Мојот татко ги вади очилата

Мојот татко ги вади очилата
и ги става на облак
зема стап
и тргнува во прошетка.
Благите перници магла
и мојата љубов
го придржуваат.
Денот е и исклучително блескав
големата и сјајна кугла
се ниша
опасно
на трепките.
Мојот татко
висок и среќен
го фрла стапот
и чекори.
Јас му велам
добро е
                       добро е.

Наутро
додека се будам
и после целиот ден
ме боли
леснотијата
со која се разделивме.

Превод: Санде Стојчевски