Еднодневна работилница „Звучни собирања“ на холандската уметница Маја Стајнберг

Во вторник, 18 јуни, во 19:00 часот во КСП Центар –Јадро ќе се одржи еднодневна работилница која се надоврзува на работилницата „Звучни собирања“, организирана во соработка со Studio PLAY.ground и К.Ц. Медиа Артес во ноември 2023 во рамки на проектот „СИОТ СВЕТ Е СЦЕНА- имерсивен и партиципативен театар како алатка за социјални промени“ поддржан од Швајцарска амбасада.

Во оваа работилница, учесниците ќе истражат како звукот ни помага да се поврземе со нашето внатрешно јас и со другите. Работилницата комбинира различни алатки кои вклучуваат медитација, звучно исцелување, вежби за ослободување на гласот и песни од целиот свет, водејќи се од специфичната избрана тема која ни служи како водич во текот на работилницата.

Ова е повеќе од обично пеење, во кое ги користиме нашите гласови за да ги изразиме и да им дадеме слобода на заглавените емоции, отелотворуваме и градиме нови врски и ја откриваме моќта на нашиот глас, создавајќи место каде што си дозволуваме само да бидеме тоа што сме, да бидеме свои.

Работилницата е отворена за сите кои се заинтересирани за личен развој и работа на себе преку откривање и ослободување на својот глас.

Работилницата е исто така дел од подолгорочниот проект, Проект А, на Холандската музичка и интердисциплинарна уметница Маја Стајнберг, кој таа го реализирала во локални заедници во различни земји и култури.