Анимирана битка на бендови

Dog & Rabbit е специјален тим од исклучително талентирани поединци, експерти за 2D и 3D анимација, стоп рамка, дизајн и графика во движење. Овој тим е поддржан од стручни соработници кои работат на различни проекти, преку мултимедија - печатење, емитување, видео, онлајн, инсталации и проекции. Овојпат, Dog & Rabbit се фокусираат на легендарното ривалство „Битлси против Стоунси”.

Оживувајќи ги иконичните обвивки на албуми од двете рок групи, на видеото може да се види како ликот од Вуду Лоунџ вози жолта подморница додека Кит Ричардс, Пол Макартни, Мик Џегер и Ринго Стар се расправаат за храна.

„Она што започна како комични адаптации на музички албуми на крајот преминува во акција направена со многу труд, љубов и посветеност”, објаснува Ендрју Келехер. „Ја сакам музиката (да бидам поконкретен, добрата музика е мојот омилен вид на музика), и анимирањето на оваа збирка на иконични, а понекогаш и чудни омоти на албуми за мене претставува голема радост. Уживав во целиот процес, од почеток до крај”.

За да го создаде филмот, Келехер ги исекол, па потоа повторно ги составил и споил постоечките фотографии заедно со рачно нацртаните елементи од колешките аниматорки Сањана Чандрасекар и Хана Бруертон. Погледнете ја анимацијата насловена „Битлси против Стоунси и пронајдете повеќе видеа на веб страницата и Инстаграм профилот на Dog & Rabbit.

 Извор: https://www.thisiscolossal.com