Виена се прилагодува на климатските промени со садење дрвја поотпорни на топлина

Поради промената на климатските услови и сѐ потоплите денови во годината, градот Виена се фокусираше на засадување на оние видови дрвја во градот кои се поотпорни на топлина, па направена е листа од 19 видови стебла кои добро ја поднесуваат градската топлина.

Помеѓу избраните видови се јаворот клен и келреутериа или лампион дрво, кои поинтензивно се користат во Виена во последните десет години. Во периоди на жештини, наводнувањето на градските дрвја се интензивира.

Младите стебла кои не се наводнуваат со помош на автоматски систем, добиваат вода еднаш неделно, а во периоди на големи горештини, два пати неделно. Дополнително, младите дрвја се премачкуваат со бел премаз за заштита од екстремните временски услови.

Во Виена се применува и релативно нов систем - принципот на сунѓереста структура на уличните површини, кои ги задоволуваат техничките барања за изградба на патишта и биолошките потреби на дрвјата.

Почвата под пешачките патеки, паркинзите или улиците е порозна, дрвјата добиваат повеќе простор за ширење на корените и можат да апсорбираат повеќе вода, а дополнителен ефект е создавање простор за задржување на дождовницата, што го олеснува канализациониот систем и ги обезбедува дрвјата со вода за време на сушни периоди.

Во главниот град на Австрија, во текот на летните месеци ангажирани се околу 150 работници за градско зеленило за полевање, пред сѐ на млади дрвја, со околу 400 000 литри вода дневно.

Фото: Christian Lendl

Извор: https://insajder.net