што директно противречи на турбулентниот и опколен контекст од кој тие извираат.

Кога семејството е единственото засолниште

За Малак, сликарството отсекогаш било начин на излез од повторливите напади врз нејзината татковина. „Пораснав во уметничко семејство каде поезијата, сликарството и музиката беа дел од мојот социјален живот“, вели таа.

Мајката природа го прегрнува момчето и неговото коњче

„Почнав активно да творам за време на 51-от напад на градот Газа, обидувајќи се да избегам од стравот и вознемиреноста од идејата дека во секој момент мојот живот може да заврши“. Тоа е моќно чувство кое на некој начин допира до животите на оние кои сè уште се под окупираната територија на Палестина.

Кога мирот ќе умре, прегрнете го, повторно ќе заживее

Уметничката сцена во Палестина е прилично мала и тешка за навигација, но прекрасното дело на Малак се најде во меѓународната уметничка конверзација за време на нејзината прва самостојна изложба пред неколку години. „Тоа стана вирално локално и меѓународно и тоа значеше пробив за меѓународна покриеност и изложеност“, објаснува таа.

Две девојки од Газа сонуваат за мир

Она што е особено впечатливо за сликите на Малак е нејзината способност да предизвика акутно чувство на емоции без претставата на нејзините ликови да се претвори во мелодрама. Нивните лица делуваат стоички, но деталите ги потенцираат нивните крупни очи кои содржат богатство од приказни и живот. Богатите црвени, кафеави и зелени нијанси ја исполнуваат рамката и го згоемуваат интензитетот.

Да можев да го сместам мојот дом во мојот куфер

„Почнав да го развивам мојот визуелен стил набргу откако почнав да творам, додека слободно го сликав сопствениот живот, емоции, приказни, но на почетокот сè уште бев под влијание на мајсторите уметници како Пикасо“, вели таа. Засилената употреба на експресионистички сликарски техники добро се спојува со личниот сензибилитет на Малак.

Поезија

Честопати, субјективните искуства што Малак ги црпи за нејзината уметност се претвораат во нешто што може универзално да се разбере и да се почитува. На прашањето со кои мотиви особено ужива да ги пренесе овие чувства, Малак се осврнува на „жените со силни црти на лицето и палестинските везови и симболи“.

Жед за мир

Токму овие карактеристики го привлекоа вниманието на познатото списание за уметност GQ Middle East да ѝ ја додели насловната страница за јуни, која доживеа огромен успех.

Бегалци

„Главна инспирација во мојата уметност е местото од каде доаѓам“, вели Малак. „Мојот град, Газа, е комплексно место каде што земјата, небото, морето и културата се под опсада“. Како сликарка кој активно работи во и околу Палестина, делото на Малак знае да биде смело, опасно и храбро.

Мојата мајка

Тоа што е во првите редови на културното производство на земјата ја става во центарот на вниманието во време кога нејзиниот живот е редовно под закана од артилериско оружје. Но, сепак, Малак сака да истрае во прикажувањето на Палестина како богато културна, убава и комплексна земја каква што навистина е. „Газа е толку слоевито и богато место, инспиративно за уметничко експериментирање натопено со различни емоции“, објаснува таа.

Моето семејство

„Уметничката сцена во Палестина е една од најплодните и најбогатите во светот, бидејќи уметноста нуди начин за документирање на нашите историски настани и разновидна култура“. Меѓутоа, Малак сака да го привлече вниманието не само на надворешните проблеми на Палестина.

Thawra на арапски значи револуција, што е почит за силата и издржливоста на палестинските жени и новиот феминистички период во уметноста на Малак.

Таа, исто така истакнува дека „како и на многу места во светот, жените, а особено младите женски уметници имаат потешкотии во однос на промоција и поставување во фокус на својата работа во споредба со мажите“. Затоа нејзината уметност зазема јасно феминистичка гледна точка која се оддалечува од квази феминизмот на Западот.

Мојата револуција

Малак зборува за директните искуства на жените во Палестина, нешто што го привлече вниманието на меѓународната публика. „Имав неколку изложби во Палестина, но искрено, повеќето од моите изложби се случуваат низ целиот свет“.

Како се чувствувате поблиску до татковината? Јас додека сликам.

Надевајќи се дека ќе може непречено да продолжи со својата мисија за проширување на уметничката сцена на Палестина, Малак беше зафатена со посветување голем дел од своето време на подигање на свеста за нападите врз Газа преку нејзиниот Инстаграм профил. Тоа често е чин на балансирање меѓу двете, но таа вели дека се надева дека ќе продолжи да работи на внесување на поголема разновидност во медиумот што го користи. На крајот, таа го најавува објавувањето на својата нова книга за деца или попрецизно, објавувањето на првата книга за деца од Појасот Газа инспирирана од нејзина приказна.


Породување во затворска ќелија

Кога светот спие

Извор: https://www.itsnicethat.com

Слични содржини

Активизам / Уметност / Око
Активизам / Фотографија / Свет / Уметност / Око
Уметност / Око
Уметност / Око
Фотографија / Уметност / Око

ОкоБоли главаВицФото