Јулски вечери на архитектурата

Од 15 до 17 јули во книжарницата „Илика”, ќе се одржи тридневниот настан насловен „Јулски вечери на архитектурата”.

На овој тридневен вечерен настан ќе се стави фокус на дипломските и магистерските трудови на сите архитекти кои што завршиле во последните пет години и кои го имаат разработувано Скопје. Целта на настанот е да даде видливост на иновативните, креативните и свежите погледи и идеи за Скопје.

Магистерските трудови многу често се длабоки, искрени, неоптеретени од финансиски проблеми, наивни и правилни. И покрај тоа, ретко пошироката јавност, па и самите архитекти можат да се запознаат со истите. Ова е одличен простор младите архитекти да се презентираат себе и својата работа пред повозрасните колеги и останатите заљубеници во архитектурата.