Друга приказна #9, ден 2

Вториот ден на деветтата Друга приказна започна со разговорот со Адел Фаисал Ал-Зоаби, писателот од Назарет, во Палестина. Разговорот го водеше Артан Садику.

Најновиот број на списанието Маргина # 96, целиот посветен на Палестина, го промовираше Здравко Савевски.

Блокот за Палестина заврши со разговорот под наслов „Што нам ни значи Палестина?“, во кој учествуваа Јерко Бакотин од Загреб и домашните учесници: Сара Миленковска, Никола Гелевски и Артан Садику. Водителка беше Фросина Крушкаровска.

По кратката пауза се одржа свеченото доделување на главната награда на фестивалот, на Семездин Мехмединовиќ, писател од Сараево. На лауреатот му беше подарен вез-сертификат, уметничко дело на уметницата од Нови Сад, Милица Дукиќ. Извадоци од неколку дела на Мехмединовиќ, како и кратки критички белешки за неговите дела, читаа актерката Лилјана Велјанова и Елена Митреска. Разговорот со наградениот писател го водеше Никола Гелевски.

Втората фестивалска вечер заврши во барот Ла Кања во Старата скопска чаршија, каде што се одржаа два концерта: на кантавторката Хана Корнети и на тричлената група од Ниш со необично име: Таблетариум - Ревија на социјални и психоделични графити.

Фотографии: Наташа Гелева