67 минути во најтивката соба на светот

14.06.2024 14:36
67 минути во најтивката соба на светот

Стивен Орфилд, експерт за дизајн на комори, ги истакнува фасцинантните аспекти од искуствата што луѓето ги имале во анехоична комора, дизајнирана да биде апсолутно тивка.
Тој опишува дека во таков простор човек станува свесен за сопствените телесни процеси, како што се чукањето на срцето, звуците при дишење, па дури и малите движења во дигестивниот тракт. Со оглед на високиот степен на изолација од надворешните звуци, луѓето се речиси целосно нурнати во сопственото тело, станувајќи „звуци“ во тој простор на тишина.

Сепак, и окрај тоа што може да звучи како мирно и медитативно искуство, поминувањето време во анехоична соба не е искуство без предизвици. Ограничувањето од 45 минути покажува дека по ова време може да почнат да се појавуваат негативни ефекти врз менталното здравје.
Луѓето што биле подолго време во таква средина пријавиле дека чувствуваат дезориентираност, халуцинации и тешкотии со концентрацијата. Сепак, ова искуство претставува предизвик за оние што се обидуваат да постават рекорд за времето поминато во таква комора.

Еден новинар успеал да остане внатре повеќе од еден час, поточно 67 минути, што е импресивно, но и ризично. Во моментот кога го надминал препорачаното време, почнал да чувствува интензивни сензации, вклучувајќи тинитус (шум во ушите) и визуелни халуцинации. Ова укажува на важноста од следење на безбедносните упатства и ограничувања бидејќи дури и под такви контролирани услови може да се појават сериозни ефекти врз поединецот.

По само пет минути во изолација, тој веднаш пријавил дека се чувствува дезориентирано, по интензивниот налет на тинитус во двете уши. По 15 минути тој тврдел дека гледал светла кои танцуваат околу него во собата, а по 30 минути тврдел дека може да го слушне звукот на сопствениот крвоток. Во такви екстремни околности, поединците што избираат да ги тестираат границите на својот ум и тело мора да бидат свесни за ризиците и подготвени за предизвиците со кои може да се соочат. Иако соборувањето рекорд може да биде достигнување, важно е секогаш да се ставаат безбедноста и благосостојбата на поединецот на прво место.

На следниот линк можете да дознаете повеќе информации за најтивката соба во светот.

Извор: https://klik.hr