Меѓународна научна конференција „Мит и драма: современи интерпретации“

Под покровителство на Универзитетот Св. „Кирил и Методиј“ во Скопје, а во соорганизација на Филолошкиот факултет „Блаже Конески“, УКИМ, Скопје, Институтот за македонска литература, УКИМ, Скопје и Факултетот за драмски уметности, УКИМ, Скопје во петок (29 ноември) започнува со работа дводневната меѓународна научна конференција на тема „Мит и драма: современи интерпретации“ (29-30 ноември 2024).

Целта на конференцијата е интердисциплинарно, историски и дијахрониски да се разгледаат и да се осмислуваат релациите меѓу концептите на митското мислење и драмското/театарското творештво според критичкиот арсенал на книжевно-компаративистичкиот пристап и критичкиот интерес на театрологијата за естетиката, семиотиката и драматургијата на старите и новите (при)кажувања во драмата/театарот.

На конференцијата учество пријавија повеќе од педесет експерти од областа на хуманистичките науки и театарските студии од земјава и од странство (Франција, Италија, Шпанија, Грција, Хрватска, Србија, Бугарија, Мароко, Финска и др.)

Конференцијата е отворена за сите заинтересирани, а програмата е достапна на следниов линк.

Извор: https://iml.edu.mk