Метафоричната интеракција на порцеланот и конецот

02.07.24 11:18

Fadenschein, што во превод значи „Нишки”, е насловот на серијата уметнички дела на германската уметница Хелена Хафеман. Оваа извонредна колекција ја спојува кревкоста на порцеланот со растегливата цврстина на конецот, создавајќи парадоксална интеракција која е неверојатна и метафорична.

Почетокот на серијата „Fadenschein” во 2016 година означил потресен момент во кариерата на Хафеман, роден како резултат на загубата на негуваната порцеланска чинија, која се скршила додека таа ја истоварувала машината за миење садови.

Наместо да се ослободи од остатоците од овој сакан предмет, Хелена тргнала на патување кое ја одвело до обновување и повторно раѓање. Таа прецизно ги споила фрагментите, не за да ја врати чинијата во првобитната форма, туку за да ја надмине таа форма и да ја претвори во нешто ново и свежо.

Користејќи деликатни нишки за поврзување на овие скршени парчиња, таа создала сосема нов објект, кој му дава вредност на минатото на чинијата придвижувајќи го во нова димензија на естетско и емотивно значење.

Нишките што се протегаат помеѓу порцеланските фрагменти ги симболизираат врските што нè држат заедно, дури и кога се соочуваме со фрагментација. Заедно, овие материјали раскажуваат приказна за загубата, трансформацијата и обновувањето, доловувајќи ги моментите на распаѓање и замрзнувајќи ги во времето.

Извор: https://theinspirationgrid.com

ОкоБоли главаВицФото